¹ Reo fiarahamonin'Israely iaby la nandeha bakagny amin'ny efitr'i Sina, nagnaraky reo torolalan-Dranagnahary. Nivory tao Refidima rozy, nefa tsy nisy rano ho ninomin'ny vahoaky tao. ² La nagnome tasiny an'i Mosesy noho zay raha nisy tamin-drozy zay gny vahoaky sady nanao hoe: " Omeo rano gny hinomy rahay." Hoy Mosesy hoe: " Nagnino ro mifanditsy agnamiko nareo?" Nagnino ro mangalaky fagnahy gnan'i Yaveh nareo?" ³ Narandrano mare reo vahoaky, ka nitaray tamin'i Mosesy rozy. Hoy rozy hoe: "Nagnino ro nanday gnanay niakatsy bakagny Egypta iha? Mba hamono gnanay vo reo anaky sady reo biby fiompinay amin'ny arandragno?" ⁴ La nikaiky mare gnan'i Yaveh i Mosesy hoe: " Ino ro tokony ataoko amy toy vahoaky toy? Fa efa vonona hitoraky vato gnahy rozy." ⁵ Hoy Yaveh tagnamin'i Mosesy: " Mandehana eo agnatrehan'ireo vahoaky sady andeso misondry agnaminao reo loholon'i Israely sasany. Andeso misondry agnaminao gny tehy zay namangoanao gny vavarano, sady mandehana. ⁶ Hijoro eo agnatrehanao agny eo amin'ny vatolampy ao Horeba Zaho, sady hamango gny vatolampy iha. Hisy rano hiboaky amin'izay mba hinomin'ny vahoaky." La nanao zay teo amason'ireo loholon'Israely i Mosesy. ⁷ Nikaiky zay toera zay hoe Masa vo Meriba noho gny fitaraignan'ireo Israelita ie, sady fa nangalaky gny Tompo rozy tamin'ny nivolagnany hoe: " Eto agnaminay va Yaveh sa tsia?" ⁸ La avy sady nanafiky gnan' Israely tao Refidina gny tafiky gny vahoaky Amelekita. ⁹ La hoy Mosesy tamin'i Josoa: " Mifilia johary maromaro sady miboaha. Mialia amin'ny Amekekita. Hamaray la hijoro eo an-tampon'ny havoana misondry amin'ny tehin-Dranagnahary eo an-tagnako zaho." ¹⁰ La nialy tamin'ny Amalekita araky gny nandilian'i Mosesy gnazy Josoa, laha niakatsy tao an-tampon'ny havoa kosa Mosesy, Arona, vo Hora. ¹¹ Lafa nananga gny tagnany ho ambony Mosesy, la nandresy Israely; lafa nagnenga gny tagnany hangalaky ay ie, la nanomboky nandresy gny Amalekita. ¹² Lafa nihanavesatsy gny tanan'i Mosesy, la nangalaky vato i Arona vo Hora sady nametraky zay tao ambaniny mba hipetrahany. Tamin'io fotoa io avao, la nitanjaky gny tagnany ho ambony i Arona vo Hora, gny olo raiky teo agnilany, sady gny olo raiky hafa teo amin'ny ankilany. Sady la voatanjaky mare reo tanan'i Mosesy zisiky hilenteha gny masoandro. ¹³ La nandresy gny vahoakan'ny Amalekita tamin'ny Sabatra i Josoa. ¹⁴ Hoy Yaveh tamin'i Mosesy: " Soraty amin'ny boky zao ka vakio eo an-tsofin'i Josoa, fotony hamono tanteraky gny fahatiarova gny Amalekita tsy ho eto ambany gny lagnitsy Zaho." ¹⁵ La nagnory alitara i Mosesy sady nikaiky zay hoe: " Yaveh ro fanevako." ¹⁶ Hoy ie: " Fa gny tana la nasondrotsy ambony ho amin'ny seza fiandrianan'i Yaveh__fa Yaveh hialy amin'ny Amalekita amin'ireo avorohota afara handimby iaby."