¹ Reto gny agnaran'ireo anakilahin' Israely zay nagnagny Egypta nisondry tagnamin'i Jakoba, zay nisondry tagnamin'ireo avorohotany avy: ² Robena, Simeona, Levy sady Joda; ³ Isakara, Zebolona, voho Benjamina, ⁴ Dana, Naltaly, Gada sady Asera. ⁵ Reo taranak'i Jakoba iaby la miisa fitopolo. Josefa kosa la fa tagny Egypta. ⁶ Ka maty i Josefa, voho gny rahalahiny iaby, voho reo avorohota iaby reo. ⁷ Namokatsy reo Israelita, nitombo hatrany gny isan-drozy reo, sady lasa tena natanjaka; feno gnan-drozy gny tany. ⁸ Sady la nisy mpanjaka vaovao nanjaka nanera gnan'i Egypta, zay tsy nahafantatsy gny momban'i Josefa. ⁹ Hoy ie tagnamin'ireo olony hoe: Ingo, reo Israelita la maro isaky voho fatratsy mare mandilatsy gnantsika. ¹⁰ Manatona, ao tsika ifampiraharaha am-pahendrena amin-drozy, laha tsy izay la hitombo isaky zisiky farany rozy, sady laha vaky gn' aly, la hamonjy gny fahavalontsika rozy, hialy amintsika, sady hagnenga gny tany." ¹¹ Ka la nametraky mpifehy an-drozy mba hampijaly an-drozy amin-gn' asa mafy. Nagnamboatsy tana fagnajaria ho gnan'i Farao gny Israelita: Pitoma voho Ramesesa. ¹² Nefa vomaiky reo Egyptiana mampijaly an-drozy, la vomaiky nitombo an'isa voho niparitaky reo Israelita. koa la nanomboky natahotsy reo Israelita reo Egyptiana. ¹³ Nampiasain'ireo Egyptiana reo Israelita. ¹⁴ Nataony nangily gny fiainan-drozy tamin-gny fanompoa mafy tamin-gny fanaova feta voho biriky, nisondry tamin-drozy karazan-draharaha iaby egny am-baibo. Gny asa iaby notakia tamin-drozy la mafy iaby. ¹⁵ Sady nisafa tamin-drozy mpampivelo Hebreo gny mpanjakan'i Egypta; gny agnaran-gny raiky la Sifra, sady gny raiky Poa. ¹⁶ Hoy ie hoe: " Lafa manatriky reo sevaky Hebreo eo amin-gny seza fiteraha nareo, la araho maso rozy reo lafa miteraky. Laha aja johary zany, la tsy maintsy hovonoinareo ie; la laha aja ampela koa, la afaky enga ho velo." ¹⁷ Fa natahotsy an-Dranagnahary reo mpampivelo ka tsy nanao zay nandidian'i mpanjakan'i Egypta rozy reo; navelan-drozy ho velo reo aja johary. ¹⁸ Nikaiky reo mpampivelo gny mpanjakan'i Egypta ka nisafa tamin-drozy hoe: " Nagnino ro nanao zao nareo, sady nagnenga reo johary kely ho velo?" ¹⁹ La namaly gnan'i Farao reo mpampivelo hoe: " tsy mitovy amin'ireo ampela Egyptiana reo ampela Hebreo. Matanjaky rozy reo ka fa nahavita namoaky aja mialohan-gny hahavian-gny mpampivelo agny amin-drozy." ²⁰ Narovan- Dranagnahary reo mpampivelo reo. Nitombo an'isa reo mponina sady tena niha-natanjaky. ²¹ Fotony natahotsy an-Dranagnahary reo mpampivelo, la nomeny avorohota rozy reo. ²² Nandily reo olony iaby Farao hoe: " Tsy maintsy harianareo agny amin-gny renirano gny johary iaby zay vao teraky, fa gny ampela henganareo ho velo."