¹ Manahaky gny fatin-dalitsy zay mahamantsy gny raha magnitsy, manahaky an'izay avao koa gn'ahafahan'ny hadala mandresy gny fahendrea voho gny fankatoava. ² Gny fon'ny gn'olo hendry la miory miankavana, fa gny fon'ny gn'adala miory miankavia. ³ Lafa mandeha an-dala egny gn'adala, la tsy ampy say ie, magnambara amin'ny gn'olo iaby fa adala ie. ⁴ Laha miakatsy manohitsy anao gny fihentsrham-pon'ny gny mpanampaky, ka mienga gn'asanao iha. Gny fitonia la afaky mampiegny gny siaky bevata. ⁵ La misy gny raty hitako eo ambanin'ny gny masoandro, karazan'ny gny hadisoa baka amin'ny gny mpanampaky: ⁶ Gn'adala namea toeram-pitariha, voho gn'olo hendry namea toera ambany. ⁷ Nahajery andevo niondra-tsoavaly aho, voho gn'olo hendry mandehan-tomboky manahaky gn'andevo. ⁸ Gny zay iaby mihaly lavaly la mety ho lavo amin'io ao, ka ndra mbia ndra mbia misy olo magnopaky manda la mety ho heherin'ny gny bibilava ie. ⁹ Gny zay iaby manampaky vato la mety haratsin'io, voho gn'olo manampaky hazo la hanahaky an'izay ie. ¹⁰ Laha madomoky gny lelan'ny gny vy, ka tsy ragnitin'ny gn'olo, la tsy maintsy hampiasa gny heriny bebe kokoa ie, gny fahendrea la magnomea tombony amin'ny gn'izay mety atao. ¹¹ Laha nagnehitsy mialohan'ny gny nagnasia aoly gny bibilava, la tsy misy tombony ho an'ny gny mpanao aoly. ¹² Hasoam-pagnahy gny rehak'olo hendry, fa gny somin'ny gn'adala la mitely azy avao. ¹³ Manahaky gny rehaky miboaky eo ambavan'ny gn'adala, ro iboahan'ny gny hadalany, voho amin'ny gny farany gny vavany la hisosan'ny gny hatroboan-tsay raty. ¹⁴ Mampitombo rehaky gn'adala, ka tsy misy mahay gny ho avy. Ia ro hahay gny ho avy afara agny? ¹⁵ Magnavesatsy androzy gny fisasaran'ny gn'adala, ka tsy hainy ndra gny lala magnan-tanam-be agny. ¹⁶ Loza ho anao, ry tany, laha zatovolahy ro mpanjakanao, ka laha manomboky manao firavoravoa amin'ny gny to gny mpitariky anao! ¹⁷ Sambatsy iha, ry tany, laha gn'anakilahin'ireo mendri-kaja ro mpanjakanao, ka mijabo amin'ny gny fotoany gny mpitariky anao, ho tanjaky, fa tsy ho amin'ny gny fahamamoa! ¹⁸ Nohon'ny gny hakamoa ro mahalatsaky gny tafo, voho gny tsy fahazotoan'ny gny tagna ro mampitete gny tragno. ¹⁹ Magnoma hany ho amin'ny gny fihehea gn'olo, gny divay manday fitiava gny fiaigna, voho gny drala magnatsiky gny filan-draha iaby. ²⁰ Ka magnozo gny mpanjaka, ndra la an-tsainao ao aza, voho ka magnozo gn'olo magnan-kanagna ao amin'ny gn'efitragno fandreanao. Fa mety handesim-boro gny rehakao; fa gny managn'elatsy iaby la afaky magnely gny raharaha.