¹ Roa ambin'ny folo tao Manase,taminy vao nanomboky nanjaka, dimy amby dimam-polo tao ro nanjakany tagny Jerosalema.Gny agnaran-dreniny Hefziba. ² La nanao zay raty eo agnatrehan'i Yaveh ie,manahaky gny fahalotoan'ny firenena zay niroahin'i Yaveh tsy ho eo agnatrehan'ny Israely. ³ Fa namboariny ndraiky gny fitoera agnabo,zay noravan'i Hezekia babany,la nagnory alitara ho gnan'i Bala ie sady nanao aseraha,manahaky zay nataon'i Ahaba,mpanjakan'ny Israely; voho niankohoky teo agnatrehan'izay iaby egny amigny lagnitsy ie la nanompo regny . ⁴ Manase la nagnory alitara fanompoan-tsampy tao an-tragnon'i Yaveh, ndra la nandidy gnazy i Yaveh hoe:' Ho mandrakizay ao Jerosalema gny agnarako." ⁵ Nagnory alitara ho gnan'ny kintan'ny lagnitsy iaby ie tao amin'ireo kianja roen'ny tragnon'i Yaveh. ⁶ Nataony tao agnaty bolo gny anany; sady nagnandro voho nanao sikily sady nangalaky hevitsy tamin'ireo zay miresaky amin'ny maty voho reo zay miresaky amin'ny fagnahy ie. nanao raty maro teo amason'i Yaveh ie sady nihantsy gnan-Dranagnahary tamin'ny fahatezerany. ⁷ Gny sary sokits'i Astarta zay nataony, la napetrany tao an-tragnon'i Yaveh io. Ka momba gnan'io tragno io ro niresahan'i Yaveh tamin'i Davida voho Solomona anany; hoy ie hoe;' Tato amy toy tragno toy sady tao Jerosalema zay nifiliko tamin'ireo fokon'Israely manontolo, ro hametrahako gny agnarako mandrakizay. ⁸ Sady tsy hampirenireny gny tombokIsraely hiboaky amin'ny tany zay nameako gny razan-drozy sasay Aho laha mankato soa reo iaby zay nandidiako rozy , lian'i Mosesy mpanompoko an-drozy. ⁹ fa tsy nijanjy reo fokonolo, sady i Manase ro nitariky gnan-drozy hanao ray mandilatsy noho reo firenena zay noravan'i Yaveh teo angnatrehan'ny fokonolon'Israely. ¹⁰ La niresaky tamin'ny alalan'ireo mpaminany mpanompony i Yaveh, nanao hoe: ¹¹ " Fotony i Manase mpanjakan'i Joda la nanao reo raha maharikoriko reo, sady nanao raty mandilatsy noho zay iaby nataon'ireo Amorita zay nanao gnan'io talohany, sady nampanota gnan'i Joda avao koa tamin'ireo sampiny, ¹² nohon'io i Yaveh lay Ndranagnaharin'i Israely, nisafa zao:' Ingo, hahatonga loza manahaky gnan'io eo amin'ny Jerosalema voho Joda Aho ka zay iaby mahare gnan'io, la hangoritsy gny sofiny roe. ¹³ Hagnampatsy gny taly fandrefesa am-pisaigna hagnoregna gnan'i Smaria amin'i Jerosalema Aho, sady gny pilao fandrefesa ampiaza hagnoregna gny avorohotan'i Ahaba hagnalio gnan'i Jerosalema, manahaky gny olo magnalio sakafo , mikosoky gnan'io sady magnodikody gnan'io ambony ambany Aho. ¹⁴ Hanipy reo lovako sisa tavela Aho sady hagnome gnan'io ho eo am-pelatagnan'ny fahavalon-drozy. Ho avy niharam-boina voho babon'ireo fahavalony iaby rozy, ¹⁵ fotony fa nanao zay raty teo amhako rozy, sady nihantsy Gnahy tamin'ny fahatezera, hatramin'ny andro niboahan'ny razam-ben-drozy bakagny Egypta, mandrak'androany." ¹⁶ Fagnampin'io, Manase la nandatsa-dra tsy manan-tsiny maro , mandra-pahafenoany fahafatesa tamin'ny raiky hatramin'my raiky hafa gnan'i Jerosalema. Io la fagnampin'ny fahota zay nampanotany gnan'i Joda, lafa nanao zay raty teo amason'i Yaveh rozy. ¹⁷ Sady gny amin'ireo raharaha hafa mahakasiky gnan'i Manase, zay iaby nataony, sady gny fahotany zay nataony, moa va tsy fa voasoratsy ao amin'ny bokin'ny tantaran'ny mpanjakan'i Joda io? ¹⁸ La maty tagny amin'ireo razany sady nalevy tao amin'ny Zaridainan'ny tragnony avao Manase, tao an-jaridainan'i Oza. Sady Amona anany ro lasa mpanjaka teo amin'ny toerany. ¹⁹ Teo amin'ny faha roapolo roamby taonany Amona ro nanomboky nanjaka; nanjaka nandritsa gny roe tao tao Jerosalema ie. Gny agnaran-dreniny la Mesolemeta; anaky ampelan'i Haroza bakagny Jotba. ²⁰ Nanao zay raty teo amason'i Yaveh ie, manahaky gny nataon'i Manase rainy. ²¹ Nagnaraky reo lala iaby zay nandehanan'ny rainy sady nanompo reo sampy zay notompoin'ny rainy, sady niankohoky amin-drozy Amona. ²² Nagnenga gnan'i Yaveh, lay Ndranagnaharan'ireo razany ie sady tsy nandeha tamin'ny lalan'i Yaveh. ²³ Reo mpanompon'i Amona la nitetiky hanohitst gnazy sady namono gny mpanjaka tao an-tragnony avao. ²⁴ Fa reo fokonolon'ny tany la namono zay iaby nitetiky hanohitsy gnan'i Amona mpanjaka, sady rozy ro nanao gnan'i Josia anany lahy ho mpanjaka teo amin'ny toerany. ²⁵ Laha gny amin'ny raharaha hafa mahakasiky zay nataon'i Amona, moa va tsy fa voasoratsy ao amin'ny bokin'ny tantaran'ireo mpanjakan'i Joda io? ²⁶ Reo fokonolo la nandevy gnazy tao amin'ny fasany tao an-jaridainan'i Oza, sady Josia anany ro lasa mpanjaka teo amin'ny toerany.