¹ Lafa nahaja hafatsi-drozy igny Hezekia mpanjaka,la nitatahiny gn'akanjony,ka nagnisy akanjo fisaogna ie,bakeo nijobo an-tragnon'i Yaveh ao. ² Nagniraky an'i Eliakima lehiben'ny fanjakany ie, voho Sebma mpanora-dily,noho lohan'ny mpisoro reo,samby nagnisy akanjo fisaogna iaby razy;hagnamin'i Isaia anakilahin'i Amosa igny agny. ³ La nivola taminy razy hoe:"Zao gny safan'i Hezekia:'andron'ny fijalia,fahafatesa voho fangalam-baraka,henaniky zao fa mariny ho teraky aja zao nefa gny hery hiteraha azy tsy misy. ⁴ Evany ho jan'i Yaveh zagnaharinao gny resaky nataon'ny lehiben'ny mpifehy nirahin'ny mpanjakan'i Asyria tompony mba handratiraty an'Andriamanitra;hamaly raha nataony rey Yaveh Andriamanitrao. Asondroto ho an'ny ze sisa tavela gny fivavahanao. ⁵ Niavy amini Isaia agny gny mpiasan'i Hezekia mpanjaka, ⁶ ka hoy Isaia tamin-drozy:"Volagno amin'ny mpanjakanareo fa zao gny resak'i Yaveh:"Ka mavaka amin'ny resaky ze fanirenao,amin'ny fandratiaratian'ny mpanompon'ny mpanjakan'ny Asyria ahy. ⁷ Hametrahako fagnahy gn'aminy ao,hahare siosio ie ka himpoly an-taniny agny.Hataoko lavon'ny mesobe an-taniny ao ie. ⁸ La nimpoly lehiben'ny mpifehy igny ka kojy gny mpanjakan'i Asyria nialy amin'i Libna,fa nireny fa niala baka lakisy ao gny mpanjaka. ⁹ Sankeriba koa nahare fa i Tiraka mpanjakan'ny Etiopia noho Egypta,hialy aminy ,farany nagniraky mpanday hafatsy nagnamin'i Hezekia agny ndraiky ie hoe: ¹⁰ "Volagno amin'i Hezekia mpanjakan'i Joda hoe:Ka nagnenky ho fitahin'ny zagnahary atokisanao io iha,ka hivola hoe:"Tsy hamea ho an-tagnan'ny mpanjakan'i Asyria Jerosalema. ¹¹ Fa renao gny raha nataon'ny mpanjakan'i Asyria amin'ny tany iaby mikasiky gny famoteha reo.Ka ho voavonjy va iha? ¹² Mba fa nagnavotsy an-drozy avao va gny zagnaharin'ny firenena,firenena nisimbagnin-drazako reo,tsy ia zay fa:Gozana,Harana,Razefa,voho gny olon'i Edena ta-telasara ao? ¹³ Aia gny mpanjakan'i Hamata,gny mpanjakan'i Arpada,gny mpanjakan'ny tana Sefarvaima,Hena voho Iva? ¹⁴ Voarambin'i Hezekia gny taratasa nandesin'ny mpanday hafatsy rey nivoavakiny.Bakeo nandeha an-tragnon'i Yaveh agny ie ka nanokatsy azy teo. ¹⁵ La nivavaky tan-tragnon'i Yaveh ao hezekia ka nanao an'izao:"Yaveh,Andriamanitsy gny maro,Zagnaharin'Israely,iha zay mipetraky agnabon'ny kerobima,iha ro Andriamanitsy toka eran'ny fanjaka iaby toy,iha ro namboatsy gny lagnitsy voho gny tany. ¹⁶ Atongilao gny sofinao Yaveh,ka janjigno aho,sokafa gny masonap Yaveh,ka enteo aho,voho janjigno gny resak'i Sankeriba zay nirahiny mba handratiraty an'Andriamagnitsy velo. ¹⁷ Eka lahy Yaveh,fa nandrava gny fireneny voho gny tanin'ny vatany gny mpanjakan'i Asyria. ¹⁸ Fa nagnoro gny Zagnaharin-drozy tam-bolo rozy,satria tsy Zagnahary to raha rey fa raha namboarian'olombelo, hazo voho vato avao.Ka nakopakin'ny Asyria reo. ¹⁹ Ka amizao lahy Yaveh Andrianagnaharinay,mangataky aminao aho,avoto amin'ny hainy zahay,mba hahaizan'ny fanjakana iaby toy fa iha avao ro Yaveh,Andriamagnitsy toka". ²⁰ La nandefa hafatsy nagn'amin'i Hezekia agny Isaia anakilahin'i Amoza hoe:"Yaveh,tompon'ny Israely niola hoe:'Fa nivavaky tamiko mikasiky an'i Sankeriba mpanjakan'i Asyria iha.Ka nijanjy anao aho. ²¹ Zao gny safan'i Yaveh mikasiky azy:"Gny anaky ampela virijinin'ny Ziona tsy magnisy dikany anao, homehy amin'ny halatsa-barakanao. Gny anak'ampelan'ny Jerosalema magnifikifi-doha aminao. ²² Ka ia olo tsy nasianao dikany voho nalanao baraka io? Hanohitsy an'ia moa nampiakaranao gny feonao voho nampiandrandranao gny masonao la nampirehareha anao io? Hanohitsy olomasin'ny Israely! ²³ Tamin'olo nirahinao reo ro nandratiaratianao gny Tompo,fa hoe:'tamin'ny Kalesiko maro reo ro niakarako tamin'ny farany agnabon'ny tendrombohitsy agny,ta-Libanona agny. Tampahiko ze abo mare amin'ny sederany reo,voho ze soa mare amin'ny Kypreso reo. Hijobo amin'ny lavitsy mare aho,amin'ny ze ala maro hazo mamoa. ²⁴ Fa nihaly vovo aho sady fa nino amin'ny ranon'ny firenena hafa. Niritsigniko ambanin'ny tomboko ao gny ranon'i Egypta iaby. ²⁵ Tsy renao va gny fomba nagnomanako raha zay liany ela zay voho gny niasako azy tamin'andro taloha? Henanizao,hataoko raha zay. Eo iha handrava tana manao saim-boa reo hanjary korontam-bato. ²⁶ Megnatsy voho matahotsy gn'olo aminy ao ro mbo kely hery koa. Manahaky akata am-baibo na agnabo trano rey rozy,noroa talohan'ny nitirignany. ²⁷ Fa haiko gny fipetrahanao,gny fiboahanao,gny filiranao voho gny helokao ahy. ²⁸ Nohony gny helokao ahy,la fotony ren'ny gny sofiko koa gny avognavonao,voho hametraky gny farangoko amin'ny oronao aho, voho fehivava iha,soa himpoly amin'ny lala niavianao iha. ²⁹ Zao gny famantara ho anao: Hihina raha tomiry fahatany mbegny io nareo hihina gny solon-draha reo.Fa hamboly voho hihina voan-kazo koa nareo amin'ny tao fahatelo,hamboly tanim-boaloboky ka gny voany ho hohaninareo. ³⁰ Gny sisa tavela amin'ny avorohotan'i Joda reo ka mbo velo,hagnisy vahany bak'ambany ao ndraiky sady hitiry la hamoa. ³¹ Fa hisy tavela hiboaky baka Jerosalema,bak'antendrombohits'i Ziona ao gny hiavian-drozy sisa tsy reo. Gny fahafaham-pon'i Yaveh tompon'ny gny maro ro hanao an'izay. ³² Ka izao gny safan'i Yaveh mikasiky gny mpanjakan'i Asyria:" Tsy hilitsy amin'ny tana toy ie na handefa amantsipiky ao. Na ho avy alohany ao miarak'amin'ny gny heriny na hanao arosaro azy. ³³ Gny lala nilirany avao ro hiboahany,tsy afaky militsy amin'ny tana toy ie, Yaveh ro nivola an'izay" ³⁴ Fa harovako tana toy sady havotako,noho ny agnamiko voho gn'amin'i Davida oloko. ³⁵ Tamin'ny matognaly io avao,niavy gny anjelin'i Yaveh la nanfiky gny tany misy an'ny Asyriana reo,ka nahafaty miaramila 185.000. Hitan'olo ze nifoza maray rey fatin'olo reo miampatsy mbegny. ³⁶ Farany nenga an'Israely Sankeriba mpanjakan'i Asyria ka noly la nipetraky ta-Ninive agny. ³⁷ Fa tafara atoy amizay,lafa ie ro nivavaky tan-tragnon'i Nisroka Zagnahariny ao,vinonon'i Andrameleka voho Sarezera anakilahiny tamin'ny sabatra ie.Bakeo amizay nilay tamin'ny tanin'i Ararata agny rozy.Farany nilimbiasin'i Esara-hadona anakilahiny gny fanjakany.