¹ Tamin'ny tao faha foloroamby nanjakan'i Ahaza mpanjakn'i Joda , ro nanomboky gny fanjakan'i Hosea anak'i Elaha. nanjaka tao Samaria nanera gny Israely nandritsa gny sivy tao ie. ² Nanao zay raty teo imason'i Yaveh ie , tsy manahaky reo mpanjakan'Israely ze talohany. ³ Nanafiki gnazy Salmanesera mpanjakan'i Asyria ka avy mpanompony Hosea sady nanday fagnomezam-boninahitsy ho gnazy. ⁴ Sady hitan'ny mpanjakan'i asyria fa nitetiky hanohitsy gnazy i Hosea , fotony nandefa mpanday hafatsy nagnagny amin'i So mpanjakan'i Egypta Hosea , sady koa , tsy mba nanolotsy fagnomezam-boninahitsy ho gnan'ny mpanjakan'i Asyria ie, manahaky gny nataony isan-tao isan-tao. Ka nilian'ny mpanjakan'i Asyria ie sady nifeheny tagny am-ponja . ⁵ Bakeo la nanafiky nanera gny tany iaby gny cmpanjakan'i Asyria, sady nanafiky gnan'i Samaria voho nanao fahirano gnan'io nandritsa gny telo tao. ⁶ Tamin'ny tao fahasivy naha-mpanjaka gnan'i Hosea, la nangalaky gnan'i Samaria voho nanday gny Israely lavitsy gnan'i asyria gny mpanjakan'i Asyria. Nametraky gnan-drozy tagny Hala ie tao amin'ny Habora Onin'i Gozana, sady tagny amin'ny tanana'ny Mediana. ⁷ Nitsanga io fahababoa io fotony nanota tamin'i Yaveh Ndranagnaharin-drozy gny fokonolon'Israely, zay nanday gnan-drozy niakatsy bakagny amin'ny tany Egypta, bakeo ambany fifehezan'i Farao mpanjakan'i egyota. Fa nanompo ndranagnarin-kafa reo fokonolo ⁸ ka nandeha tamin'ny fataon'ireo ferenena zay fa narinagan'i Yaveh teo agnatrehan'ireo anak'Israely, voho tamin'ny fataon'ireo mpanjakan'Israely zay nataon-drozy. ⁹ Gny anak'Israely__ la nanao reo raha zay tsy to an-tsokosoko__ hanohitsy gnan'i Yaveh Ndranagnaharin-drozy. Nananga fipetraha abo ho gnazy manera gnan'ireo tanany rozy, hatragny amin'ny tilikambo fiambena ka hatragny amin'ny manda fiarova. ¹⁰ Nananga tsangam-bato voho baon'Aseraha tegny amin'ny havoa abo iaby voho tagny agnabon'ny hazo maitso iaby avao koa rozy. ¹¹ Tegny rozy ro nagnoro ditin-kazo magnitsy tamin'ireo fipetraha abo iaby, manahaky gny nataon'ireo firenena, reo zay nandesin'Yaveh teo agnatrehan-drozy. Nagnatanteraky raha raty reo Israelita mba hahatonga gnan'i Yaveh hasiaky; ¹² rozy la nanompo sampy, momba zay fa niresahan'i Yaveh gnan-drozy bhoe:' Tsy hanao gnan'o raha io nareo." ¹³ Nefa Yaveh fa nagnambara tamin'Israely voho tamin'i Joda tamin'ny alalan'ny mpaminany kirakiraiky voho mpahita kirakiraiky, nanao hoe:" Miala amin'ireo fomba ratinareo ka tarovy reo liliko voho reo lalako sady meteza hagnaraky gny lalagna iaby nandidiako reo razanareo, sady zay niriako ho aminareo tamin'ny alalan'ireo mpaminany mpanompoko. ¹⁴ Kanefa tsy nijanjy rozy; fa koa mahery loha tokoa manahaky reo razany zay tsy nahatoky gnan'i Yaveh Ndranagnaharin-drozy. ¹⁵ Nolavin-drozy gny lalagna voho gny fanekem-pilongoa zay nataony taminireo razany, sady reo lily fagnenke ze nameany gnan-drozy. Nagnaraky fomba tsy nisy ila gnazy rozy sady gny vatan-drozy mihitsy ro lasa tsy nisy nila gnazy. Nagnaraky reo firenena mpanompo sampy zay nagnodidy gnazy rozy la reo zay nandidian'i Yaveh gnan-drozy tsy hatafitohy. ¹⁶ Rozy la nanao tsinontsino reo lily iabin'i Yaveh Ndranagnaharin-drozy. nagnamboatsy sary anaky aomby roe vita tamin'ny vy rozy mba ho tompoy. nagnamboatsy baon'Aseraha rozy, sady nanompo gnan'i Bala voho reo kinta iaby tegny an-dagnitsy. ¹⁷ Nalefan-drozy tagnaty bolo reo anaky lahy voho anaky ampelan-drozy, nampiasa reo sikily voho fagnosavia, namarotsy gny vatan-drozy mba hanao zay raty teo imason'i Yaveh, voho nahatonga Gnazy hasiaky. ¹⁸ Nohon'io la meloky mare tamin'Israely Yaveh ka nangalaky gnan-drozy tsy ho eo amasony. Tsy nisy ndra raiky aza tafajano afa-tsy gny fokon'i Joda raiky avao. ¹⁹ Ndra la Joda aza tsy nahata gny lilin'i Yaveh Ndranagnaharin-drozy fa koa nagnaraky fanompoan-tsampy nitovy tamin'izay narahin'Israely. ²⁰ Nohon'io la nolavin'i Yaveh iaby reo avorohotan'Israely manontolo; nampijaliny rozy sady natolony tegny an-tagnan'ireo zay mpambab gny fanagnan-drozy, mandra-pitsonin-drozy tsy ho eo amasony. ²¹ Nangalaky gny Israely tamin'ny fitohiza avorohotan'i Davida, sady nametraky gnan'i Jeroboama anaky lahin'i Nebata mpanjaka. Nitariky gny Israely hiala tamin'ny fagnaraha gnan'i Yaveh Jeroboama sady nampanao fahota bevata gnan-drozy. ²² Nagnaraky gny fahotan'i Jeroboama iaby gny anak'Israely sady tsy niala tamin'iregny rozy, ²³ ka nalan'i Yaveh teo amason'Israely, araky gny nolazainy tamin'ireo mpaminany mpanompony iaby fa hataony. la nandesy lavitsy ivelan'ny tanin-drozy tagny Asyria gny Israely, sady mbo agny avao hatraminizao andro zao. ²⁴ Nanday fokonolo bakagny Babylona voho tagny Kota, voho bakagny ava, voho bakagny Hamata voho Sefarivaima gny mpanjakan'i Asyria, ka nametraky gnan-drozy tagny amin'ny tanan'i Samaria teo amin'ny toeran'ny anak'Israely. La nahazo gnan'i Samaria regny ka nipetraky tao amin'ny tananay. ²⁵ sady tamin'ny fanombohan'ny fipetrahan-drozy tagny la tsy nagnome voninahitsy gnan'i Yaveh rozy. ka nandefa liona tamin-drozy zay namono gny sasany tamin-drozy Yaveh. ²⁶ La nivola taminny mpanjakan'i Asyria rozy nandesinao voho napetrakao tato amin'ny tananan'i Samaria la tsy mahay reo fomba takian'ny ndranagnahary gny tany. Ka nandefa liona teo amin-drozy ie, sady ingo mamono gny olo reo liona fotony tsy mahay reo fomba takian'ny ndranagnahary gny tany rozy." ²⁷ Sady gny mpanjakan'i Asyria nibaiko, nanao hoe:' alao gny raiky amin'ireo mpisoro zay nandesinareo bakagny , ka ao ie handeha voho hipetraky agny, sady ao ie hampianatsy gnan-drozy gny fomba takian-ndranagnahary gny tany ." ²⁸ Ka avy nipetraky tagny Betela gny raiky tamin'ireo mpisoro zay baka nandesin-drozy bakagny Samaria, nampianatsy gnan-drozy tokony handrengean-drozy gnan'i Yaveh ie. ²⁹ Nanao ndranagnahary ho gnazy iaby reo foko kirakiraiky, ka nametraky gnazy regny tegny amin'ny fipetraha abo zay nataon'ireo Samaritana__ gny foko kirakiariky tagny amin'ny tana nipetrahany iaby. ³⁰ Gny fokonolon'i Babylona nagnamboatsy gnan'i Sokota-benota; gny fokonolon'i Kota nagnamboatsy gnan'i Nergala; Gny fokonolon'i avita nagnamboatsy gnan'i asima; ³¹ reo Avita nagnamboatsy gnan'i Nibaza voho Tartaka. Reo Sefarvita nagnoro reo anany teo amin'ny bolo ho gnan'i adrameleka voho Anameleka, ndranagnahary gny Sefarvaima. ³² Nagnome voninahitsy gnan'i Yaveh avao koa rozy, ka nanendry mpisoron'ireo fipetraha abo bakamin-drozy, ze nanao soro ho gnazy tao amin'ny tempoly tao amin'ireo toera abo. ³³ Nagnome voninahitsy gnan'i Yaveh rozy sady nanompo reo ndranagnaharin-drozy tamin'ny fomba fataon'ireo firenena tamin'izay fomba fataon'ireo firenena tamin'izay fa nandesin-drozy. ³⁴ Hatramin'izao andro zao la mikiry amin'ireo fomba fataon-drozy taloha rozy. Sady tsy magnome voninahitsy gnan'i Yaveh, ro tsy magnaraky reo lily aman-dalagna zay natolots'i Yaveh tamin'ny fokonolon'i Jakoba__ zay nikaihy hoe:' Israely__ ³⁵ sady tamin'izay nanaovan'i Yaveh fagnenkea voho nandidiany gnan-drozy hoe:' Tsy hatahotsy ndranagnaharin-kafa nareo, na hiankohoky amin'iregny, na hanompo gnazy regny, na hanao fisorogna ho gnazy regny. ³⁶ Nefa Yaveh, zay nanday gnanareo niakatsy bakagny amin'ny tany Egypta tamin'ny hery bevata voho tagna nisandratsy, ro lay Raiky zay tsy maintsy ameannareo vononahitsy; Ie ro hiankohofanareo, sady ho Gnzy gny soro ataonareo. ³⁷ Reo lily aman-dalagna zay nosoratany ho gnanareo, hotananareo mandrakariva regny. Nohon'i aza matahotsy ndranagnaharin-kafa nareo, ³⁸ sady gny fagnekem-pihavagna zay fa nataoko taminareo, la tsy ho alignonareo; na nareo hagnome voninahitsy ndranagnaharin-kafa. ³⁹ Fa Yaveh Ndranagnaharinareo ro hamenareo voninahitsy. Ie ro hamonjy gnanareo amin'ny herin'ireo fahavalonareo." ⁴⁰ Tsy nijanjy rozy, fotony nanohy nanao zay nataon-drozy tagny amin'ny lasa rozy. ⁴¹ ka la natahotsy gnan'i Yaveh reo firenena sady nanompo reo sarin-draha voasokin-drozy avao koa rozy, sady nanao manahaky gnan'io avao koa reo anan-drozy__ manahaky zay nataon'ny avorohota gny anan-drozy. Manohy manao zay nataon'ireo razany avao rozy, mandrak'androany.