¹ Fagnintelony zao ro nandalavako aminareo atoy ." Gny fiampanga iaby la tsy maintsy miora amin'ny porofo amin'ny vavolombelo roe na telo." ² Fa niresaky tamin'ireo zay nanota ao taloha voho tamin'ireo ambiny iaby lafa teo fagnindroeny, sady resahiko ndraiky io:" Lafa avy ndraiky aho, la tsy hiantragnan-drozy aho." ³ Miresaky gnanareo gnan'io aho fotony nareo la mila porofo fa Kristy la miresaky amin'ny alalako. Tsy marefo amianreo Ie. Fa koa, mahery ao aminareo Ie. ⁴ Fa Ie nohomboa amin'ny fahalemea , nefa velo tamin'ny herin-Drananagnahary. Fa tsika koa la marefo ao aminy, kanefa tsika la miara-miay amin'ny herin-Dranagnahary eo agnivonareo. ⁵ Diniho gny vatanareo laha tianareo ho hita fa ao amin'ny finoa nareo. Tsapao gny vatanareo. Mbo tsy azonareo an-tsay va izany momba gny amin'ny vatanareo fa Jesosy Kristy la ao aminareo? Laha toa nareo ka tsy nahomby tamin'ny fitsapa . ⁶ Sady zaho mahatoky fa nareo la hiaiky fa tsika la nahomby amin'io fitsapa io. ⁷ Amizao tsika la mivavaky amin-Dranagnahary fa tsy afaky gny hanao raha raty nareo. Zaho la tsy mivavaky gny afaky ahita fa tsika la nahomby amin'ny fitsapa. Fa koa , zaho la nivavaky gny mba ahafahanareo manao zay mety kanefa tsika la mety ho hita hanahaky gny tsy nahomby tamin'ny fitsapa. ⁸ Fa tsika la tsy afaky gny hanao raha manohitsy amin'ny fahamarigna, fa ho gnan'ny fahamarigna raiky avao. ⁹ Fa tsika mifaly lafa marefo sady mafy nareo. Fa tsika avao koa la mivavaky mba hataontsika feno nareo. ¹⁰ Manoratra gnan'ireto raha reto aho laha magnalavitsy gnanareo aho, ka lafa miaraky aminareo aho la tsy voatery manday gnanareo an-katezera amin'ny fampiasa gny fahefako_-zay namean'ny Tompo gnahy, mba anaganako gnanareo , sady tsy hanimba gnanareo. ¹¹ Farany, ry rahalahy, mifalia! miasa ho amin'ny fameregna amin'ny laoniny, mahereza, mifagnenke gny kirakiraiky , miaina am-piadagna voho gny fiadagna la hiaraky aminareo. ¹² Miafampiarahaba nareo amin'ny fagnoroha Masy. ¹³ Reo mpino iaby la manao veloma gnanareo[ Fanamarihana: Reo dikan-teny sasany la magnambara gny andininy faha 13 amin'ny andininy faha 12 sady manao gny andininy faha 14 ho andininy faha 13.] ¹⁴ Enga anie gny fahasoavan'ny Tompo Jesosy Kristy , gny hateavan-Dranagnahary, voho gny fiaraha amin'ny Fagnahy Masy ho ao aminareo iaby.