¹ Bakeo gn'olo tami-gny tany tao nangalaky gnan'i Joahaza gnanaky lahin'i Josia, ka nanao gnazy mpanjaka tami-gny toerany gny rainy teo ta Jerosalema tao. ² Roapolo telo amby tao Joahaza laha nanomboky nanjaka, voho nanjaka telo vola ta Jerosalema tao ie. ³ Nalaminy gny mpanjakan'i Egypta ta Jerosalema tao ie, voho gny tagny nampandoaviny talenta volafoty zato ndraiky talenta volamena raiky. ⁴ Nataony gny mpanjakan'i Egypta ho mpanjaka nanera gny Joda i Eliakima rahalahiny. Bakeo nalany i Joahaza rahalahiny Eliakima voho nandesiny ta Egypta tagny. ⁵ Roapolo limy amby tao i Joiakima tamin'ie nanomboky nanjaka, voho nanjaka folo raiky amby tao ta Jerosalema tao ie. Nananao raty tamason'i Yaveh Ndranagnahariny teo ie. ⁶ Bakeo Nebokadnezara mpanjakan'i Babylona, nanafiky gnazy ndraiky nandrohy gnazy tami-gny rojo mba hitariha gnazy ho a Babylona agny. ⁷ Nanday gny sasany tami-gny reo raha tan-tragnon'i Yaveh tao avao koa Nebkadnezara, voho nametraky gnany reo tagny ami-gny lapany tany Babylona. ⁸ Laha gny ami-gny reo raharaha hafa mikasiky gnan'i Joiakima, gny reo raha mamparihy nataony, ndraiky hita nanohitsy gnazy, la ingo, voasoratsy ami-gny bokiny gny tantarany reo mpanjakan'i Joda ndraiky Israely ao regny. Voho Joiakima, gnanany lahy, ro lasa mpanjaka tami-gny polasiny teo. ⁹ Valo tao Joiakima tamin'ie nanaomboky nanjaka; telo vola ndraiky folo andro ta Jerosalema tao ie. Nanao raty tamason'i Yaveh ie. ¹⁰ Tami-gny lohan-tao, la nagniraky johary i Nebokadnezara voho nanday gnazy ta Babylona tagny, niaraky tami-gny reo raha lafo vily baka an-tragnon'i Yaveh tao, voho nanao gnan'i Zedekia, longony, ho mpanjaka manera gnan'i Joda ndraiky Jerosalema. ¹¹ Roapolo raiky amby tao Zedekia tamin'ie nanomboky nanjaka, nanjaka folo raiky amby tao ta Jerosalema tao ie. ¹² Nananao raty tamason'i Yaveh Ndranagnahariny ie. Voho tsy nanetry vata nagnatriky gnan'i Jeremia mpagnambara hafatsy, nisafa tami-gny vavan'i Yaveh ie. ¹³ Zedekia avao koa la nitolo tamin'i Nebokadnezara, nampianiana gnazy tsy fivaliha tagnaminy tami-gny alalan-Dranagnahary. Kanefa Zedokia nagnenja gny hatony voho nagnafatratry gny fony mba tsy hitoliky amin'i Yaveh, Ndranagnaharin'Israely. ¹⁴ Fagnampiny zay, gny reo mpitariky gny mpisoro ndraiky gny vahoaky la tsy natohy tanteraky, voho nagnaraky gny fomba mahatsiraviny reo firenena rozy. Nilinoton-drozy gny tragnon'i Yaveh nihamasigniny ta Jerosalema tagny. ¹⁵ Yaveh, Ndranagnahariny gny razamben-drozy, la nandefa avao tamin-drozy tami-gny alalany reo mpanday hafatsiny, fotony nana fangoraham-po tami-gny vahoakany ndraiky tami-gny polasy nipetrahany Ie. ¹⁶ Kanefa nandraty gnany reo mpanday hafatsin-Dranagnahary rozy, nanao tsisy dikany gny safany, voho tsy nagnisy dikany gny reo mpagnambara hafatsy, zisiky handairany gny siakin'i Yaveh tami-gny vahoakany, zisiky tsy nampisy fagnampia ho gnany zay sasy. ¹⁷ Nohony zay la nandesin-Dranagnahary tamin-drozy teo gny mpanjakany reo Kaldeana, namono gny mpamarakin-drozy tami-gny meso tami-gny tragno fitoera masy agny, voho tsy mba nana fangoraham-po tami-gny reo mpamaraky na gny reo tsy mahay lahy, na gny olo antitsy na gny foty volo. Natolon-Dranagnahary tan-tagnany teo iaby rozy iaby. ¹⁸ Gny reo fagnahy iaby tan-tragnon-Dranagnahary tao, na bevata na maliniky, gny reo harea tan-tragnon'i Yaveh tao ndraiky gny hareany gny mpanjaka ndraiky gny reo manan-boninahiny__nandesiny ta Babylona tagny gny reo iaby rei. ¹⁹ Noroan-drozy gny tragnon-Dranagnahary, nanopaky gny mandan'i Jerosalema, noroa gny lapany iaby, voho nipinotiky gny reo raha soa tarehy iaby tami-zay tao. ²⁰ Nandesiny gny mpanjaka ta Babylona tagny gny reo tsy voany gny meso. Lasa mpanompony ndraiky gnany reo gnanany lahy rozy zisiky hanjakany gny fanjakany Persia. ²¹ Niseho zay mba ahatanteraky gny safan'i Yaveh tami-gny vavan'i Jeremia, mandra-pankafizany gny tany gny fitsaharany ami-gny meso. Nagnara-maso gny sabatany rozy laha rava ndraiky haolo zay, mba hivelo fito-polo tao manahaky gnany zay. ²² Voho tami-gny tao voalohany nanjakan'i Kyrosy, mpanjakan'i Perisia, mba ahatanteraky gny safan'i Yaveh tami-gny vavan'i Jeremia, la nandrisiky gny fagnahin'i Kyrosy, mpanjakan'i Persia i Yaveh, mba hanovany fagnambara manera gny fanjakany iaby, voho hanoratsy gnany zay avao koa. Hoy Ie hoe: ²³ " Zao ro ambaran'i Kyrosy, mpanjakan'i Persia: Yaveh, Ndranagnahariny gny lagnitsy, ro nagnomea gnahy gny fanjakany gny tany iaby. Nibaiko gnahy Ie mba hamboatsy tragno ho Gnazy a Jerosalema agny, gnany Joda. Ndra ia ndra ia agnaminareo eo baka ami-gny vahoakany iaby, la hiaro gnanareo anie Yaveh Ndranagnaharinareo. Ao ie hiakatsy ami-gny tany agny.