¹ Fito tao i Joasy lafa nanamboky nanjaka tagnatiny efapolo tao to Jerosalema tao ie. Gn'agnaran-drainy la Zibia, baka Berisheba agny. ² Joasy la nanao gny to tamason'i Yaveh teo tami-gn'andro iaby nivelanan'i Joiada, mpisoro. ³ Nangalaky valy roa ho gnazy i Joiada, voho niteraky gnaraky lahy ndraiky gnan'ampela ie. ⁴ Tafarany zay, la tapa-kevitsy gny hagnampoly am-polasiny gny tragnon'i Yaveh i Joasy. ⁵ Navoriny miaraky gny reo mpisoro ndraiky gny reo Levita, voho hoy ie tamin-drozy hoe: " Mandehana isan-tao ami-gny tanan'i Joda agny voho mamoria drala baka amin'Israely iaby mba hagnambara gny tragnony gny Ndranagnaharinao. Atovo azo antoky fa hanomboky vatany nareo." Tami-gny voalohany la tsy nanao ndra ino ndra ino gny reo Levita. ⁶ Voho gny mpanjaka nagnaiky gnan'i Joida, mpisoro be, voho nisafa tagnaminy hoe: " Nagnino ro tsy nivolagninao nandesiny reo Levita baka Joda agny ndraiky Jerosalema gny hetra navorin'i Mosesy mpanompon'i Yaveh ndraiky gny reo fiangonan'Israely, ho ami-gny lainy gny lalagnany gny fagnankea?" ⁷ Fa gny reo gnanaky lahin'i Atalia, ampela raty fagnahy, namotiky gny tragnon-Dranagnahary voho nagnoroa gnany reo raha masy iaby tan-tragnon'i Yaveh ao ho gnany reo Bala. ⁸ Ka la niboaky gny mpanjaka, voho nagnamboatsy vata rozy nametraky gnany zay tam-balikiny gny filira magnan-tragnon'i Yaveh ao. ⁹ Lafa zay la nanao fagnambara nanera gnan'i Joda ndraiky Jerosalema rozy, mba gny hagnandesany gny vahoaky ho gnan'i Yaveh gny hetra navorin'i Mosesy mpanompon-Dranagnahary tamin'Israely tan-gn'efitsy tagny. ¹⁰ La nifalifaly gny reo mpitariky ndraiky gny vahoaky iaby ka nanday drala voho nametraky gnany zay tami-gny reo vata zisiky hafenoan-drozy gnany zay. ¹¹ Isakiny gny manday gny vata ho ami-gny manam-bohitsy gny mpanjaka agny gny reo Levita, voho isaky hitan-drozy fa misy drala maro agnainy zay ao, la avy gny mpanoratsy lalagnany gny mpanjaka ndraiky gny manam-boninahitsy gny mpisorobe, ka nandrava gny vata, ndraiky nangalaky gnany zay voho nanday zay himpoly ho ami-gny polasiny eo. Nanao gnany zay isan'andro san'andro rozy, namory drala maro. ¹² Nameany gny mpanjaka ndraiky Joiada ho gnany reo nanao gny asa fanompoa tan-tragnon'i Yaveh tao gny drala. Nagnarama mpanao tragno ndraiky mpandrafitsy gny reo johary mba hagnampoly am-polasiny gny tragnon'i Yaveh, voho miasa tao avao koa gny reo mpanefy vy ndraiky saba ¹³ La nivozaky gny mpiasa, voho gny asa fagnamboara la nandroso tan-tagnan-drozy eo; namboarin-drozy manahaky gny endrikiny tami-gny voalohany gny tragnon'i Yaveh voho nifatrany zay. ¹⁴ Lafa vitan-drozy, la nandesiny tamin'i Joiada tagny ndraiky gny mpanjaka gny sisan-drala. Zay drala zay la nampiasa hanova fanahy ho gnany gny tragnon'i Yaveh, gny reo kojakoja andesy manompo ndraiky hanaova fagnatitsy__sotro ndraiky kojakoja volamena ndraiky volafoty. Tsy nijano nagnomea fagnatitsy oroa tami-gny tragnon'i Yaveh tao rozy tami-gny andron'i Joiada iaby. ¹⁵ Niha antitsy ndraiky ela andro niveloma i Joiada, voho la maty ie; 130 tao ie ro nimaty. ¹⁶ Nalevin-drozy tami-gny tanan'i Davida tao niaraky tami-gny reo mpanjaka ie, fotony fa nanao gny soa ta Israely tagny, tamin-Dranagnahary, voho tami-gny tragnon-Dranagnahary. ¹⁷ Voho tafarany gny nahafatezan'i Joida, la niavy gny reo mpitarik'i Joda voho nankato gny mpanjaka. La nijanjy gnan-drozy gny mpanjaka. ¹⁸ Nahafoy gny tragnon'i Yaveh, Ndranagnahariny reo razambeny rozy, voho nanompo gnany reo Ndranagnahary Aseraha ndraiky gny aoly. Niavy tamin'i Joda ndraiky Jerosalema gny siakin-Dranagnahary nohony zay fanovan-dratin-drozy zay. ¹⁹ Nefa nagniraky mpagnambara hafatsy ho amin-drozy agny Ie. mba handay gnan-drozy himpoly agnaminy agny, Yaveh ndraiky; nijoro vavolombelo hanohitsy gny vahoaky gny reo mpagnambara hafatsy fe nanda gny hijanjy rozy. ²⁰ Niavy tamin'i Zakaria gnanaky tagnabony gny vahoaky eo Zakaria voho nilaza tamin-drozy hoe: " Zao ro nivinolan-Dranagnahary: nagnino tsy nagnaraky gnany reo lilin'i Yaveh nareo, ka tsy mahita fagnambina? Ka fotony nahafoy gnan'i Yaveh nareo, la mahafoy gnanareo avao koa ie." ²¹ Kanefa rozy nitetiky hanohitsy gnazy; tami-gny reo liliny gny mpanjaka, la nitora-bato gnazy tan-kianjany gny tragnon'i Yaveh teo rozy. ²² Tami-zay fomba zay, Joasy, mpanjaka, la tsy niraharaha gny hasoam-pagnahy nataon'i Joiada, rain'i Zakaria, tagnaminy. Fa koa, namono gny anaky lahin'i Joiada ie. Lafa maty i Zakaria, la hoy ie hoe: " Yaveh anie ahita gnany zao voho hamaly gnanao." ²³ Voho tami-gny fifaragnan-tao, la niakatsy hanohitsy gnan'i Joasy gny tafikiny reo Syria. Niavy ta Joda tao ndraiky ta Jerosalema rozy; nivinonon-drozy gny mpitarikiny gny vahoaky iaby voho nandefa gnany reo baiko iaby ho ami-gny mpanjakan'i Damaskozy agny rozy. ²⁴ Gny tafikiny reo Syriana la miavy miaraky tami-gny tafiky kelikely, fa Yaveh ro nagnomea gnan-drozy fandresea tami-gny reo tafiny bevata la vatany bevata, fotony nahafoy gnan'i Yaveh, Ndranagnahariny reo razamben-drozy gny Joda. Tami-zay ro nitsarany gny Syriana gnan'i Joasy. ²⁵ Tami-gny fotoa nandehanany reo Syria, la fa nafery mare i Joasy. Reo mpanompony avao ro nitetiky hanohitsy gnazy nohony famonoa gnany reo gnanaky lahin'i Joiada, mpisoro. Nivinonon-drozy tagnabony kitsely ie, fa tsy tami-gny lolony reo mpanjaka tao. ²⁶ Ndreto ro olo niteyiky hanohitsy gnazy: la Zabada gnanaky lahin'i Simata, Amorita; voho Jozabada gnanaky lahin'i Simrita, Moabita. ²⁷ Androany gny mikasiky gn'anany lahy, gny faminania bevata nitenena gny mikasiky gnazy, ndraiky gny fagnamboaran-draiky gny tragnon'i Yaveh Ndranagnahary, Ingo, fa voasoratsy ami-gny bokiny gny Tantarany gny mpanjaka ao zay. Amazia gnanany lahy, ro nanjaka nilimby gny polasiny.