¹ Niavy tagnamin'i Azaria gnanaky lahin'i Odeda gny fagnahin-Dranagnahary. ² Niboaky hitsena gnan'i Asa ie voho nanao tagnaminy hoe: " Njanjigno zaho, ry Asa, ndraiky Joda voho gny Benjamina iaby: Hitahy gnanareo Yaveh, laha miaraky agnaminy nareo. Laha mila gn'Azy nareo, la ho jerinareo Ie; fa laha mahafoy gnAzy nareo, la hofoiny. ³ Voho tagnaminy fotoa elaela, la tsy nana Ndranagnahary to gny Israely, tsy nana mpisoro nampianatsy, voho tsy nana gny lalagna. ⁴ Fa lafa nitoliky tagnamin'i Yaveh, Ndranagnaharin'Israely rozy tami-gn'androm-pijalean-drozy, voho mila gn'Azy, le hitan-drozy Ie. ⁵ Tamizay fotoa zay la tsy nisy fiadana ho gnany zay mandeha lavitsy, na ho gnany zay mandeha nagnatoy; fa fikorontagna bevata ro tami-gny reo olony gny tany iaby. ⁶ Potipotiky rozy, firenena nanohitsy firenena, voho tana nanohitsy tana, fotony nampijalin-Dranagnahary tagnami-gny reo hila fijalea iaby rozy. ⁷ Fa mahereza, voho ka enga halemy gny tagnanareo, fa ho valia soa gny asanareo. ⁸ Lafa kasan'i Asa gny reo safa reo, gny faminanian'i Odeda mpagnambara hafatry, la nana herim-po ie voho nangalaky gnany reo raha mampiriky hiala tami-gny tanin'i Joda ndraiky Benjamina iaby, voho tami-gny reo tana babany iaby tami-gny tany havoan'i Efraima voho nangnampoly magnamboatsy gny alitaran'i Yaveh, tagnatrehany gny lavarangany gny tragnon'i Yaveh. ⁹ Navoriny gny Joda ndraiky Benjamina iaby, ndraiky gny reo nijano niaraky tamin-drozy__olo baka ami-gn'i Efraima ndraiky Manase, voho baka ami-gn'i Simeona. Fa maro agnisa rozy ro nagnanjano gn'azy baka Israely agny, lafa hitan-drozy fa mitahy gn'azy Yaveh Ndranagnahariny. ¹⁰ Nohony zay la miara-mivory ta-Jerosalema tao rozy tami-gny fahatelony gny vola, tami-gny faha folo limy amby tao nanjakan'i Asa. ¹¹ Nanao soro ho gnan'i Yaveh tami-gny sasany tami-gny reo babo nandesin-drozy tami-zay andro zay rozy: aomby fiton-jato ndraiky aosy fito arivo. ¹² Nanao fifagnenkea mba hila gnan'i Yaveh ,Ndranagnahariny gny razambeny rozy, tami-gny fon-drozy iabiaby ndraiky tami-gny fagnahin-drozy iabiaby. ¹³ Nagnenky rozy fa ndra ia ndra ia nanda gny hila gnan'i Yaveh, Ndranagnahar'Israely, la tokony vonoy ho maty,na olo kelikely na olo bevata, na johary na ampela. ¹⁴ Nianiana tamin'i Yaveh tami-gny feo agnabo, tami-gny kiaky, ndraiky tami-gny trompetra voho anjomara rozy. ¹⁵ Niravoravo tami-gny fianiana gny Joda iaby, fotony nianiana tami-gny iabiaby rozy, voho mila fatratry an-Dranagnahary, ka hitan-drozy ie. Namean'i Yaveh fiadana gny magnodidy gnan-drozy iaby. ¹⁶ Nalany tsy ho mpanjaka ampela avao koa Imaka, renibeny, fotony nanao sarin-draha mamparihy tami-gny baon'Aseraho ie. Nitipahin'i Asa gny sarin-draha mampariha, nitsahiny ho lemboky voho fipetraha agnabo tsy nala ta Israely tao. Ndra zay aza, antsiky fanoloran-tegna tanteraky gny feon'i Asa tami-gny androny iaby. Nandesiny tan-tragnon'i Yaveh tao gny reo rahany gny rainy ndraiky gny reo zavany manoka gnan'i Yaveh: volafoty ndraiky gny reo raha volamena. Tsy misy aly sasy zisiky gny faha folo limy amby tao nanjakan'i Asa. ¹⁸ Nandesiny tan-tragnon'i Yaveh gny reo rahany gny zavany manoka gnan'i Yaveh : volafoty ndraiky gny reo raha volamena. ¹⁹ Tsy nisy aly sasy zisiky gny faha folo limy amby tao nanjakan'i Asa.