¹ Lafa antitsy i Samoela, la nataony ho mpitsara eo amin'ny Israely reo ananky lahiny. ² Joela ro agnaran'ny lahimatoany, sady Abia ro agnaran'ny anaky lahiny faharoe. Mpitsara tao Beri-sheba rozy . ³ Tsy nandeha tamin'ny lalany reo razany lahy , fa nila fiharia tsy to. Nandramby kolikoly rozy sady namadiky gny rariny. ⁴ La niara-nivory reo loholon'ny Israely manontolo sady avy teo amin'i Samoela tao Rama. ⁵ Hoy rozy taminy:' Ingo, antitsy iha, sady tsy mandeha amin'ny lalanao reo anakao. Manendrea mpanjaka ho gnanay mba hitsara gnanay manahaky reo firenena manontolo." ⁶ Nefa tsy nankasitrahan'i Samoela io laha nivola rozy hoe:' Omeo mpanjaka rahay mba hitsara gnanay." Ka nivavaky tamin'i Yaveh i Samoela. ⁷ Hoy Yaveh tamin'i Samoela hoe;' Ankatoavo gny feon'ny fokonolo amin'ny raha iaby volagnin-drozy aminao; fa tsy iha ro nolavin-drozy , fa Zaho ro nolaviny tsy ho mpanjakan-drozy. ⁸ Amizao rozy la manao manahaky zay nataony hatramin'ny andro nagnandesako gnan-drozy niboaky bakao Egypta, nahafoy Ahy , sady nanompo reo ndranagnahari-kafa, sady io koa ro ataon-drozy aminao. ⁹ Amizao janjigno rozy ; nefa ampitandremo mare ka ampahaizo gny fomba hanapahan'ny mpanjaka eo amin-drozy." ¹⁰ Ka la nolazain'i Samoela tamin'ny fokonolo zay nangataky mpanjaka reo tenin'i Yaveh manontolo. ¹¹ Hoy ie:" Zao ro ho fanaon'ny mpanjaka zay hanjaka eo aminareo. Hangalaky reo anakareo lahy ie ka hanendry gnan-drozy ho gnan'ny kalesiny voho ho lasa mpitaingin-tsoavaliny, sady hiazakazaky eo alohan'ireo kalesiny. ¹² Hanendry kapitenin'ny miaramila agnan'arivony, sady kapitenin'ny miaramila dimampolo ho gnazy ie. Hataony miasa gny taniny gny sasany, mijinja gny vokany gny sasany, sady hanao gny fitaovam-pialiany voho gny fitaova ho gnan'ireo kalesiny gny sasany. ¹³ Reo anaky ampelanreo avao koa la hataony mpangaroharo raha magnitsy, mpiketsiky, sady mpanao mofo. ¹⁴ Halany gny soa mare bakamin'ny sahanareo , reo tanim-boaloboky, voho reo tanin'olivanareo, ka hameany gnan'ireo mpanompony. ¹⁵ Halany gny ampahafolon'ny varinareo voho gny bakamin'ireo tanim-boalobokareo ka hameany gnan'ireo manam-pahefany voho reo mpanompony. ¹⁶ Halany reo mpanomponareo lahy voho reo mpanomponareo ampela sady soa mare amin'ireo tovolahinareo voho borikinareo; hataony hiasa ho gnazy rozy iaby. ¹⁷ Halany gny ampahafolon'ireo aondry aman'aosinareo, ka ho lasa andevony nareo. ¹⁸ Ka amin'io andro io la hitaray noho gny mpanjakanareo zay nifilinareo ho gnan'ny vatanareo nareo; fa ingo tsy hamaly gnanareo i Yaveh amin'io andro io." ¹⁹ Kanefa nanda gny hijanjy gnan'i Samoela gny fokonolo; hoy rozy :" Tsia! Tokony hisy mpanjaka eto aminay ²⁰ mba hitovizanay amin'ireo firenena hafa iaby, sady mba hitsaran'ny mpanjakanay gnanay voho hiboahany eo agnatrehanay ka hialy gny alinay." ²¹ Lafa ren'i Samoela reo tenin'ny fokonolo iaby la nampoly teo an-tsofin'i Yaveh io. ²² Hoy i Yaveh tamin'i Samoela :" Amizao gny feon-drozy sady avy mpanjakan-drozy gny olo raiky." Ka hoy Samoela tamin'ireo olon'ny Israely:' Tsy maintsy mandeha agny amin'ny tanany iaby gny johary kirakiraiky."