¹ Afaky fotoa kely tatoy afara, nana tanim-boaloboky tao Jezirela i Nabota lay Jezirelita, teo agnilan'ny lapan'i Ahaba, mpanjakan'i Samaria. ² Niresaky tamin'i Nabota i Ahaba nanao hoe:' Omeo ahy gny tanim-boalobokao, mba ho zaridaina legiomako io, fotony agnilan'ny tragnoko. Ho takalon'io, homeako tanim-boaloboky soasoa mare iha, na laha tianao, la hameako drala sandan'io iha. ³ Nabota namaly gnan'i Ahaba hoe:" Ho raran'i Yaveh anie zay tokony lovan'ireo razambeko omeko anao." ⁴ Ka la nandeha tao amin'ny lapan'ny lapany tamin-keloky sady hasorena i Ahaba nohon'i valin-tenin'i Nabota lay Jezerelita azy hoe:" Tsy homeko gnnao gny lovan'ireo razambeko." Nandry nitselagny teo am-pandriany ie, nagnody gny vatany, sady tsy nety nihinan-kany ie. ⁵ Jezebela valiny nandeha aminy ao sady nanao taminy hoe:" Nagnino ro malahelo loatsy gny fonao, io va tsy hihinananao hany io?" ⁶ Namaly gnazy ie hoe:" Niresaky tamin'i Nabota lay Jezerelita aho sady nanao taminy hoe:" Omeo ahy gny tanim-b oalobokao atakaloko drala, na laha tianao la hameako tanim-boaloboky hafa ho gnanao iha. Sady namaly ie hoe:" Tsy hameako gnanao gny tanim-boaloboko." ⁷ Sady Jezebela valiny namaly azy hoe:" Fa tsy mbo manapaky gny fanjakan'ny Israely va iha? Mitsangana sady misakafoana, ao ho faly gny fonao. Halako ho gnanao gny tanim-boalobok'i Nabota lay Jezerelita." ⁸ Sady Jezebela nanoratsy taratasy amin'ny agnaran'i Ahaba, notombohany tamin'ny tombo-kase io, voho nalefany tagny amin'ireo loholo voho reo mpanan-draha zay nipetraky taminy tao amin 'ny fihaogna, sady reo zay nipetraky agnilan'i Nabota. ⁹ Nosoratany tao amin'ny taratasy hoe:" Magnambara fifalian-kany sady apetraho agnabon'ny olo i Nabota. ¹⁰ Mametraha koa olo tsy marina roa miaraky amin y ka ao rozy hiampanga azy hoe:' Nagnozo gnan-Dranagnahary voho gny mpanjak iha." Sady aboaho ie ka toraho vato ho maty. ¹¹ Ka nanao zay nifariparitan'i Jezebela tamin-drozy , araky gny voasoratsy ao amin'ny taratasy zay nalefany ho gnan-drozy gny joharyn'ny tanany, reo loholo voho gny mpanan-draha zay nipetraky tao amin'ny tanan'i Nabota. ¹² Nagnambara fifalian-kany voho nametraky gnan'i Nabota teo agnabon'ny olo rozy. ¹³ Nilitsy reo johary tsy marina roe sady nipetraky teo agnatrehan'i Nabota; niampanga gnan'i Nabota teo amin'ny fagnatrehan'ny olo rozy,ka nanao hoe:" Nagnozo gnan-Dranagnahary voho gny mpanjaka i Nabota." Sady nandesin-drozy niboaky gny tana ie ka notoraham-bato ho maty. ¹⁴ Bakeo reo loholo la nandefa safa tagny amin'i Jezebela nanao hoe:" Notoraham-bato i Nabota ka maty." ¹⁵ Sady lafa ren'i Jezebela fa notoram-bato i Nabota ka maty, la hoy ie tamin'i Ahaba:" Mitsangana sady alao ho fanagnanao gny tanim-boalobok'i Nabota lay Jezerelita, zay nanda gny hagnome gnanao gny drala ho sandany, fotony fa tsy velo sasy i Nabota, fa maty." ¹⁶ Lafa ren'i Ahaba fa maty i Nabota, la nitsanga ie sady nandeha tagny amin' ny tanim-boalobok'i Nabota lay Jezerelita sady nangalaky gnan'io ho fanagnany. ¹⁷ Sady avy tamin'i Elia lay Tisbita gny safan'i Yaveh manao hoe:' ¹⁸ " Mitsangana sady mandehana mamonjea gnan'i Ahaba mpanjakan'Israely, zay mipetraky agny Samaria. Ao amin'ny tanim-boalobok'i Nabota ie, agny amin'izay nandehanany mba halany ho fanagna. ¹⁹ Tsy maintsy miresaky aminy iha sady lazao hoe zao ro lazain'i Yaveh:" sady fa namono va iha ro sady mbo mangalaky ho fanagnanao koa? Sady holazainao azy hoe zao ro lazain'Yaveh:" Eo amin'ny toera zay nilelafan'ny alika gny ran'i Nabota, ro hilelafan'ny alika gny ranao koa, eka, gny ranao." ²⁰ Hoy i Ahaba tamin'i Elia:" Fa nahita ahy va iha, ry fahavaloko? la namaly i Elia hoe:" Fa hitako iha, fotony fa namarytsy gny vatanao mba hanao zay raty eo amason'i Yaveh iha. ²¹ Zao ro lazainYaveh aminao:" Ingo, handay loza eo aminao voho hanimba tanteraky sady hamongotsy eo aminao gny anaky lahy manontolo voho gny andevo sady johary afaky ao Israely Aho. ²² Hataoko manahaky gny avorohotan'i Jeroboama anakilahi'i Nebata gny avorohotanao, sady manahaky gny avorohotan'ny Basa anaky lahin'i Ahia, fotony nampirehetinao fahatezerako sady nampanontanao gny Israely." ²³ Yaveh avao koa la niresaky momban'i Jezebela hoe:" Hihina gnan'i Jezebela eo agnilanan'ny mandan'ny Jezirela gny alika." ²⁴ Zay gnan'i ahaba manontolo ka maty tao an-tana, la hohanin'ny lika; sady reo voro egny amin'ny lagnitsy hihina reo iaby maty an-tsaha." ²⁵ Tsy nisy olo manahaky gfnan'i Ahaba, zay namarotsy gny vatany mba hanao zay raty eo amason'i Yaveh, zay nampirisin'i Jezebela valiny hanonta. ²⁶ Nanao asa vetaveta ho gnan'ny sampy arahiny i Ahaba, manahaky zay iaby fa nataon'ireo Hamorita, reo zay nalan'iu Yaveh teo agnatrehan'ny olon'ny Israely. ²⁷ Lafa ren'i Ahaba reo teny reo, la nanataky gny akanjony ie sady nanao akanjo fisaogna ka nifaly hany, sady nandry tamin'ny akanjo fisaogna voho tena nalahelo mare. ²⁸ Sady avy tamin'i Elia lay Tisbita gny safan'i Yaveh hoe:" ²⁹ Hitanao va gny fanetre-tenan'i ahaba eto agnatrehako? Fotony manetsy gny tenany ato agnatrehako ie< la tsy handay gny loza fa ho avy amin'ireo androny Aho; amin'ny andron'ny gnanany lahy ro hagnandesako loza eo amin'ny longony."