¹ Tamin'ny tao faha folovaloamby nanjakan'i Jeroboama anaky lahin'i Nebata,la nanomboky nanjaka teo amin'i Joda i Abia. ² Nanapaky telo tao tao Jerosalema ie.Imaka ro agnaran'ny reniny.Anaka ampelan'i Absaloma ie. ³ Nandeha tamin'ny fahota iaby zay nataon-drainy talohan'ny fotoany ie;gny fony la tsy mba voatoka ho gnan'i Iaveh Ndranagnahariny manahaky gny fon'i Davida,razambeny. ⁴ Na zay aza,noho ny amin'i Davida,Iaveh Ndranagnahariny la nagnome fanilo azy tagny Jerosalema tamin'ny alalan'ny fananganany gny anany handimby azy mba hampantanjaky gnan'i Jerosalema. ⁵ Nataon-Ndranagnahary io fotpny Davida la nanao gny marina teo amasony;nandritra gny andro iaby niaignany,tsy mba nivily tamin'izay iaby nandidia azy ie,afa tsy tamin'ny raharahan'Oria lay Hetita avao. ⁶ Sady nisy aly teo amin'i Rehoboama voho Jeroboama nandritra gny androm-piaignan'i Abia manontolo. ⁷ Gny amin'ny reo raharaha hafa mahakasiky gnan'i Abia;la zay nataony iaby,moa tsy fa voasoratsy ao amin'ny Bokin'ny tantaran'ny mpanjaka joda va reo? Nisy aly teo amin'i Abia voho Jeroboama. ⁸ Nimaty niaraky tamin'ireo razambeny i Abia,sady la nalevin-drozy tagny amin'ny tanàn'i Davida ie.Asa anany ro lasa mpanjaka teo amin'ny toerany. ⁹ Tamin'ny faharoapolo tao nanjakan'i Jeroboama mpanjakan'Israely,la nanomboky nanjaka teo amin'i Joda i Asa. ¹⁰ Nananmpaky nandritra gny efapolo raikamby tao tao Jerosalema ie.Imaka ro agnarany razany ampela,lay anakapelan'i Absaloma. ¹¹ Nanao gny marina teo amason'i Iaveh i Asa,manahaky zay nataon'i Davida razambeny. ¹² Niroasiny tsy ho amin'ny tany reo johary mpinjanganjanga amin'ny fanompoan-tsampy sady nalany reo sampy zay namboarin'ireo razambeny. ¹³ Nalany tamin'ny maha mpanjaka ampela azy koa i Maka,razany ampela,fotony ie nagnamboatsy sampy mampangaroharo bakamin'ny baon'i Ashera.Noravan'i Asa lay sampy mampangaroharo ka noroany tagny an-Dohasahan-driaky Kidrona. ¹⁴ Fa reo fitoera abo tsy mba nalany.Na zay aza,ny fon'i Asa la voatoka ho gnan'i Iaveh tanteraka nandritra gny androny manontolo. ¹⁵ Nandesiny ho agny an-tragnon'i Iaveh gny raha zay voatokan'ny rainy,voho reo rahany zay voatoka vita tamin'ny volafoty voho volamena, voho reo fanahy. ¹⁶ Nisy aly teo amin'i Asa voho i Basa mpanjakan'ny Israely ,tamin'ny andron-drozy iaby. ¹⁷ Nanao herisetra tamin'i Joda i Basa mpanjakan'ny Israely ka nananga gnan'i Rama,mba tsy hamelany gny olo hiala na hilitry ao amin'i tamin'i Asa mpanjakan'i Joda. ¹⁸ Sady la nalan'i Asa gny volafoty voho gny volamena iaby sisa tao amin'ireo efitsy fagnajaria tao amin'i Yaveh,voho reo efitsy fagnajarian'ny lapan'ny mpanjaka.Nataony teo an-tagnan'ireo mpanompony sady nampagnateriny ho gnan'i Beni-hadada anaky lahin'i Tabrimoma anaky lahin'i Heziona,mpanjakan'i Syria,zay nipetraky tagny Damaskosy io.Hoy ie. ¹⁹ Aoka hisy fifanenkea amiko voho aminao,manahaky zay nisy teo amin'ny raiko voho rainao.Ingo,fa nampagnatitsy volafoty voho volamena ho fagnomeza ho gnanao aho.Ravao gny fagnenkenao voho Basa mpanjakan'Israely,mba hialany amiko. ²⁰ Nijanjy gnan'i Asa mpanjaka i Beni-hadada ka nandefa reo mpifehy gny tafiny,sady la nanafiky gny tanin' Israely rozy.Nanafiky gnan'i Lona,Dana,Abelabeti-maka,sady gny Kinerota iaby,niaraky tamin'ny tanin'i Naftaly iaby rozy. ²¹ Sady lafa ren'i Basa io la najanony gny fanangana gnan'i Rama sady nimpoly tagny Tirza ie. ²² Sady la nanao fagnambara teo amin'i Joda manontolo i Asa mpanjaka.Tsy nisy na raiky niala. Nalan-drozy iaby reo vato gny hazon'ny Rama zay nagnoregnan'i Basa gny tanà.Sady la nampiasan'i Asa mpanjaka io fitaova fagnamboara io mba hanangana gnan'i Geban'i Benjamina voho Mizpa. ²³ Gny amin'ireo raharaha hafa mahakasiky gnan'i Asa,gny heriny iaby,zay nataony iaby.reo tanà naoriny iaby ,moa tsy fa voasoratsy ao amin'ny bokin'ny tantaran'ny mpanjakan'i Joda ve reo? Kanefa nandritra gny androm-pahanterany la narary tamin'ny tombony ie. ²⁴ Sady nimaty niaraky tamin'ireo razamben'i Asa ka la nalevy niaraky tamin-drozy tao amin'ny tanàn'i Davida.I Josafata anany lahy ro lasampanjaka nandimby azy. ²⁵ Nadaba anaky lahin'i Jeroboama nanomboky nanjaka tamin'ny Israely tamin'ny tao faharoa nanjakan'i Asa mpanjakan'i Joda,nanjaka tamin'ny Israely nandritra gny roe tao ie. ²⁶ Nanao zay raty teo amason'i Iaveh ie sady nandeha tamin'ny lalan-drainy,voho tamin'ny fahotany,zay nitarihany gny Israely hanonta. ²⁷ Basa anaky lahin'i Ahia,avy amin'ny fianakavian' Isakara,nikomy gnan'i Nadada,novonoan'i Basa tao Gibetona,zay gnan'ireo Filistina ie.Fotony Nadada voho gny Israely iaby nanao fahirano tagny Gibetona. ²⁸ Tamin'ny tao fahatelo nanjakan'i Asa mpanjakan'i Joda,la nagnome gnan'i Nadaba i Basa ka lasa mpanjaka teo amin'ny toerany. ²⁹ Laha vo lasa mpanjaka ie,la novonoin'i Basa gny avorohotan'i Jeroboama manontolo tsy nisy nengany gny ain'ny taranak'i Jeroboama;io fomba io ro nandringa gny avorohotan'ny mpanjaka,araky zay nambaran'i Iaveh tamin'i Ahia Silonita mpanompony, ³⁰ noho reo fahotan'i Jeroboama zay nataony voho gny nitarihany Israely hanonta,fotony nihantsy gny fahatezeran'i Iaveh,lay Ndranagnaharin'ny Israely ie. ³¹ Gny amin'ny raharaha hafa mahakasiky gnan'i Nadada,voho zay nataony iaby,moa tsy fa voasoratsy ao amin'ny bokin'ny tantaran'ny mpanjakan'ny Israely va reo? ³² Nisy aly teo amin'i Basa mpanjakan'ny Israely tamin'ny andron-drozy manontolo. ³³ Tamin'ny tao faha telo nanjakan'i Asa mpanjakan'i Joda,la nanomboky nanjaka teo amin' Israely iaby tagny Tirzy i Basa anaky lahin'i Ahia sady nandritra gny roapolo efatsamby tao ie. ³⁴ Nanao zay raty teo amason'i Iaveh ie sady nagnaraky gny fomban'i Jeroboama voho gny fahatany gny nitarahany gny Israely hanonta.