¹ Reto gny lisitan'ny gny fianakaviamben'ny gny mpitariky Israelita reo, mpamehy gn'arivo raiky vo gny zato, la manamboninahitsy gny tafiky reo ze nanompo gny mpanajaka tami-gny fomba samby hafa. Gn'antoko maramila hiraikiraiky la nanompo isam-bola isam-bala nandritrany gny tao. Gn'antoko kiraikiraiky la nisy johary efatr'arivo sy roa aly iaby. ² Gny lohan'antoko tami-gny vola voalohany la Jesobeama gnanaky lahin'i Zabdiela. Nisy johary efatr'arivo sy roa aly tamign'antoko ao. ³ Agnisan'ny taranak'i Farao reo ie la niandraikitry manamboninahitsy reo gny tafiky iaby nandritrany gny vola voalohany. ⁴ Dodo ro lohan'antoko tami-gny vola faharoa, ze bakami-gny foko taranak'i Ahoa. Miklota ro tami-gny lahara faharoa eo. Nisy johary efatr'arivo sy roa aly tamign'antokony ao. ⁵ Gny mpamehy gny tafiky tami-gny vola fahatelo la Benaia gnanaky lahin'i Joida, mpisoro vo mpitariky. Nisy johary efatr'arivo sy roa aly tamign'antokony ao. ⁶ Lo Benaia igny ze mpitariky telo-polo reo, sady lohan'ny telo-polo reo. Tamign'antony ao Amizabada gnanaky lahiny. ⁷ Asahela rahalahin'i Joaba ro mpamehy tami-gny vola fahaefatry. Zebadia gnanaky lahiny ro lasa mpamehy nisolo gnazy. Nisy johary efatr'arivo sy roa aly tamign'antony ao. ⁸ Samihota ro mpamehy tami-gny vola fahalimy, ze taranaky Jizanita. Nisy johary efatr'arivo tamign'antokony ao. ⁹ Ira gnanaky lahin'i Kesy, bakagny Tekoa ro mpamehy tami-gny vola fahaeny. Nisy johary efatr'arivo sy roa aly tamign'antokony ao. ¹⁰ Heleza Pelonita, bakamign'olon'i Efraima reo ro mpamehy tami-gny vola fahafito. Nisy johary efatr'arivo sy roa aly tamign'antony ao. ¹¹ Sibekay, Hosatita igny, bakami-gny foko taranak'i Zera ro mpamehy tami-gny vola fahavalo. Nisy johary efatr'arivo sy roa aly tamign'antokony ao. ¹² Abiezera Anatotita igny, bakami-gny fokon'i Benjamina ro mpamehy tami-gny vola fahasivy. Nisy johary efatr'arivo sy roa aly tamign'antony ao. ¹³ Maharay bakagny ami-gny tanan'i Netofata, bakami-gny foko taranak'i Zera ro mpamehy tami-gny vola fahafolo. Nisy johary efatr'arivo sy roe alytamign'antony ao. ¹⁴ Benaia bakagny ami-gny tanan'i Piratona, bakami-gny fokon'i Efraima ro mpamehy tami-gny vola faha raiky ambi-folo. Nisy johary efatr'arivo sy roe aly tamign'antony ao. ¹⁵ Helday bakami-gny tanan'i Netafata ao, bakami-gny foko taranak'i Otniela ro mpamehy tami-gny vola faha roe ambi-folo. Nisy johary efatr'arivo sy roe aly tamign'antony ao. ¹⁶ Reto iaby mpitariky gny fokon'Israely reo. Ho gnan'ny fokon'i Robena, la Eliezara gnanaky lahin'i Zikry ro mpitariky. Ho gnan'ny fokon'i Simeona, la Sefatia gnanaky lahin'i Maka ro mpitariky. ¹⁷ Ho gnan'ny fokon'i Levy, la Hasabia gnanaky lahin'i Kemoela ro mpitariky, la Zadoka ro mitariky taranak'i Arona reo. ¹⁸ Ho gnan'ny fokon'i Joda, Eliho, raiky amirahalahin'i Davida reo mpitariky. Ho gnan'ny fokon'Isakara, la Omry gnanaky lahin'i Mikaela ro mpitariky. ¹⁹ Ho gnan'ny fokon'i Zebolona, la Jismala gnanaky lahin'i Obadia ro mpitariky. Ho gnan'ny fokon'i Naftaly, la Jerimota gnanaky lahin'i Azriela ro mpitariky. ²⁰ Ho gnan'ny fokon'i Efraima, la Hosea gnanaky lahin'i Azazia ro mpitariky. Ho gnan'ny gn'antsasaky gny fokon'i Manase, la Joela gnanaky lahin'i Pedaia ro mpitariky. ²¹ Ho gnan'ny gn'antsasaky gny fokon'i Manase ta-Geleada ao, la Ido gnanaky lahin'i Zakaria ro mpitariky. Ho gnan'ny fokon'i Benjamina, la Jasiela gnanaky lahin'i Abniera ro mpitariky. ²² Ho gnan'ny fokon'i Dana, la Azarela gnanaky lahin'i Jehorama ro mpitariky. Reo ro mpitariky gny fokon'Israely. ²³ Tsy nagnisaky ropolo tao reo na ambanin'izay Davida gnantony nampagnantegna gny hagnamaro gnan'Israely manahaky hitan'ny lagnitsy reo Yaveh. ²⁴ Namitriky nagnisaky olo reo Joaba, kanefa tsy nahavita. Noho izay la nilavo tamin'Israely eo gny fasiaha. Tsy voasoratry ami-gny tan-taran'i Davida mpanjaka ao tarehimariky io. ²⁵ Azmaveta gnanaky lahin'i Adiela ro niandraikitry gny rakitry gny mpanjaka. Jonatana gnanaky lahin'i Ozia ro niandraikitry gny fagnajaria tam-baibo agny, tagny ami-tana bevata reo, vo tagny ami-gnana-bohitry reo; la tagny ami-tilikambo voaaro reo. ²⁶ Ezry gnanaky lahin'i Keliba ro niandraikitry mpamboly reo, reo ze niasa gny tany. ²⁷ Simey bakagny Rama ro niandraikitry tanim-boaloboky reo, la Zebdy bakagny Sifama ro niandraikitry voaloboky reo vo gny lakaly fagnajaria divay. ²⁸ Bala-Hanana bakagny Gadera ro niandraikitry hazo olivy reo vo hazon'amontana reo tagny ami-gny tany le, la Joasy ro niandraikitry tragno fagnajaria soliky reo. ²⁹ Sitray bokagny Sarana ro niandraikitry biby fihary zay fihinan'aomby tagny Sarana, sady Safata gnanaky lahin'i Adlay ro niandraikitry reo biby fihare reo ze tagny tam-baibo. ³⁰ Obila Ismalita igny ro niandraikitry rameva reo, la Jedda bakagny Meromota ro niandraikitry boriky vaviny reo. Jaziza hagarita ro niandraikitry aondry vo aosy reo. ³¹ Reo iaby reo la mpiandraikitry gny fanagnan'i Davida mpanjaka iaby. ³² Mpanolo-tsay Jonatana, rahalahin-drain'i Davida, gnantony hendry ro sady mpanora-dily ie. Jehiela gnanaky lahin'i Hakmony ro nikarakara gnanaky mpanjaka reo. ³³ Ahitofela ro mpanolotsain'ny mpanjaka, la Hosay bakami-gn'olon'i Arkita reo ro mpanolotsy manokan'ny mpanjaka. ³⁴ Ronambin'i Joiada gnanaky lahin'i Benaia, vo Abiatara gny plasin'Ahitofela. Joaba ro mpamehy gny tafiky gny mpanjaka.