¹ Sady Hirama mpanjakan'i Tyro nandefa mpanday hafatsy tagny amin'i Davida, voho hazo sedera, mpandrafitsy , sady mpanao tragno.Nagnory tragno ho gnazy rozy. ² Davida la nahay fa Yaveh ro fa nametraky gnazy ho mpanjaka teo amin'Israely, sady gny fanjakany la nasandratsy agnabo noho gny amin'Israely olony. ³ Tao Jerosalema, la nangalaky valy maro Davida, sady niteraky anaky lahy voho anaky ampela maro ie. ⁴ Reto iaby gny agnaran'ireo anaky naterany tagny Jerosalema: Samoa, Sobaba, Natana, Solomona, ⁵ Jibara, Elisoa, Elipeleta, ⁶ Noga, Nafega, Jafia, ⁷ Elisama, Beliada voho Elifeleta. ⁸ Sady lafa ren'ireo Filistina fa fa nihosora ho mpanjakan'Israely iby Davida, la niboaky nila gnazy rozy. Nefa ren'i Davida io ka niboaky hanohitsy gnan-drozy ie. ⁹ Sady avy reo Filistina ka nanao fanafiha tegny amin'ny Lohasahan'ny Refaita. ¹⁰ Bakeo Davida nangataky fagnampia tamin-Dranagnahary. Hoy ie hoe: Tokony hiakatsy hanafiky reo Filistina va aho? Hagnome fandresea eo amin-drozy va iha?" La hoy Yaveh taminy hoe:" Tafiho, fa tena hagnome gnan-drozy gnanao Aho." ¹¹ La niakatsy nandeha tao Bala-perazima rozy, sady tao ro nandreseny gnan-drozy. Naneho hevitsy ie hoe:" Gny tagnako ro namakian'i Yaveh gny fahavaloko hiparitaky manahaky gny tondra-drano." Ka la Bala-perazima ro agnaran'io toera io. ¹² Nengan'ireo Filistina teo reo ndranagnahariny, sady nagnome lily Davida fa tokony oroa reo. ¹³ Sady nanafiky gny lohasaha ndraiky gny Filistina. ¹⁴ La nangataky fagnampia tagny amin-Dranagnahary ndraiky Davida. Hoy Ndranagnahary taminy hoe:" Tsy tokony hanafiky gnan-drozy eo agnatreha iha, fa koa hagnodidy bakafaran-drozy sady ho avy eo amin-drozy bakeo amin'ireo hazo balsama. ¹⁵ Lafa renao gny feon'ny lia-be amin'ny fitsiokin'ny tsioky bakeo amin'ireo tendron'ny hazo Balsama, la magnetaky amin-kery. Manaova gnan'io fotony Ndranagnahary fa hialoa lalana gnanao hanafiky gny tafik'ireo Filistina ." ¹⁶ Ka nataon'i Davida zay nandidian-Dranagnahary gnazy. Nandresy gny tafik'ireo Filistina tagny Gibeoana hatragny Gazera ie. ¹⁷ Sady gny lazan'i Davida la niely teo amin'ny tany iaby, sady nahatonga gny firenena iaby hatahotsy gnazy Yaveh.