¹ Oba temukumanya, abamukaggo kubba nkukoba abategeera amateka nga amateka gafugga omuntu engeri nali omwomi? ² Kubba omukazzi afugibwa eibamweinga akyali mwomi, naye eibamwei naffa nga asindabulibwe omu mateka agei bamwei. ³ Kale nimo eibamwei nga akyali mwomi nalibanga nomuseizza owondi, yetebwanga mweenzi, naye eibamwei naffa nga asindabulibwe edi amateka, era nga afumbirwe omuseizza owondi olwa abba ti mwenzzi. ⁴ Nimo kityo, abaganda bange, era mwafiire oku mateka olwa mubiiri ogwa Kristo, mubbe nogundi, niye oyo eyayimboleibwe omu baffu leke tubarenge O' nyamwanga ebindi . ⁵ Kubba netwabanga omu mubiiri, okwegomba okubbi, okuliwo lwa mateka kwakolaanga omu bitunddu byeiswe no kubarwanga okuffa ebindi. ⁶ Naye ati buuni twasindabulibwe omu mateka, ni twafire oku ekyo ekyabanga kitufugga, tuleme okuwerezza omunyukutta ezeire, naye tuwerezze omu bwomi obuyaaka obwa mwoyo ⁷ Ale twabazza tutye? Amateka nikyo kibbi? Mbbee nakadyooli! Naye tinalitegeire kibbi, wabula omu mateka, kubba tinalitegeire kwegomba, singa amateka ga tabaziire nti," Tewogombanga " ⁸ Naye ekibbi nikyabweine omukiisa omu mateka, kyaltere okwegomba omu njje okwa ngeri yonna. Kubba awatabba mateka ekibbi nga kifiire. ⁹ Nanjje eire nabanga mwomi awatali mateka, naye ekiragiiro nikyeiziire, okusiisa no kuyimbolebwa, nanjje nenffa; ¹⁰ Nekiragiiro ekyali ekyakuleta obwomi, ekyo ne kiboneka gyendi nga ekyakuleeta okuffa. ¹¹ Kubba ekiibbi ni kybweine we kikusinziira olwa kiragiiro, nekimbeyegga, era olwa kiragiiro nekinyitta. ¹² Nimwo kityo amateka ageikiriiri, ne kiragiiro ekikiiri, ekya mazima, era ekisei. ¹³ Kale ekisei kyaleteere okuffa jjendi? Mbee nakadyol! Kyali kibbi ekyaleteere omu omu njje nga kukwakala omu kisei, omungere nti ekibbi ekyo kirangibwa okubba ekibbi, era okwakala omu kiragiiro nfukke omusiisi ddaladala . ¹⁴ Kubbba tumeite nga amateka ga mwoyo; naye njje ndi wamubiiri natundibwe okufugibwa ekibbi. ¹⁵ Kubba kyenkukoola, tenkimeite, Kubba kyenyendya tinikyo nkoola; naye kyenkyaawa nikyo nkola. ¹⁶ Naye obba kyentayendya nikyo nkoola, nyikiiriiza amateka gasei. ¹⁷ Kale ati bunni tininjje akikoola era, wabula ekibbi ekikala omu njje. ¹⁸ Kubba mmeitte omu njje niggwo omubiiri gwange, temwikora kisei; nkuwuura nga nkwendya kukola ekisei. ¹⁹ Kubba kyenkwendya ekisei tinkikola, naye kyentakwendya ekibbi nikyo nkola. ²⁰ Naye obba nga kyentakwendya nikyo nkola, tininjje akikola ate, wabula ekibbi ekikala omu njje. ²¹ Nimwo kityo mbbonna eitekka nti, njje nemba nkewedya okukola ekisei, ekibbi kibba ampi nanjjje. ²² Kubba nsemererwa amateka aga Nyamwanga omu muntu owa mundda omu njje. ²³ Naye mbbonna eiteka erindi omu bitundu byange nga likulwana neiteka elya magezzi gange era nga likundetta omu kufugibwa ansi weiteka elya kibbi eiiri omu bitundu byange. ²⁴ Njje nga ndi munttu munnakku! Nani alindokolo omu mubiri ogwa kuffa kunni? ²⁵ Nkwebalya Onyamwanga okwa bwa Yesu Kristo weiswe. Kale nimo kityo njje njjenkei omu magezzi ndi mwiru wa mateka ga Nyamwanga, naye omu mubiiri wa tekka elya kibbi.