¹ Nkubajulira O' Foyibe muganda weiswe omuwereeza owa kanisa eya mu Kenkereya. ² Mulyokenge mumwanirizenge omu Mukama weiswe. Nke bukisanire abeikiri, mumujjune omukigambo kyonna kyalyendya okuzzwa jemuli, kubba yenna kenyinni yayambire beingi, era nangye kenyiniyinni. ³ Mundamukirye O' Pulisika no Aluka abakora amwei nangye omu Kurisito Yesu. ⁴ Abawayo obwoomi bwabwe oku lwa bwomi bwange, bentebalya njje njjenkei era naye nekanisa zona eza bamawanga . ⁵ Mundamukirye ekannisa eya munyuubba yabwe, mulamukywe O' Epayineeto, gwenyendya nikyo ekibala ekisooka ekya mu Ayisa edi Kurisito. ⁶ Mulamukye O' Malyamu eyakore emirimu ejjingi. ⁷ Mulamukye O' Anduloniiko no Yuniya abakikka kyange era abasibibwe amwei nanjje abameite omubuwereeza era abansokere okubba omu Kurisito. ⁸ Mulamukye O' Ampuliyaato gwe nyendya omu Mukama weiswe. ⁹ Mulamukye O' Ulubano akora amwei neiswe omu Kurisito, no Sutaku gwe nyindya. ¹⁰ Mulamukye Apere eikiriizibwa omu Kurisito. Mulamukye Alisutobulo. ¹¹ Mulamukye O' Kerodiyoni, owakikka kyange. Mubalamukye obamunyuubba ya Nalusiko, abali omu Mukama weiswe ¹² Mulamukye Terufayani no Terufoosa abakoola emrimu omu Mukama weiswe. Mulamukye O' Perusi ayendebwa, eyakore emirime egingu omu Mukama weiswe. ¹³ Mulamukye O' Luufo, eyalondeibwe omu Mukama weiswe, nomawei niye mange. ¹⁴ Mulamukye Asunkulito, Fulegoni, Keremu, Patuloba, Kerema na bamukaggo bamwei abali amwei nabbo. ¹⁵ Mulamukye O' Firologo, no Olumpa, nabeikiiri bonna abali amwei nabbo. ¹⁶ Mulamukyenganenge nokunywegeeraa okwikiir. Ekkannisa zonna eza Kurisito zibalamukiirye. ¹⁷ Era mbegeiriire, abaluganda, mulolerenge abbo abaleta ebyakubawukanya nebibbi ebitali byakwegga kwemwegga, mubewalenge abbo. ¹⁸ Kubba abbo abalingganna abbo ti beiru ba Mukama weiswe Kurisito, naye bandda zabwe bonkei, era nebigambo ebisei nabyakunyumya obusei babeyegabeyega emitima gyabbo abatalina kabbi. ¹⁹ Kubba wadenga obuwuuliize bwanywe bumeitibwe bonna, ekindeeterra okubasanyukira nnywe; naye nkwendya nnywe okubanga abageezzi ommpwebyo bisei, naye abewala ebyo ebibbi. ²⁰ Era O'nyamwanga owa mirembe alisensebula O' Setaani ansi wamaggulu ganywe amangu. Ekisa ekya Mukama weiswe Yesu Kurisito kibenge amwei nanywe. ²¹ Timoseewo, akora amwei nangye, abalamukiirye; no Lukiyo no Yasooni no Sosipateri abakiika kyange. ²² Ninjje Terutiyo, awandikiire abbaluuwa eni, mbalamukiiryeomu Mukama weiswe. ²³ Gayo, ansulisya njje nekkanisa yona, abalamukiirye. Erasuto omuwaniika owa kibugga abalamukiirye no Kwaluto, owa luganda. ²⁴ Ekisa ekya Mukama weiswe Kurisito Yesu kibbenge amwei nannywe nnywenna . Amiina. ²⁵ Era oyo ayiinza okubagumya nkr njjiri no kukiberwa okwa Yesu Kurisito ne biri nke kyamma nekiswekwiirwe ekyasirikiibwe okuzzwa omu bisera ebya mirembe ne mirembe. ²⁶ Naye ati bunni kibonekere ne nekitegezebwa amawanga gona omu byawandikiibwe ebya langi nke bye yalagiire O'nyamwanga atawaawo, olwa kuwuura okuzzwa omu kwikiiriizza. ²⁷ O'nyamwanga owa mageezzi omwi yenkei awebwenge ekitinisya omu Yesu Kurisito emirembe egitawaawo. Amiina.