¹ Era ndagaano egyasokere yalina empisa ezalagirwe ezakuramiaing Onnyamwanga, nekifo ekyeruki ekyamunsi. ² Ennyubba yakolwanga nga erumu etundu bibiri nekitundu ekimwei nga nimwo muli nkondo eyazabu eyataala, nemenza ne'migaati egyakulanga. kini nga kikwetebwa aweeruki. ³ Era waalo olutimbe olwa kabiri nga enyuma waalwo niwo wali ekifo ekikwetebwa aweeruki wa'weeruki. ⁴ Omukifo ekyo mwalimu ekyoteryo ekya zaabu na sanunduuko eya ndagaano, eyalumu ekibya kya zaabu omwaali ammaano, nomwiggo gwa'Alooni ogwalokere, nebipande ebyandagaano ⁵ No'kuruguru okukya bakerubi na'bakitinisya nga bakikingirirye entebe eyakusasira; bye tuteyinza kubazaku nati buli kimwei ⁶ Naye ebyo nibykolibwe bityo, abakabona bayingiranga bulunaku omukitundu kya'weema ekisooka okwingiryanga emirumu egya kuweereza; ⁷ Naye omukinde ekyakabiri, okabona akusinga obukulu yeenkai yaingirangamu omurundi gumwei buuli mwaaka, eya yabangayo n'o musaai gwe yeryangayo okulwamwei n'o lwabibbi bya bantu bye bakulanga omubutamanya ⁸ omwoyo ogweruki akoba nti' nko mwanda ogukwika omukifo ekyeruki ryalirikya kuboneka, nke' weema eyasookere ekya yemereirewo; ⁹ Amakulu gabyo omukisera kiini nigo gaani, ebisembo era nesaadaka eya weebwangayo nga tebinza kweerya mutiima gwoyo akuramya ¹⁰ Ebyo byakanganga kuruguuru, nga bikufaa kukurya na kunywa no bulombolombo bwakunabaa, okwikya okubiiro ebyakwerya obuyaka ¹¹ Naye Oyesu niyazire okabona okusinga ebisaai ebikwaba okwiza, neyakola omuweema ekusinga obukulu nokwikira etaakorwe na mikoono, amaakulu, etali yamunsi jjini. ¹² telwamusaai gwa mbuuli no nyaana, naye lwamusaai ye, nangirira kyarumwei omurundi gumwei omuweeruki, niyamare okufuna okununula okutawawo ¹³ Kkubanga omusaai gwa mbuuli no nte onuumi niyakokerye nte omuruusi ebisuukirwa okwabo abalina ebibbi, birya okunabya omubiiri ¹⁴ Omusaai gwa kuristo yawaireyo yeenkai olwamwoyo ataawawo eddi Onyamwanga nga talukubulema, tigulisinga muuno okunaabya omwoyo gwamwei okuzwa omibikolwa ebifu okuweereza Onyamwanga omwoomi? ¹⁵ Nolwekyo okuristo nikyo azwa abba omukwenda wandagaano egyi nyakasaai, okufa nikwabairewo olwakununula omukussisa okwa amundagaano eyasookere, abayeteibwe balyoke bawebwe okusuubiza kwabugwette, obutawawo. ¹⁶ Kubanga abandagaano eyabugwetta, kisaaine okubawo okufa kwoyo eyagikore ¹⁷ Kubanga endagaano eyabugwatta ekola nga eya gikore nga amaare okufa, kubanga teebba namaakulu nga yagiikore nga akya mwoomi ¹⁸ Era endagaano teyakasibwe awataali musaai ¹⁹ Kubanga buuli kiragiro nikyamalanga okubazibwa omussa edi obutabonanga mateeka nigali, natwalanga omusaai gwa nyana ne'mbuli amwei na'mazzai nebyooya byantama ebimyunki neezobu n'aminsiranga ekitabu kyenyini era nokubantu boona. ²⁰ Nge akubaaza nti, "guni ngwo musaai gwa ndagaano Onnyamwanga jeyabalagire." ²¹ Era tte eweema nebintu byona ebya kuwereza nabimisangaku omusaai atyo. ²² Era omumateeka buuli kintu kyeruka na'musaai, era ewatali kusensa musaai tiwabairewo kuganyirwa ²³ kaale ebifananyi bye'byo ebiri omwiguru nikyo bizwa byendya okwerukibwa nesaabaka ezikusinga ezo ²⁴ kubanga Okuristo teyaingire mukifo ekyeruki ekyakorwe ne'mikono, ekyaisaine nke'ekyo ekyamazima; naye yayingire omwigguru yemwene, gyali atti omaiso ga Nnyamwanga okulwaiswe. ²⁵ titwewayo mirundi jingi nko okabona akusinga obukulu naingira omukifo ekyeruki buli mwaka nomusaai ogutali gwamwei. ²⁶ kubanga kyandimugwanire ogadanga emiirundi giingi okuzwa okukubanga kwansi, naye aati yaizire omurundi gumwei okunkango yamirembe alyoke aweyo ekibi olwa'kwewayo yemweene. ²⁷ era nka'bantu nibabikirwe okuffa omurundi ogumwei oluzwanyuma lwa'kyo omusango; ²⁸ era no'Kurisito atyo, niiyamare okuwebwayo omurundi gumwei okweitika ebibi byabaingi, ali boneka omurundi gwakabiri aatali kibi edi abo abamwendereirye olwa'kucuungurwa