¹ Kubanga oyo merukizeddeeki, omukama wasaalimi, kabona wa Nyamwanga eyaali igguru muuno. Yaitiraine o'Ibulaimu bweyaalinga akuzwa okwiita abakama, namusabira omukisa ² Era o'Ibulaimu naweerya o'Merukizeddeeki ekimwei kyaikumi ekya byoona byebakwendya: okusoka eibaara eryo limanyisya, omukama wabukwikiri, era ekyakabiri naye mukama wamirembe ³ Ataalina oitoowamwei, ataalina moowamwei, ataalina bajjejja bamwei, ekiiro ekyasokereku nebwekyakubaire enkango ya bwomi, naye yaisaanisya omwana wa Nyamwanga abe kabona wa buuli biiro byoona ⁴ Kale muloowoze omuntu oyo bweyali omukulu o'Ibulaimu jaaja omukulu gweyaweirye ekimwei kyaikkumi okumugabo gwe yaali afunire ⁵ N'abo omubana ba leevi abaweweibwe obwakabona ebiragiro nebikulagira okumbanianga ekimwei ekyaikumi nobantu, nibo'baganda babwe nebwekyakubaire abo nabo abazwa omu Ibulaimu ⁶ Naye oyo ataali wamukika kyabwe yaffunire ekimwei kyaikumi okuzwa oku'Ibulaimu namusabira omukisa ogwo yaalina ebyasubizibwe ⁷ Naye tekiganibwe nakadooli, omukulu yasabire omuto omukisa. ⁸ Omungeri emwei bawebwa ekimwei kyaikumi, niibo abantu abatafa, naye omungeri ejindi kiweebwa edi. Oyo amanyisibwa nga mwoomi. ⁹ Tuyinza era okumukoba nti no'leevi, awebwe ekimwei kyaikumi, yaweryeyo ekyamwei nga akwakala omu'Ibulaimu. ¹⁰ Kubanga yaali akyaali muntumbwe za jaaja wamwei o'Merukizeddeeki niiya tangaraine o'Ibulaimu. ¹¹ Kaale okwikirya kwaliwo lwa bakabona abambale leevi, kubanga abautu bawebwa abiragiro omubiro bya bo, kiki ekikwetagisya era okabona wakabiri okwimuka omungeri ya merukizeddeeki nabarwamu omungiri ya Alooni? ¹² Kubanga obwakabona bwamwei bukucuusibwa era ebiragiro tebiremwa kucuusibwa. ¹³ Kubanga oyo okubazibwaku ebigambo ebyo wakiiri ekindi mutazwanga mumuntu yeena eyaali okuwereza okukyooto. ¹⁴ Kubanga kitegerekekere nga omukama waiswe azwa mu'yuda: ekika o'Mussa kiyebatizibweku ebigambo bya bakabona. ¹⁵ Era kitegerekekere nga wairewo okubona owoondi ali omukifaanyi kya'Merukizeddeeki. ¹⁶ Acuukire okabona tiimubiragiro nga bwe lagiire abenga kuluuda lwabubyaale, naye azwire mumani ga'bwoomi obutakuwawo. ¹⁷ Kubanga okuristo abazibweku nti "olii kabona emiirembe zoona nka ngeri o'Merukizeddeeki bwaali." ¹⁸ Kubanga ekiragiro ekyasokere kikendera olwabunaki no'kubagasa kwakyo. ¹⁹ Kubanga ebiragiro tegaluuku kyegakwikirya esuubi eri kusinga obusaai neryegesya ritusemberye edi Onnyamwanga ²⁰ Era kini tekyakolebwe owaatali kulaaira kirairo. ²¹ Kubanga abo abatafulibwa nka'bakabona owatali kirairo naye yafuulibwa kabona omukirairo nga akwakala omu yo akumubazaku nti "Omukama alaire era tetulyejusa,' oli kabona okwicca emiirembe zoona." ²² Era no'yesu atyo bwakufuka omwima owenddagano ekusinga obusaai. ²³ Abakabona baali baingi kubanga bafanga nga tebainza kubbawo ibaanga lyoona. ²⁴ Naye kubanga Oyesu abeera mirembe zoona kyazwire aliina obwakabona obutakuzwawo. ²⁵ Era kyazwa ainza akolera kimwei abaiza edi Onnyamwanga kubwamwei, kubanga aba mwoomi ebiiro byoona akubawolerezanga. ²⁶ No'lwekyo kabona asinga obukulu aisaana atyo niye atusanire, mwikiri, taliku kabbi, taliku ebaala yayawulibwe okuzwa okwabo abalina ebibbi, era yagulumizibwe okusinga igguru. ²⁷ Atawarizibwe, nka abakabona abasinga obukulu baali, okuwangayo esadaaka buli kiro okusoka olwabibbi byenyiini, oluzwanyuma lwe'byo eby'bantu: kubanga okwe yakoleire kimwei omurundi gumwei niye yeweryeyo yeenyini. ²⁸ Kubanga ebiragiro abaluganda bakomyanga abantu okubba abakabona abakusinga obukulu no'bunaki bwabwe, niye ekigambo ekya kirayiro kya yenderye ebiiragiro, kyakomerye omwana eyakirire okwikya emiirembe