¹ Ale naiswe netulina ekibiina kyabajuurwa ekyenkanire awo, twambulenge buli ekikulemeera ne kibbi ekygaita naiswe twirukeenge nokuminkiirya embiro eziteekebwa omu maiso gaiswe. ² Nga tukoleera Yesu yeenkai omukulu wa kwiikiirya kwaiswe era omukwiikiirya wako, olwa kusagarukwa okwataikeebwe omu maiso gaamwe yagulumizeomu saalaba nga akunyooma ensoni, naikala oku mukono ogulyo o gwa ntebbe ya Nnyamwanga. ³ Kulwa kubba mumulowooze oyo eyagumiinkirize empaka ezibbi, mulekeenge okukerwa, oba okwikiirira mumitima zaanywe. ⁴ Timukwaaba kuwakanya okwiika okukusuka omusaayi gwaanywe nga mukulwaana ne kibbi. ⁵ Mwerabiire ebibazibwa nga bikubakobebwa nka'baana "Mwaana waange, tojjooganga kubangulwa kwa Nnyamwanga, nolwekyo todiriranga lwa kwenenya. ⁶ Kubaanga omukama gwa kweendya munakuwali, era akubba buli mwaana gwa ekiriize. ⁷ Olwa kangavulwa nikyo mwaazwaanga muguminkiirya abakola nka'baana: kulwa kubba mwaana Oitoowaamwei gwata kangaviire. ⁸ Naaye bwatangavulwa nka'baandi nebatangavulwa, mukwaakubba beebooleze nolwekyo tibaana. ⁹ Twaalina abaitobaiswe abamubiri abatubangwire nimbatangamu ekitinisya, tetulisanga muuno okugondera oitoowamwei owemyoyo, netubba boomi. ¹⁰ kubanga abo batubagwire ebiiro tibingi olwa'kwegasa abo; naye oyoatubangwire olwa'kutugasa, tulyoke tufuuneb omugabo omubwikiri bwaamwei ¹¹ Okubangulwa kwoona omubiro byati tekukwisana nga'kwa sanyu wabula kwanaku, naye oluzwanyuma kubala ebibala byamirembe edi abo abegesebwa mukwo, nibyoo ebibala bya'bwikiriri ¹² kale mugolole emikono gyanywe ejikerwe, namajwi ganywe agakozimbire ¹³ era mukubirenge amaagulu ganywe ne'nziira eziroongoki, akuwenyera aleemwenge okugazwamu, naye awoonenge ¹⁴ musengeryenge emirembe edi abantu boona, nobwikiri awatali awo ndowo aliibona Nnyamwanga ¹⁵ muboone waleke kubawo muntu yeena akusubwa ekisa kya'Nnyamwanga, era mwekume "ekikolo kyoona ekikusara kiremenge kuroka munywe, nokugandawalya abaingi. ¹⁶ era mwegendereze walemwe okubawo omweenzi, oba atatina Nnyamwanga, nka Esawu, nuyatundire obusika bwamwei olwa'kawoombo kamere akamwei. ¹⁷ kubanga mumanye nge era oluzwanyuma luyenderye okusikira omukisa, tikyasobokere kubanga tiyafunire ebanga ryakwenenyeryamu, nebwekyakubaire nga yagutoirye namaliga gaingi ¹⁸ kubanga temwizire kulusozi olwa'wandikibweku era olwa'mwaka gwamuuro, nedi ekirikiirya ekikwaite zzigizzigi, nekimpungo ¹⁹ okuvuuga kwamulere nedoboozi ryabigambo; baliwuura nebegayiira obutokyirwaku kigambo olwa'kabiri ²⁰ kubanga tibainzanga ekya'laagirwe nti, "nebwekyakubaire nekisolo nekikanga oku lusozi, kirikubbibwa amabale." ²¹ byaboonekere byaali byaakutinisya bityo oMusa nokoba nakoba nti, "ntinire muuno era nkakanyine." ²² naye mwizire okulusozi lwa'sayuni, nokukibuga kya, Nnyamwanga omwoomi, yerusaalemi ekya'mwigguru, ndi obukuumi bwamalayika, ²³ Eddi eikunganiro erikooto era ekanisa eya baabondize abayandikibwe omwiguru, neddi Nnyamwanga omulamuli waboona neddi emyoyo jabaikiiri abaikizibwe ²⁴ Nddi oYesu omukwenda wandagaano ejjipya nedi omusayi ogwa'kumumansira gwongere ebisaai okusinga ogwa'Abbeeri ²⁵ mwekume obutagananga akubaza. kubanga baadi mbatalokokere, niibamugaine oyo eyalabwire nga asinzirire munnsi, iswe akubire oyo atalabwire nga akusinzira mwigguru tulisinga muuno obutalokoka. ²⁶ eyakankainia ensi nedobozi ryamwei mubiro bibiri: naye ati yesubize nga akoba nti, "kya'sigaire omurundi gumwei ndye'nenya, tinnsi yoonki, naye era nigguru." ²⁷ nekyo, nti, "wakyasigaire omurundi gumwei" kikutegeza okuyibwawo kwe'byo ebikakanyalizibwa, nga bya'koleibwe, ebitakakanyalizibwa biryooke bibengewo. ²⁸ kale, bwetuwebwa obukama obutakakanyizibwa, tulyoke tubbe nekisa kitusobozesya okuwereza okusimibwa oNnyamwanga nokwegendereza nokutiina. ²⁹ Onnyamwanga waiswe muuro gwookya