¹ okwiikiriza niko kukakasa nti ebisuuburwa birrkiira,era nobutabusabusa newankubire nga bikyaalikubonebwa. ² kubanga okwiikiriza okwoo kwaazwiireku abantu abaire okusiimibwa Onnyamwanga. ³ olwakwiikiriza tutegera nkabiintu byoona byakoleibwe kigaambo kya Nnyamwanga, era ebikoboneka nikyo byakoleibwe nga bikuweebwa omu bitakuboneka. ⁴ Olwakwiiriza abiri yawaire Onyamwanga esaaddaka ekusinga obusaai okukira eya kayini, nebikumuwesya obwikiriri, Onyamwanga niyeikirize ebisembo byamwei, era olwekyo newakubaire nga abiri yaffire, naye akyabaaza. ⁵ Olwakwiikiriza, Enock yatwaaliibwe nga tayakaire mukufa nataboneka kubanga Onyamwanga yamutwaire, kubanga niyaali nga akyaali kumutwaala, Onyamwanga yategezere nke bwe yamusiimire. ⁶ Era awatali okwikiriza tekiyinza kusemerya Nyamwanga, kubanga buli aiza eddi Nnyamwanga aliwo, era nga niye omugabi wampeera eddi abo abamutwoolya. ⁷ Olwakwikiriza oNuuwa, niyalabwiirewo oNnyamwanga okubigambo ebyaali bikyaali kuboneka, natiinamu era omukwiikiriza naboneka eryaato olwakulokola enyubba yamwei, nikyo azwa asaara ensi omusango, nafuuka omugweeta wabwikiiri obuli omukwiikiriza. ⁸ Olwakwiikiriza oIbulaimu niyeeterwe, nawuura nokwaaba nayaba omukifo kye yaali akwaaba okuweebwa okuba omugweta, atyo nayaba nga takumanya gy'akwaaba. ⁹ Olwakwiriza nabaanga nko'mugenyi omuunsi eya'suubiziibwe, nga'teriyaamwei, nga akusuula muweema amwei no'Isaaka no'yakobo, abagweta bairabamwei abakubizibwa okwo, ¹⁰ kubanga yalindire ekibuga kiddi ekirina emisingi, oNnyamwanga kyeyakobere era kyeyayombokere ¹¹ Olwakwiriza era no'saala yeena yawairwe amaani okuba endda newakubairi nga yaali ayakaliriirye omu'myaka, kubanga yamusubize yamulowoozere nga mwesigwa; ¹² No'lwekyo okuzwa mumuntu omwei ayaali akwisaana afiire, nimwo mwazwire abantu abaingi nke nyenyezi aza mwigguru obwingi era nko'musenyi oguli okulukaito lwa nyanja ogubalika. ¹³ Abo boona bafiire mukwiriza, nga tebaweibwe ebyabasubizibwe, nayeenga babibonera alaai, era nga babyaniriza, era baikaara nka'bagenyi abatambuli okusaai. ¹⁴ Kubanga abaaza otyo balanga nga bakutyolya ensi eyabutaaka ¹⁵ Era singa baizura ensi eddi jjebazwiremu, bandibaire neibaanga okwirayo. ¹⁶ Naye atti bakwegoomba ensi ekusinga obusaai niyo eyo omwigguru, oNnyamwanga nikyo azwa alemwa okukwatibwa ensooni okulwabo, okwetebwanga oNnyamwanga wabwee: kubanga yabateketekeire ekibuga. ¹⁷ Olwa kwikiriza oIbulaimu, niyagezeseibwe, yawareyo oIsaaka omwana waamwei omwei yeenkai eyawairwe ebyasubizibwe, ¹⁸ Eya'kobeibwei nti," omwi saaka olubyalo nimwo lyaakaaranga." ¹⁹ Yamaite nka'oNnyamwanga nayinza okumuyiimbokya omubaffu, era niyaniriza oIsaaka nka' akwisaana ayiimbokere omubaffu. ²⁰ Olwa'kwikiriza oIsaaka yasaabire omukisa oYakobo no'esawu, omubigambo ebyaali bikwaba okwiiza ²¹ Olwa'kwikiriza oYakobo, niyaali akwakuffa,yasabire omukisa abaana ba'yusufu boona.naramyanga nga akulamira okwimwigo gwamwei. ²² Olwa'kwikiriza oYusufu niyaali alampi okuffa yabaazirie okubaana ba'Isiraeri, nga akulagira ebya'maggumba gamwei ²³ Olwa'kwikiriza oMusa, niyabyaalibwe, ababyere bamwei nebamukwera emyeezi isaatu, kubanga bamubwoine nga mwana musaai, nebatatina kiraggiro kya'mukama. ²⁴ Olwa'kwikiriza oMusa, niyakure, yagaine okumwetanga omwana wa mwaara wa'falaawo; ²⁵ Nga singa kwendya kolebwanga kubbi amwei na'bantu oNnyamwanga okusinga okubba omukwesiima okwakibbi okuwawo amaangu; ²⁶ Ng'akuloowoza ekizoomo kya kurisito okubba obugaiga obusinga ebintu bya'mumisiiri: kubanga yaali akusubira empeera eyo. ²⁷ Olwa'kwikiriza nazwa emisiiri, nga takutiina busuungu bwa'mukama: kubanga yagumikirize ng'akuboona oyo ataboneka ²⁸ Olwakwkiriza yakore okwaakalaku no'kumansira omusaayi eya'zikirize abasookere eMisiiri aleeme boona okubatwaramu ²⁹ Olwa'kwikiriza ne' baakaala omunyaja ejinyunki nka'bakwakala okulukalu. aba miisiri ne'bagezeku okoola otyo ne'zikiira. ³⁰ Olwa'kwikiriza ekikorogo kya'yeriko nga kikuwa, nga kimaare okwetololwa okumaala ebiiro musanju. ³¹ Olwakwikiriza olaakabu omweenzi oyo teyazikirire amwei nabo abatagondere, naye yasembairye abakesi emirembe ³² Mbaazeki ati? kubanga ekiseera kikwakumpwaaku nibaaza oku Gidiyooni, Balaki, Samusooni, Yefusa no ku Dawuudi, Samwiri nabalangi abandi. ³³ Olwa'kwikiriza abo nibo bawangwire obwa'mukama nibbo bakore ebya'bwikiri, nibbo bafuunire ebya'suubizibwe, nibbo baigeire emiinwa gyampologoma. ³⁴ Nibbo balikirye amaani gamuuro, nibbo bairukire obwoogi bwa'kyambe, nibbo baweirwe amaani okuzwa omubunaki, nibbo bafukire abazira omulutalo, nibbo bapekere eyje lya'mawanga. ³⁵ Abakali nebabawa abafu baabwe nga bayimbokere, nabandi nebasasanyizibwe, nga tebakubaikiriza kukungulwa, baalyooke baweebwe okuyimboka okusinga obusai, ³⁶ nabaandi nebaduulwa, nokukubwa, nebabasiba, nebabateeka omunkomyo. ³⁷ Baakubiibwe na mabaale, baasaliibweemu nemisumeeni, baakemeibwe, baitiibwe ne kyaambe baataambulaanga nga bazwaire ebisaato ebya ntaama na gambuzi nga tebaliina kaantu, nga bakubonnyabonyezebwa, nga bakolwa okubbi. ³⁸ Ne ensi nga tekubasaana, nga bakwaakala omu malungu nomunsozi, nga bakwekweeka omu mpuku no mubwiina obwensi. ³⁹ Naye abaantu abo boona newankubaire bakakasibwe olwa'kwiikiriza kwaabwe, tebafunire ekya'basubizibwe. ⁴⁰ Kubanga Onnyamwanga ytubwonaire eire iswe okusinga obusai, bo baleme okeiikirya iswe nga twaaliwo.