¹ Agulipa nakoba OPawulo okwiikiririzibwa okuwoza ensonga ezzo. Awo OPawulo nagolola omukono nabaza nti, ² Bye najunaanibwe Abayuddaaya byoona, Mukama Agulipa, neesimire kubbanga nkwaaba olwaalero jooli. ³ Era okussinhga kubbanga mmaite empisa nebibuulirwa byoono ebiri omuBuyuddaaya, nico nzwa nkweegaira okuguminkiriza leke ompuliirye. ⁴ Ate empisa zaange okuzwa omubutto ezaabandize okubba omwiiyanga lyaiswe nomuYerussaalemi, Abayuddaya boona bazimaite. ⁵ Obantegaire okusooka eirai, baanga bwakweendya okutegeeza, nineegenderezaanga omukitu ekikusiinga obuzibu obwa ddiini lyaiswe, nimba Mufalisaayo. ⁶ Atinyemeraire okusalwa omusaango olwassubi ONyamwaanga lyeyassubize abasaiza baiswe. ⁷ Lyebakussuubira okwiikaaku ebika byaiswe eikumi nebibiri, ngabakunyiinkira okuweerezaanga ONyamwanga omwiyangwe no mwiituumbi: Olwassuubi eryo, Omukama, Abayudaaya nico bazwa banyegeera. ⁸ Kiki ekyibalowoozesya ntib tikiyinzika ONyamwanga oku imbola abafiire.? ⁹ Mananu nje nalowoozzanga njenkai nga kyingwaanire okukolanga obubbi ebigaambo biingi okwiibara lya Yesu Omunazaaleensi. ¹⁰ Nokukolab ninkolanga otyo e Yerusaalemi, nje ninsibaanga omunkomyo abaikiiri boomwo baingi. Ninaweibwe obuinza, ninyikiriza okubaita. ¹¹ Era nina babonerezaanga emirundi eziingi omumakuumbaaniro goona, nimbawuliryanga okuboola, nimbagoongereeranga muno nimba yasasanianga okwicca omubyaanga buga byanzai. ¹² Awoninaali ngakwaaba e Ddamasiko nga ndina obuinza okulagirwa okwaazwiire eddi abakabona abakulu. ¹³ Omwiangwe,Omukama, nimbona ommuunzira eisana gwaazwiire omwiiguru okusinga okwaaka kwaisana nigumereketa niguneetoolola na'baali bakutaambula naanje . ¹⁴ nitugwa iswena ansi nimpuura eirakka nga likubaza naanje omululimi olweEbulaniya nti Saawulo, Sawulo , lwaaki okunjiganya? nicoo kizibu we okusaamba okumuwunda. ¹⁵ Nje ninkoba nti niiwe nnaani, Mukama wange, Mukama waiswe nakoba nti niinje Yesu gwooyiganya wwe. ¹⁶ Naye imuka,oyemeere okumaguiu gaamu: nicco nzwiire nkubonekeire. nkukomo obbenge omuweereza era omujuurwa weebyo. ¹⁷ Ngankukuwonya omubaantu nomubanamawanga nga njinkukutuma okukingula amaiso gaabwe. ¹⁸ bainduke okwiiza omukiituuru baure eddi eisana na'kuzwa omubuinza bwa sitaani baire edi ONyamwanga, balyoke babeerye okuyiibwaku ebibbi no'bugweetwa bwabwe abayereibweolwakwiikiza,. ¹⁹ Ale, OMukama Agalipa, tinalemerwe kugoongera kuswekuurwa kwamu iguru. ²⁰ Nayenasookka okukobera abamu Ddamasiko nomu Yerusaalemi, era nensi yoona eyaBayudaaya nabamawanga okweenenya no'kwiindukira ONyamwaanga baakolanga ebikolwa ebissanire okweenenyezebwa. ²¹ Abayudaaya nico baazwire baankwaata omukanisa nibagezaaku okuunta. ²² Ale ninafunire okubbeerwa okwaazwiire edi ONyamwaanga, okwiikya olunaku luni nnyemeraire ngankumanyisya abato nabakulu, ngatiinkubaza kyigaambo wabula abalaangi no'Musa byeyabazire nga akwaba okwiza. ²³ Nkanikigwaaniira o Kuristo okubonyabonyebwa, era niye'lisooka omukuzikiira kwabaafiire okukobera eisana, abaantu namawaanga. ²⁴ Niyawozere atyo o Fesuto nakoba neiraka erikooto nti, Owookere, Pawulo: okusoma kwaamukwiingi kukuccusa okubba omwaami. ²⁵ Naye o Pawulo nakoba nti, timpookere, Fesuto omusai omuno, naye nkubaza orubazo olwamananu olwa buuntu obwoomi. ²⁶ Kulwakubaa o Mukama amaite ebibazo bini nigwo nkubazira omumaiso gaamwei no'bugumu, kubbanga tumaite, ebibazo bini tibyeekwekere eddi o Mukama goonze ekimwei kubbanga co tikyaakoleibwe mubwiibbi. ²⁷ Okwiikirya abalaangi, o Mukama Agulipa? mmaite nga okwiikiriza. ²⁸ Agulipa nakoba o Opawulo nti okweendya okuseenderya onfoole omuKuristaayo. ²⁹ O Pawulo nakoba nti nakusabiire o Nyamwanga olwassendasenda okudyoli oba okukooto tiniwe wenkai era naabo abakumpuura olwaleero okwiisa nkaje awatali kubweebwa kuni. ³⁰ O Mukama naimuka, no wasaza, nibairika nabo abaali baikaire amwei nabo; ³¹ Nibaireyo ekka, nibabaza boonkai nabonkai nga bakoba nti omuntu oni takoore kissaanire kumuitisya oba okumubbweesya. ³² Agulipa nakoba o Fesuto nti omuntu oni yaandisoboire okutaisibwa, ssinga tiyajjulirwe kaisaali.