¹ Baitu o Sawulo bwe yaali akisomoola ebigambo eby'okutiniisya n'eby'okwita abegesya ba Mukama waiswe,nayaba ewa Kabona asinag obukulu. ² Namusaba ebbaluwa ezz'okwaaba e Damasiko.edi abakumbaniira n'alibonayo abantu ab'enzira,eyo oba abasaiza oba abakali;ababbowe abaleete e'Yerusaalemi. ³ Awo niyaali nk'akutambula nka alampi okwika e Damasiko;amangu ago ekimyanso kya isana kikooto ekikuzwa omwiguru nikimwaakira okumwetoolola. ⁴ N'agwa ansi;n'awuura eidoboozi nka li kumukoba ati Sawulo !Sawulo! okumpiganyizaki? ⁵ N'amukoba ati we nuwe naani?MUkama wange namwiramu atim ninje o yesu;gw'okuyigganya we. ⁶ Baitu wekeere oimuke oyingire omu kibuga;wakoberwa ebikugwaniire okukola. ⁷ Baitu be yaali akutambula nabo nibemeera nibasamaalira,olw'okubba bawulire eidoboozi baitu tibabweine. muntu. ⁸ o Sawulo niyagolokere ansi,amaiso bwe gaazibukire nka takyabona bantu nibamukwata oku mukono nibamuleeta e Damasiko. ⁹ N'amala ebiro bisatu bnka tabona,era nka taaalya era nka taanywa. ¹⁰ Yaaliyo omwegesya omu Damasiko eibara lyaamwe Ananiya;Omukama waiswe n'amukoba omukwedesebwa ati Ananiya;n'amukoba ati bona nje ninje omu ati Mukama wange. ¹¹ Omukama waiswe n'amukoba ati oimuke oyaabe omu nzira eyetebwa Eigolokoki obuulirya omu nnumba ya Yuda omuntu eibara lyaamwe Sawulo ow'e Taluso;olw'okubba bona bakuramya. ¹² Era aboine omuntu eibara lyamwe Ananiya aingiire namutaaku emikono azibule. ¹³ Baitu Ananiya nairamu ati Mukama wange,Omuntu oyo n'awulire ebigambo byaamwe omu baingi;obubbi bwe yakolanga abatakuvu baamu abaali eYerusaalemi, nka nibwali obwingi muno. ¹⁴ N'awanu,alina obuyinza okuzwa omu bakabona abakulu,okubasiba abo bonna abaukusaba omwibara lyaamu. ¹⁵ Baitu Omukama waiswe n'amukoba ati yaba;olw'okubba oyo nikyo kibya ekironde gye ndi okutwalanga eibara lyange omu maiso g'amawanga,n'abakama n'abaana ba Isiraeiri. ¹⁶ Ananiya n'ayaba naingira omu nnyumba bwe yamutaireke emikonp,nasiimola ati ow'oluganda Sawulo; Mukama waiswe abtumire o Yesu eyakubonekereiku omu nzira gye wawulikiremu. ¹⁷ Ozibule,oizule omwoy akweera. ¹⁸ Omubwangu amaiso gaamwe nikubba nk'ozwireku amagamba; nazibula nayemeera n'abatiizibwa. ¹⁹ Bwe yatwoire emere n'afuna amaani :N'abbbanga n'abegesya abbanga omu Damasiko ennaku zingi muno. ²⁰ Omubwangu n'abuulira o Yesu,omu makumbaniiro,nk'oyo niye mwana wa Kanca. ²¹ Bona abamuwulire nibewuunya ni bakoba ati tiniye oni eyanganga abaramyanga omu Yerusaalemi,abaramyanga omwibara eryo ;era nikyo kyamuletere na wanu abakwate,abasibe abatwale omu bakabona abakulu. ²² Baitu o Sawulo niyeyangeranga amaani okwitisya nka eansoni Abayudaaya abaali baika omu Damasiko nk'akutegereza dala ati oyo niye Kristo. ²³ Awo niwaikaireeyo ebiro bya kwezi bingi muno,Abayudaaya nibatesya okumwita. ²⁴ Baitu o Sawulo amagezi gaabwe n'agamanya nibategenga oku nyige emisana n'obwire okumwita; ²⁵ Baitu abegesya baamwe nibamutwa bwire nibamusenseza omu kisenge nibamwikirirya ansi omu kisiro oku miguwa. ²⁶ Nibweyayikiren e Yerusaalemi,nagezyaku okwegaita n'abegesya:niba mutina bona nka bakyaali kwikiriza yeena mwegesya. ²⁷ Baitu o Balunabba n'amutwla edi abakwenda n'abakoba nkabweine Omukama waiswe omunzira,atiya yasimoire baitu,era te n ka yabuulire n'obuvumu omu Damasiko mwibara lya Yeesu. ²⁸ N'abbanga amwe n'abo nangiranga nk'awuluka nk'omu Yerusaalemi. ²⁹ Nk'akubuulira n'obugumu omu ibara lya Mukama Waiswe;nasimoola,nawakananga n'Abakerenesiti,Baitu bona nibagezaaku okumwita. ³⁰ Abooluganda mbategeire nibamutwala e Kaisaaliya nibamusindiika e Taluso. ³¹ Awo Iramyo eryaali omu Buyudaaya bwona n'omu Galiraya n'Omu Samaaliya nibabba n'emirembe,neyambekebwanga;era nk'akutumbuura omu kutiina Omukama waiswe,N'omwisanyu ery'omwoyo akweera niyeyongerenga. ³² Awo olwaikire o Peteero niyaali nk'akwala wona wona,naserengeta edi abatukuvu abayikalanga omu Luudi. ³³ Naigya omusaizan eibara lyamwe Ayineeya eyaali yakamala okukitanda emyaka munanai olw'endwaire ey'okukonziba. ³⁴ o Peteero n'amukoba ati Ayineeya;o Yesu Kristo akutamba:niyemeera,weeyaare omubwangu niyeyeera. ³⁵ Bona abaikalanga omu Luudi n'omu Silooni nibamubona,nibakyakira Omukama waiswe. ³⁶ Awo waloowo omwe omu Yoopa omukaali wamwegesya eibara lyaamwen Taabisa(okutegezabwa kwalyo ayetebwa Dulukansi)n'omukaali oyo yaali oizwire ebikolwa ebisai n'ebintu bye yagabanga. ³⁷ Awo olwaikaire,omu ebiro ebyo n alwala n'afa:nibamaare okumunabya,nibamuta omu kisnge eka iguru. ³⁸ Era te Olw'okubba nka Luuuda kyali ampi muno ne Yoopa Abegesya nk'o Peteero nigyo ali,nabatumira abantu babiri nibamwegaayira otaalwa ayikire gye tuli. ³⁹ o Peteero naimuka nayaba nabo.niyayikire nibamutwala omu kisenge ekya aiguru n'abanamwandu bona nibemeera ampi naye nika bakukunga;nka boolesa ebibairewo n'ebyambalo oDulakansi bye yakoolanga nka akyali nabo. ⁴⁰ Baitu o Peteero n'abawulukya bona n'ayinama ansi naramya nakyukira omulambo n'akoba ati Taabisa iyeneere; Nalibulya amaiso gaamwe:niyabweine o Peteero n'agolokoka. ⁴¹ N'amuwa omukon,n'amwimukya;awo niyamaare okweeta abatukuvu; n'abanamwandu; n'amuleeta nka mwomi. ⁴² Nekitegerwa omu Yoopa kyona; baingi muno nibayikiriza o Mukama waiswe. ⁴³ Awo olwaikire n'alwaayo ebiro bingi omu yoopa amu nnyumba o Simoni omuwali w'abyanzo.