¹ Akscwaano ni kamaare okwikaikana, o'Paulo nayeta abaigirizwa nabuulirira n'abasiibula, n'azwaayo okwaaba e makedooniya. ² Bwe yayakaire omu mbaju zidi, nabategeeza ebigambo bingi nayika Buyanaani. ³ Eyo bwe yamaare, ni yaali akwaba kwaakala ku nyanja okuyika e Busuuli, nalowoozya okwirayo e Makedoniya. ⁴ Nebaa naye okuyika omu asiya o'Sospateeri omuberayo omutaane wa Puulo; n'Asesalonika, Alisutaluuko no'Timoseewo no'Tulofiimo. ⁵ Banu ni bekubbembera nibatulindirira omu Tulowa. ⁶ Iswe nituzwa omu Firippi nituwanika amatanga oluzwanyuma enaku omu tulowa omu naku itaanu, eyo nitumalayo enaku musanju. ⁷ Awo oku lunaku olwekeera omu sabbiiti nitwakumbaane okuwenda emigaati, o'Pawulo n'abaza nabo nga okutaka okwimula emambya n'alwaawo nga akya simoola okuyikya obwiire omwitimbi. ⁸ Niwabbawo etabaaza zingi omu kisiika ekya waiguru gye twakumbaanire. ⁹ Owoojo, eibara byaamwe yutuko, yaali aikaire mu dirisa nakwatibwa otulo twingi, naye Opawulo nalwaawo muno nga akya myumya olulonda kaambe; omwoyo eyakwatiibwe otulo otwingi; naganyuka nazwa omu kalina eyakasatu niyeekubbirewo naafa! nalondebwa nga afiire. ¹⁰ Opawulo naika mangu namugwaku, namuwambaatira n'akoba nti mutakunga; obulamu bwaamwe, bukyaalimu omunda. ¹¹ Naniina namenya omugaati n'alyaaku; nalwaawo nga kya nyumya okuyikya emambya, ale nasooka nazwayo. ¹² Nibaleeta omwojo odi nga mwoomi katebule! era nibasanyuka muno. ¹³ Naye iswe nitulembera okuyika oku kyombo nitwaba okuyika aso nga tukuitaka eyo okusika Opawulo kubanga yaali alagiire atyo nga akutaka ye, onanyere ayakale ku lukalu. ¹⁴ Bwe yatusangire omu Asosi ni tumusika nitwiiza omu mituleene. ¹⁵ Nitwanika amatanga okuzwaayo oku lunaku olwababiri niti, yika omu maiso ga kiiyo; oku lwakasatu nitugoba oku samo; oku lwakanai nituyika omu mireeto. ¹⁶ Kubanga Opawulo yasiimire ayakareku Efeso omu kyombo, alema kulwa mu Asiya; kubanga yaali ayanguwa oba nga kisoboka, abbe mu yerusaalimi oku lunaku lwa pentekoote. ¹⁷ Bwe yaali omu gyali, nabakoba nti nywe mumaite okuzwa oku lunaku olw'olubeerye berye, bwe naniinire. ¹⁸ Asiya, bwe nabbanga n'annywe omu boro byoona ¹⁹ Nga mpereza omukama waiswe n'obuwombeefu bwoona n'amaliga n'okukemebwa kwe naboine omu nkwe eza Abayudaaya. ²⁰ Naye tinekangire okubabuulira ekigambo kyoona ekisaana n'okubayingirizanga omu maiso g'abantu era nabuli nyumba. ²¹ Nga ntegeeza Abayudaaya n'abayonaani okwenenya en'okanca n'okwiriza omukama waiswe Oyesu kristo. . ²² Ati buni bona bwe nsibiibwe omu mwoyo; nkwaaba eyerusaalimi naye nga timaite bye ndibona eyo, ²³ Wabula omwoyo omulikuvu antegeeza omu buli kibuga; nga akoba nti okubbowebwa nokubonya bonyezebwa, binindinire. ²⁴ Naye obulamu bwange, gye timbulowoozya ngekintu, nga bwa mwendo muno gyendi nsooke nyikiirye okugendo lwange n'okuwereza kwe naweebwe Omukama waiswe Oyesu n'okutezeeza nga enjiri eyekisa kya kanca. ²⁵ Kakano, obone gye mmaite nga timukyabano maiso gange nnywe, mweena benayakalanga mu nga mbuulira obwa kabaka. ²⁶ Nikyo nzwire mbategeeza olwaleero ntuu ngye ndi mulongoofu olwa musaayi ogwa boona. ²⁷ kubanga tineekanga okubakobera okuteesa kwa okanca kwoona. ²⁸ mwekuumenga nnywe nnywenkai nekisibo kyoona omwoyo omutukuvu mwe yabatire nnywe okubba abalabinzi okulisya nga ekanisa ya kanca gye yeguliire n'omusaayi gwaamwe ye onanyera. ²⁹ Ngye mmaite nti bwe ndimala okuzwawo emisege emi kambwe giringira omu nnywe, era tigiriisaasira kisibo. ³⁰ Era omunnywe nywenkai mulizwaamu abantu abasimoola ekigambo ekikyamu okukokota abayigirizwa enyuma waabwe. ³¹ Alemuloleere, mwizukire nga tinalekanga kulabukya namaziga buli muntu omu myaaka esatu;obwiire n'emisana. ³² Era nati bumu, nkubasigira okanca nekigambo kyaamwe eky'ekisaakye ekiyinza okwombeka nokugabo obusika mu abo boona abatukuziibwe. ³³ Tineegombangaku feeza ya muntu yeena, gonze ezaabu, gonze ebyambalo byaamwe. ³⁴ Nnywe mumaite ng'emikono gyange ginu niggyo gyakola nga okufuna byoona bye neetaganga n'abo abaali nangye. ³⁵ Mbalangire omu byoona nga bwe kigwanila okukolanga emirimu mutyo, ale nu musobole okuyambangaku abo abali n'amaani n' okwizukiranga ebigambo bya mukoma waiswe Oyesu bwe yakobere, ye onanyere nti okugaba kwa mukisa; okusinga okutoola. ³⁶ Bwe yammare okusimoola atyo n'afukamira nasabira wamwe nabo boona. ³⁷ Nibakuunga muno amaliga, boona boona nibamugwaku, oku ikoti lya Pawulo nibamunywerera. ³⁸ Nga banakuwaire muno okusinga byoona olwekigambo kyeyasimoire nti tibakyairayo kumubona nibamusendekeeryaku okumuyikya oku kyombo