¹ Era nayika eDerube ne Lusitula:obone! waaliyo omwegesya eibara lyaamwe Timoseewo,omwana w'omukali Omuyudaaya eyaikirize baitu nka oitamwe muyoonani. ² Eyasiimibwe aboluganda abaali Lusitula ne Ikoniyo ³ Oyo,oPaulo nataka okwaaba naye;n'amutwala n'amukomola olw'okuiina Abayudaaya abaali omu bifo ebyo;olw'okubba baali bamumaite nk'oitamwe yaali muyoonani ⁴ Awo nibaali baakala yakala omu bibuga,Nibawa abantu okukwatanga amateeka agalagiirwe Abakwenda n'abakaire abaali omu Yerusaalemi. ⁵ Awo Iramyo nizinywerera oku kwikiriza nizeyongeranga oku miwendo buli lunaku. . ⁶ Nibaikala omu nsi ya Fulugiya n'eGalatiya olw'okubba bagaaniibwe omwoyo omwikiriri okubbaku kyebakusimoola omu Asiya. ⁷ Nibayikire okumpi musiya nibagezyaku okwaaba omu Bisuniya n'omwoyo gwa Yesu natabaikirize. ⁸ Nibeetoolola eMuyisa nibayika eTulowa. ⁹ oPawulo n'abona okwolesebwa obwiire,omuntu omumakedoni nka ayemereire okumwegayiira nk'akukoba ati owunguke oyike eMakedoni otuyambe. ¹⁰ Bwe yamaare okubona okwolesebwa,omubwangu nitusala amagezi okwiimuka okwaaba eMakedoni nka tutegeera ati Okanca atweetere okubuulira enjiri. ¹¹ Nikyo twazwiire tusaabala okuzwa eTulowa nitukwata enzira engolokofu okuyika eSanoserakiya oku lunaku olw'akabiri ni tuyika Neyapoli . ¹² Nituzwaayo okuyikia eFiripo nikyo kibuga ekya Makedoni ekisokerwaku omu mbaju ezo ekyayombokerwe Abaruumi,nituba omu kibuga omwenitulwaamu. ¹³ Awo oku lunaku olwa Saabiti nituwuluka omu mulyango ogw'ekibuga okwaaba oku mwiga bwe tulwalowoozerye nka yaaliyo ekifo eky'okuramirangamu,nitwaikala,nitusimola n'abakali abakumbaaine. ¹⁴ Awo omukaali eibara lyaamwe Lugiya omutundi w'engoye eza fulungu ow'omu kibuga Suwatiira eyasinzanga Okanca natuwuura:Omukama waiswe namuswekuula omutima gwamwe okuwuulirya oPawulo bye yasimoire. ¹⁵ Bwe yabatiizibwe ye'ennyumba yaamwe,natwegayiira nk'akukoba ati obanga munsiimire okubba omwesigwa edi Omukama waiswe;mwingire omu nnyumba yange mubbe omwo.Natuwaliriza. ¹⁶ Awo olwaikire tukwaaba wadi awasabirwanga , omuwalw eyaliku edaiyimoni alagula,natwagya eyafuniranga abakama bamwe ebintu ebingi olw'okulagula. ¹⁷ Oyo bwe yasengereire o'Paulo naiswe,nassimola omwiggulu nga akobba ati Abantu bani bairu ba Kanca ali waiggulu omu ababulirira enzira eyo bucuriiri. ¹⁸ Nakolnga nga atyo ennaku zingi ,baitu o'Pawulo ,ni bwe yanakuwaire omuno nayinduka nakoba odayimooni ati nkulagira omu ibbara lya Yesu Kristo ,Omuzweeku n'amuzwaku omu kiseera ekyo. ¹⁹ Baitu abakama bamwe mbabwoine nga essubi eryo okufuna ebintu byabwe liwereirewo,ne bikwata o'Pawulo ,o'Siiras nebibakwokwota okubatwara omu katale eri abakulu, ²⁰ Ne bibatwara omu balamuzzi ni bibakoba ati bani basasamalya muno ekibuga kyaiswe, kubanga Bayudaaya,era bakwegesya empisa eza omuzizo. ²¹ Iswe okuzikwatanga , gonze okuzikulanga olwa kuba badii Baruumi. ²² Ekibbuuran'ekibagwolokekeraku ,awamwe,abalamuzzi nibibainonera engoye zaabwe ne bibaragira okubakuba emiggo. ²³ Mbamaare okubakuba emiggo emingi nibabasindika omwikomera,ne balagira omukuumi okubakuma muno: ²⁴ Oyo bweyaragire atyo,nabasindikiirya kyalumwe omu kwomera eryo'munda,nakomeera ebigere omu nvuba. ²⁵ Baitu obwire omwi tuumbi ,o'Pawulo ne Siiras ni basaba ni bembera o'Kanca abasibe ni babawuura. ²⁶ Amangu agwo ni wabbawo ekikakano ekikwoto,ensi yoona ne yuguuma emisingi gy'eikomera ni gyikankana,amangu agwo enyige zeikomera ne zeigura zoona,n'ebyali bibbabwoire ne bisandabuka. ²⁷ Omukuumi ow'eikomera nasisimuka ,ni ya boine enyige zeikomera zigwire,nasowola yo ekitaala kyamwe ayabe yeite olw'okuba yalowoozerye ati abasibe boona boona batolokere. ²⁸ Baitu o'Pawulo n'assimorera aigulu n'edoboozi erikoto ati otekola kibbi ,kubanga abasibe esweena tukyali tuloowo. ²⁹ Nasaba etaala,nairuka naingira navunamira o'Pawulo n'oSiiras nga yeena yeena akukankana mbe. ³⁰ Nabawulukya enzai,nabakoba ati Basebo,kigwaniire okukola atyai okucunguka? ³¹ Nibamukoba ati oikirize o'Mukama waiswe o'Yesu wacungurwa we, n'abbo omunyumba yamu. ³² Awo nibamubulirira ekigambo kya Mukama waiswe naboona abali omu nyumba yamwe . ³³ Omukuumi oyo nabatwara omu kiseera ekyo obwire okumwigga nabaana. ³⁴ Nabatizibwa amangu agwo ,ye nabwo'muyumba yamwe. ³⁵ Nebaniinisya omu nyumba yaamwe nabaletera emeeza nasanyuka muno ne nnyumba yamwe yoona nga aikirize o'Kanca. ³⁶ Baitu ni bwebwakeire emambya,abalamuzi ni bantuma ni abasirikal;e bamwe na bakooba ati musindabure abantu abo. ³⁷ Omukumi weikomera na kobera o'Pawulo ebigambo ebyo ati abalamuzi okubasindabura tubataisye.Ale ati buni muwuluke mweyabire mirembe . ³⁸ Baitu o'Pawulo na bakoba ati Batukubire omumaiso g'abantu nga tukyali nakusalwa omusango nga ate tuli bantu Baruumi ,nibatusindikirya omwi komera ,ale ati buuni bakututolamu kyaama?bbe bo abenenyerye baize batuwulukye. ³⁹ Abasilikale ni bakobera abalamuzzi ebyo mbu balina amawulire oku abantu abwo,Baruumi. ⁴⁰ Abalamuzzi mbaiza nibabegaira ,nibabawula ni bataka bazwe omu kibuga.Nibawuluka omwikomera nibaingira omu nnyumba ya Ludiya,nibabona abw'oluganda ni basanyuka muno okwicya mbazwiireyo