¹ Abakwenda n'abaluganda abaali omu Buyudaaya ni bawuura nk'amawanga gona baikirize ekigambo kya Kanca. ² Awo oPeteero bwe yayambukire e'Yerusaalemi.badi abakomole nibwakana naye. ³ Nka bakoba ati waabire omu bantu abatali bakomole n'olya nabo. ⁴ Baitu oPetero natandiika nabanyonyola kimwe kimwe nk'akoba ati ⁵ je naali mu Kibuiga Yoopa nka kuramya omwooyo gwange niguwanyisibwa nimbona omu okwolesebwa,ekintu nga kikwika ngesuuka enkoto nka kikwatiibwe okunsonda einaio okuiisibwa ansi nk'kikuzzwa mwiguru nikinyizira. ⁶ Nibweneikiririze amaiso,nindowooza nimbona ebisolo byona eby'okunsi ebirina amagulu anani n'ebisolo eby'omu kisiko,n'ebyekulula n'ebinyonyi eby'omu ibbanga. ⁷ Era nimpuura eiraka nka linkoba liti Petero yemeera,osale olye! ⁸ Baitu ninkoba ti ntai bbe ,Omukama wange olw'okubba,ekintu eky'omuzizo,gonze ekibbi,tikingirangaku omu kanwa kange gonze akadyoli. ⁹ Baitu eiraka nka lizwa omujjurwa ati Okanca bye yalongoserye,tobifulanga we bya muzizo. ¹⁰ Nikibba kityo emirundi esatu;byona nibininsi omwiguru. ¹¹ Aale bona omubwangu obwo abantu basatu baali nka bemeere omu maiso g'ennyumba mwe twali,abatumibwe gye ndi okuzwa eKayisaaliya. ¹² Omwoyo nakoba okwaaba nabo,obutayawula banu abaluganda omukaaga nibabba n'engoye nitwingira omu Nnyumba y'odi. ¹³ Natukobera nga bwe nka bweyabweine Ontumwa omu nnyumba yaamwe nka ayemerire nk'akoba ati otume eYoopa ayete oSimooni eibara lyaamwe erya kabiri Petero ¹⁴ Ali kukobera ebigambo ebirikucunguran we n'ennyumba yaamu yona. ¹⁵ Naali nakatandiika mbe okusimoola omwoyo omwikiriri n'abagwaku,era nga bwe yosookeire oku iswe. ¹⁶ Ninzijukira ekigambo kya mukama waiswe kye yasimoire nti o'Yokaana yabatize na maizi, Baitu nywe mulibatizibwa n'Omwooyo Omutukuvu. ¹⁷ Ale nu, oba Okanca abawaaire ekirabo ekyo nga iswe okwenkanankana, bwe twaikirize omukama waiswe Oyeesu Kristo, ngye nani eyandisoboire okuziyinza Okanca? ¹⁸ Bwe bawuliire ebyo nibasirika, nibagulumiza Okanca! kale Okanca awaire nabanamawanga okwenenya okuyika oku bwoomi. ¹⁹ Nabo abasaasaine omu kuyiiganyizibwa okwalowo oku Siteefano nibatambula okuyika efoiniiki ne kupalo ne antiyokiya nibatakobere muntu wundi wabula Abayudaaya bonkai. ²⁰ Baitu waalowo abantu omw'abo abe kupulo nabe kuleene abo nibayikire omu Antiyokiya ba nibasimoola n'abayonaani nga bawuura omukama waiswe Oyesu. ²¹ Nomukono gwa mukama waiswe gwaali nabo ekibiina kikooto eky'abaikiriza ne bakyukira omukama waiswe. ²² Ekigambo ekyo nikiwuurwa okuyika omu matwi g'ekanisa eyaali omu Yerusaalemu, nibatuma obalunabbo okuyika omu Antiyakiya. ²³ Yeena bwe yamaare okuyika, nabona ekisa kya Okanca n'asanyuka, n'ababulirira boona nti mumdirire omu mutima okwekwaata oku mukama waiswe. ²⁴ Olwokubba yaali muntu musai naizula omwooyo omutukuvu nokwikiriza ekibiina kikooto nikireetebwa eri omukama waiswe. ²⁵ Nazwaayo okwaaba e tuluso okuswagana osawulo. ²⁶ Bwe yamaare okumubona, n'amuleeta omu Antiyokiya. Awo olwayikire nibamala omwaka mulamba nga bakumbana nekanisa nibayigiriza ekibiina kikooto, abayigirizwa nibasooka okwetebwanga abakristaayo omu Antiyokiya. ²⁷ Omunaku ezo abannabbi nibazwa e Yerusaalimu okuyika Antiyokiya. ²⁸ Nayemeera omwe ku abo eibara lyamwe Agabo n'abuulira okubwa mwooyo nti waliba enzala zingi omunsi zoona, yoona yabbarewo oku mirembe gya kulawudiyo. ²⁹ Abayigirizwa, buli muntu nga yaali nebintu nibateesa okuweereza aboluganda abaali baikala e Buyudaaya. ³⁰ N'okukola nibakola batyo nibaweerera abakaire omu mukono gwa Baalunabba ni o’Sawulo