¹ Olwakuba kikyali kweetagisa oku lwebisembo ebiweebwayo okuyamba abaikiririre. ² Olwakuba maite nti muli ba kyuleeri okuyamba, ekyo nikyo nkubenyumiryaamu ejjeeri abe makedoni okulwanywe nga nkubakoba nti '' Abomu akaya betegekere okuzwera kimwe omumwaka ogwayakaire.'' Era obuziga bwanwe bwa kubiriza baingi omwabo. ³ Baitu onkutuma abaliganda egye muli okwe nnyumirya kwaiswe oku lwa nywe leke kuleme okuba okwabwerere omukigambo ekyo wabula mube nge mukulindiira nga ni nsimoire. ⁴ Tikulwa nga abamwe abe makedoni abaliza nanje, balibaajja nga timwetekeretekere iswe ne bwe nta simoole okukuswala okwaywe ni takwatibwa ensoni olwabwesigwa bwetwalinabwo omwaabo. ⁵ Kikuneetaagisa okwegayiira aboluganda bane bembere okwiiza egyemuli bateeketeeke ekisembo ekyo ekye mwa laganisirye kyagibwe nga kiteekeeibwe tekeibwe lwa kwesimira naye nga ti lwakuwaliriza. ⁶ Baitu ekyensimoire kinu nti alisiga akadooli, alikungula kadooli, era erisinga eziingi alikungula ziingi. ⁷ Buli muntu akolenge nga naaba amalilire omwooyo gwaamwe. Baitu ti lwaa nnaku newankubaire okuwalirizibwa olwakuba Okanca ataka muno omwooyo neissanyu. ⁸ Era Okanca ayinza okwerya ekisa kyona kyona egimuli nywe nga mulina ebikubamala byonna byonna ebiro byonna mubigambo byonna leke mwakaliryengae omu bimukukola ebisai byonna byonna. ⁹ Nga nikya wandikiibwa kiti obwikiriri bwamwe bwamirembe na mirembe. ¹⁰ Era oyo aweerya ensigo omulumi waamere eyakulya, yabaweryaga yabongerya nga ku ensigo zaamwe mwe era yayalyanga ebyera ebyabwikiriri bwanywe. ¹¹ Mwa gyuduwalizibwa omubyona leke mugabe muno okwakala omwiswe Okanca asimibwenge. ¹² Olwakuba okugaba okwakuwereza okwo tikwizula mbe bwizuli omukigero kyebyo abaikiriri bye bakutaka era baitu okwakalirilya olwakweba lya okwingi egyeli Okanca. ¹³ OLwakuba olwakukemembwa kwanywe omukuwereza kuni bakutendereza Okanca olwa bugondu bwa nuye n'okwikiriza enjiri ya Kristo n'olwabugabi bwanywe egibali naa abandi boona. ¹⁴ Era bobonkai nga bakubalumirwa nnywe, nokubasabira olwakisa kya Kanca ekitasingi ka omu nywe. ¹⁵ Okanca asiimwe olwakisembo eki takobekeka.