¹ Guni nigwo mulundi oywasatu nka nkwizza jemuli. Omukama kabajurwa ababiri oba abasatu buli kigambo kiri gumma. ² Nwalikire era ndi rarika, nka ninakore nmali eyo omulundi ogwakaburi, era natubuni nka tindiyo, mbakoba oba abasisire eirya nabandi bonna bonna, nti nindiza era, tindi susira. ³ Kubbanga mukuswagama ekikasa nka Kristo akubazira omunje, Kristo oyo timunaki nka akukolanga na nanywei, baitu alina amani omunywei. ⁴ Kubbanga yakomererwe mu bunaki, baitu mwomi alwamani ga Kanca Kubbanga naswei tuli banaki omuye, baitu omukora amwei nanywei tuliba bomi amwei naye olwamani ga Kanca. ⁵ Mwekebere nywenka oba nka muli kwiriza, mwekeme nywenkai. oba timukumanya nywenkai nka Oyesu Kristo ali nanywei. ⁶ Baitu nkwetejja nka muli munya nka iswei titwalemerwe. ⁷ Era tukusaba Okanca waywei mulekenga kukola kubbi kwonna, timswe okuboneka nka abakusimibwa wabula nywe okukolanga okusai, iswe nabanga abatakusimibwa. ⁸ KUbbanga tituyinza kugana mazima, wabula okugajuna. ⁹ Kubbanga tusuka iswei niba abanaki, nanywei nimuba namani, era nakini tukisaba nywei okutukikira. ¹⁰ Nikyo nzwire nimpandika ebyo nka tindiyo, nimuba eyo ndeke kuba muwandi, nka obukama bwamwei nibuli omu Mukama waswei bwempaire olwakomboka, ate tikumenya. ¹¹ Ekikusembayo, abaluganda, bayi mwikire, musonyiwibwe mulowooze amwei, mube nemirembe yabanga nanywei. ¹² Mulamukyanganenga mutumbatagenenga okukwera. ¹³ Abakwera bonna bonna babalamukirye. ¹⁴ Ekisa kya Mukama waiswe Oyesu Kristo, nokwendya kwa Kanca, nokwikya ekimwe kwa mwoyo ogukwera gubbe nka nanywe nywenna nywenna.