¹ Nandi takkire mugumikiire omu busirusiru bwaange obudooli, era ddala muguminkiirize. ² Okubbanga mbakwaturwe obwiiya bwa Okanca, nabafumbiiza bamwe omu Kristo, ndyooke mbaleete gyaali nka omwala omulongoofu. ³ Naye utimire, nti ngompiiri bwe yabegerebegere okaawa mu lugezigezi bwangwo, kaanda ebi rowoozo byanywe biyiinza okukyamizibwa muleeke okwewerayo ddala onumazima eri Kristo. ⁴ Kubbanga omuntu nairya nabakobera Yesu owondi gwetabakobeire, oba bwemwatebwe omwooyo owondi gwe mutaweibwe, oba njiri yendi egye mutaikiriza, mulauka okubikkiriza. ⁵ Okubbanga nkulowooza nti omubudooli bwange tineiingibwa muno abatume abo abakulu. ⁶ Naye nebwankubadde nga tindi mumalirivu omu kusimoora naye tindi ntyo omukutegera, naye omu byonna nomubuli ngeri ekyo twakiboleseize. ⁷ Nasisikaire bwenetowazirwe njenkai nywe mugulumizibwe okubbanga nababuulire enjiri ya Okanca nga ndoowo kubasasuza. ⁸ Nanyagire ekkawisa eyendi, nga nkuweebura empeera okuswa egyebali ndyoke mbawereze nywe. ⁹ Era bwenabbanga nanywe nga nkwetaaga, tinalemerwanga omuntu yenna! Okubbanga abaluganda abazwire omu makedoni, bandeteire byonna byenali nkutaka. Omubyonna nkwekuuma era nkwiza kwekumenga obutabazitoweraanga omungeri yonna. ¹⁰ Ng'amazima ga Kristo bwegaba omunje, ndowoowo aliyiinza okwenyuminkiirye okwansalosalo eze yakaya. ¹¹ Lwaki olabbanga tiwanbendya? Okanca amaite nti nkubataka. ¹² Ekyo ni kyenkola, nkwiiza kweyongera okkolanga ntyo, ndyoke nemeshe abo abakwenyumekiirya mu batume baabwe, nga bakkoba nti bakkola nga bwe twakoore. ¹³ Okubbanga abali nka abo nibo abatume abo bubeyegi, abakkola ebyabukuusa, abakweisama nga batume ba Kristo. ¹⁴ So tikyamagero, okubbanga sitaani akwisana nka abantumwa owaisana. ¹⁵ Kale tikkitalo era n'abaweereza bamwe nibwo baisana nka bawereeza obokwikiirirya, enkomeero yaabwe ekweba okubba nka ebikolwa byaabwe. ¹⁶ Nkwiramu okobba nti omuntu yenna aleke okundowooza nga ndiimusirusiru, naye okulowooza nkabwemukundowooza mutyo kale musembeza ngo musirusiru , njena mune ngu mikiiryeku akadooli. ¹⁷ Ekyensimoola tinkisimoora ekigambo kya Okanca waiswe, naye nka omubusirusiru omu maani ganu obwokwenyuminkiriirya. ¹⁸ Okubbanga baingi abokwrnyumikiiriza omubbiri, naije nkwe nyumikirya. ¹⁹ Okubbanga muggumikiriza ei sanyu abasirusiru okubbanga nywee muli bagezigezi. ²⁰ Okubbanga muggumikiriza omuntu, bwabatoora abairu, bwabamira nibwo ba warumbwa, bwakwe gulumiza bwabakubba omumaiso. ²¹ Nsimmooire olwo kweswaaza nga abanaki. Naye omuntu yenna ekyagumira (nsimoora omubusirusiru), ijeena nkuguma. ²² Bo babbula niya? Naije bo baisiraeri? Naije iso nilyo izzaire lya Ibulayimu? Niaje. ²³ Bo baweereza ba Kristo? (nkusimoola nko omulalu) nje mbasiinga, omukufuba mbaikya omukubuwebwa mbaikiirya, omukkubwa okwingiirya omwe, era eruirundi zinji nga nkubulaku kadooli okufa. ²⁴ Eri abayudaaya nakubbwa emirundi etaano(5) emigo isatu mu mwendai(39). ²⁵ Emirundi esatu nakubbwa enga, omulundi guunawe nakasukiirwa amabbale emirundi isatu obwaato bwayatikire, nabasha nasiiba ebuluba bwa nyaija. ²⁶ Omukuta mbulanga emirundi ezinji natukibwaku obulabe obukuzwa omumigga oba laaba obukuzwa nyaji, obukuzwa eri abamaanga obulaabe obukuzwa omukibuga obulaabe obukuzwa omu irungu obulaabe obukuzwa omunyaija no bulaabe obukuzwa omubaluganda abobubeyegi. ²⁷ Omukufuba wokerwa mu kulingasira emirundi ezinji omunzaala na amalo, omukusiibanga emirundi ezinji omu mpoowo wokubba obwereere. ²⁸ Okwongera okwe ebyo walowo ekikinzitowera bulizo buliizo, okwelarikiriranga olwa Kansa zonna. ²⁹ Nani omunaki njema ntaabemunaki. Nani akkemwa n'agwa nanje ntasaliirwe? ³⁰ Oba nga kkinjji alire okwengumiriza, nmenyu minukiriryanga olwa bunaki bwange. ³¹ Okanca taata wa Mukama waiswe Yesu eyebaziibwe emijjo gyonna amaite nga tindi mubeyegi. ³² Mu ddamasiiko owaisazza eyatekeibwe ku kabaka aleta yateegere ekibuga ddamasiiko alyoke aukwate. ³³ Mbanyakarya mudirisa nga ndomukisira okukikorogo nkyunguuka okuzwa omumikono zaamwe.