¹ Baitu nje mwenyeneze Pawulo mbegairire olwa bucureiri nobuwombeki obwa Kristo, nje omugondu bwendibba namnywe, era tte omuziga nka tindi nannywe. ² Ale mbesengereire bairaba, ne ndibba nka ndi nannywe, nneme okubalanga omuziga obwo nibwe nkolesya eddi abandi abukulowoza nka iffe tutambula mu gobesesa omubiri. ³ Kubba gonzenga nku tambula omu mubiri, titulwana kugobeera mubiri. ⁴ Kubbanga ebya kulwanisya eby'antalo zaiswe tibya mubiri, baitu birina amaani agazwa eddi owa Kanca olwa kuwesenkerya olukologo. ⁵ Okuwerenkerya empaka na buli kintu ekigungumari ekitimbibwa okulwana n'okwetesa Okanca era tte nka tukuseemulanka buli kirowoozo okugonda kwanywe iwe kulikiira. ⁶ Twetekeretekere okubonereza olwa bukakanyari bwonna, obugondu bwa nnywe lwe kulikiira ⁷ Mulorere ebintu nka nibiri omuntu yenna bwe yekakasya mudi nka owa Kristo, era tte naiswe nimo tutyo. ⁸ Kubbanga nibwe ndakaliriru okwenyumirya olwa buyinza bwaiswe, kubbanga nibwe ndya kalira okwe nyuminkirya olwa bukama bwaiswe Mukama waiswe bwi yatuwire olw'okubomboka nga tirwa kubbanga, omu byonna tundikwatibwa nsoni. ⁹ Tintakire kwisana akubatinisirya n'ebbaluwa zange. ¹⁰ Kubbanga basimoola nti Ebbaluwa zamwe zizubu, za maani baitu wa bbawo omubiri gwamwe munaki, no kusimoola kwamwe tikulumu nsonga. ¹¹ Akulowooza kini, yetejje nti bye tukobba omu baluwa nka tituliyo, era tte bye tukola nka tuli nonnywe. ¹² Kubbanga tutageza kwebaala ku muwendo gw'abo abakuramya bonkai gonze okwepima bonkai na bonkai, era tte nka kwepima bonkai na bonkai, banambula kweteesa. ¹³ Naiswe ffe baitute teturyenyumirya okusinga ekipimo kyaiswe, baitute omu kipimo eky nsalo Okanca jiyatugabire okubba ekipimo era tte n'okwika niji muli. ¹⁴ Kubbanga tetukweyakarirya ku kipimo nkabakwika jimuli kubbanga era tte twizire n'okwika ji muli njiri ya Kristo. ¹⁵ Tutwe nyumirya kusinga kipimo kyaiswe omu mirimu jabandi baitu nka tukusubira, okwikiriza kwa nnywe bwe kulikula okugumbalibwa omu ninywe nk'ensalo yaiswe bweri okusukuraa. ¹⁶ Olwo tulisobola okubulira ensiri omu bifo arai okusinga awannywe omu bicweka bya bandi. ¹⁷ Baitu eyeenyumirya yeenyumiryenge omu Mukama waiswe. ¹⁸ Kubbanga omuntu eyekudumbalya yenkai tini yasimula baitute oyo Omukama waiswe gwa gudumbalyo.