¹ Okuva eri omukaire Gaayo ogwentaka mu mazima. ² Mukwagwa nsaba nti byombyonna bikutambuulire kusa ate obbe mulamu ng'omwoyo gwo bweguli omulamu. ³ Kubanga nasanyukire inno aboluganda weebaizire nebanteegeza amazima gwo nga iwe w'otambuulira mu mazima. ⁴ Mbula isannyu eringi erisinga lino, okuwuulira abaana banga nga batambuulira mu mazima. ⁵ Mukagwa oli mwesigwa mubuli kintu ky'okolera abaganda bo waire bagwiira. ⁶ Abawaire obujjulizi kukutaka ko mu maiso ge Kanisa. Abo iwabatambuzanga nga Katonda bwataka oiza kola kusa. ⁷ Ku lwekyo ku lwe liina lya Katonda baibire mu maiso, nnibatatwala ekintu kyonnakyonna okuva eri abagwiira. ⁸ Kale kitugwaniire okusembeeza abantu abalinga abo tulyoke tubbe bayambi abainaibwe mu mazima. ⁹ Nabawandikiire ekanisa: naye Diyotuleefe ataka okubba omukulu waabe tiyatwanniirizire. ¹⁰ Owendiza njiza kujukirya abantu ebikolwa bye bakola nga atutumulaku ebigambo ebibbiibbi ebubulamu era nga yenna tasembeeza aboluganda era nabataka okubasembeza abagaana nababbinga mu Kanisa. ¹¹ Omutakibwa, tosengereryanga kibbiibi, wabula ekisa. Akola obusa iye wa Katonda: akola obubbiibi nga tabonanga Katonda. ¹² Demeteriyo asiimibwa bonabona, era n'amazima geene: era feena tutegeeza; weena omaite ng'okutegeeza kwaisu kwa mazima. ¹³ Nabbaire ne ebigambo bingi okukuwandiikira, naye tintaka kukuwandiikira no bwino ne kalaamu: ¹⁴ naye nsuubira okukubona amangu, tulitumula munwa ku munwa. ¹⁵ Emirembe gibenga gy'oli. Ab'omikwano (abemikaagwa) bakusugiirye. Sugirya ab'omukwanu (ab'omukaagwa) ng'amaina gaabwe bwe gali.