¹ Buli muntu yenayena aikirirya nga Yesu niiye Kristo, ng'azaalibwe Katonda: na buli ataka eyazaire ataka n'oyo gwe yazaire. ² Ku ekyo kwe tutegeerera nga tutaka abaana ba Katonda, bwe tutaka Katonda ne tukola ebiragiro bye. ³ Kubanga kuno niikwo kutaka kwa Katonda ife okukwatanga ebiragiro bye: era ebiragiro bye tebizitowa. ⁴ Kubanga buli ekyazaaliibwe Katonda kiwangula ensi; era kuno niikwo kuwangula okwawangwire ensi, okwikirirya Itawaisu. ⁵ Era awangula ensi niiye ani, wabula aikirirya nga Yesu niiye Mwana wa Katonda? ⁶ Oyo niiye yaizire n'amaizi n'omusaayi, Yesu Kristo; ti na maizi gadi gonka, naye n'amaizi gadi n'omusaayi gudi. ⁷ Era Omwoyo yategeezerye, kubanga Omwoyo niigwo mazima. ⁸ Kubanga abategeeza basatu, Omwoyo n'amaizi n'omusaayi; era abasatu abo baabira wamu. ⁹ Bwe twikirirya okutegeeza kw'abantu, okutegeeza kwa Katonda niikwo kusinga obukulu: kubanga okutegeeza kwa Katonda niikwo kuno nti ategeezerye eby'Omwana we. ¹⁰ Aikirirya Omwana wa Katonda alina okutegeeza mu iye; ataikirirya Katonda ng'amufiire mubbeeyi; kubanga taikirirya kutegeeza Katonda kw'ategeezerya eby'Omwana we. ¹¹ Era okutegeeza niikwo kuno nti Katonda yatuwaire obulamu obutawaawo, era obulamu obwo buli mu Mwana we. ¹² Alina Omwana alina obulamu; abula Mwana wa Katonda abula bulamu. ¹³ Ebyo mbiwandiikiire imwe, mumanye nga mulina obulamu obutawaawo, imwe abaikirirya eriina ly'Omwana wa Katonda. ¹⁴ Era buno niibwo bugumu bwe tulina eri ye, nti bwe tusaba ekintu nga bw'ataka, atuwulira: ¹⁵ era bwe tumanya ng'atuwulira buli kye tusaba, tumaite nga tulina ebyo bye tumusabire. ¹⁶ Omuntu yenayena bw'abonanga mugande ng'akola ekibbiibi ekitali kyo kufa, yasabanga, ne Katonda yamuwanga obulamu abo abakola ekibbiibi ekitali kyo kufa. Waliwo ekibbiibi eky'okufa: ekyo ti niikyo kye ntumulaku okukyegayiririranga ¹⁷ Buli ekitali kya butuukirivu kibbiibi: era waliwo ekibbiibi ekitali kyo kufa. ¹⁸ Tumaite nga buli muntu yenayena eyazaaliibwe Katonda takola kibbiibi; naye eyazaaliibwe Katonda amukuuma, omubbiibi n'atamukwataku. ¹⁹ Tumaite nga tuli ba Katonda, n'ensi yonayona eri mu bubbiibi. ²⁰ Era tumaite nga Omwana wa Katonda yaizire n'atuwa amagezi n'okutegeera tutegeera ow'amazima, era tuli mu oyo ow'amazima, mu Mwana we Yesu Kristo. Oyo niiye Katonda ow'amazima, n'obulamu obutawaawo. ²¹ Abaana abatobato, mwekuumenga ebifaananyi.