1
. Ango atie Waco kop me ateni ikom Kuristo ango li angalo ngec na da tie ijura icuny kacil.
2
. Be ango atic kede peko adwong kede par kame mede ameda icunya.
3
. Pien ango atwero paro be ango kikoma kolama ikom Kuristo pi imiegu kede amieguna kede kibut jo na ikome kame maka.
4
. Ame gin en jo me Isirael kame en ikome eloko odoko jomege pi deyo kede cikere kede mino iswil kede tic ka Rubanga kede cikere.
5
. Gin kibedo jo akwan me kom kame Kuristo owoki iye kame kalamo dedede ame Rubanga olonyo pi bedo nakanaka amen.
6
. Liame etie bala pien kite me kop ka Rubanga ii kede teko pien gin dedede likame kibedo jo me Isirael kame tie Isirael.
7
. Likame pien gin kibedo ikwae ka Aburaam, gin dedede kibedo idwe do kobino iwongo ikwaeu kede nying isaka.
8
. Pimano kite kame gin kibedo kede idue me kom gin liame kibedo idwe ka Rubanga do idwe me cikere en kame komaro pi bedo ikwae mege.
9
. Pien man en kop me cikere ikare ame ango ayaro bino kede ayaro udo Sarah kede atin awobi.
10
. Do likame man kenekene do kakame Rebeka da bin oyac kede icuo acel en obedo kwaru wa isaka.
11
. Pien iduc kalikame pwodi onywalo udo pwodi likame gin kitimo gin kitimo gimoro aber amoto karac tetekeny mit ka Rubanga iyer mere ko twer cungo liame pitce do piren ngat kolwongere.
12
. Pien bin kowaco ne be jo adongo bino tic ne jo atino.
13
. Bala kame kowandiko kede be ango amaro Yakobo do adagi Esau.
14
. Kara wan owac benyo? Likame tie poore kibut Rubanga? Rubanga dagi.
15
. Pien en ewaco ne musa be ango ayaro timo kisa but jo kame abino timo kisa doko ango ayaro sasiro jo kame abino sasiro.
16
. Likame pi ngat kame mito amoto ngat kame ringo do kibut Rubanga ngat kame nyuto kisa.
17
. Pien iwandik kacil oyamo ikom parao be pi kop noni en komio ango atingi malo tetekeny ango anyut akarunikin na ikomi di nyinga ko bino sarakin romo piny dedede.
18
. Pimano en etimo kisa but ngat kame en emito timo kisa kede but jo kame en emio cuny gi doko nwang.
19
. Un ibinunu Waco na be pinyo komio pwodi in iudo raco? But ngat kotieko dagi mit nin?
20
. Do okwe dano in en ngai komio idwoko kop karac ikom Rubanga? Gikame ocweo twero Waco ne ngat kocwee be pinyo komio icwea Kaman?
21
. Ngat kocweo agulu liame tie kede akarunikin ikom elupe, me cweno tabo ace lame komio woro kede acel alikame komio wor.
22
. Benyo kame Rubanga mito nyuto lilo mere pi mino teko mere ngeere ekanyakino kede dire katek kede tabere mege me lilo kopoore me muducaro.
23
. Doko tetekeny en emi abara medeyo mere ngeere ikom tabere me kisa kame en bin eyiko sek pi deyo.
24
. Akadi kibut wan jo kame en elwongo likame Iyudayan kenekene do kibut jo alikame ngeo Rubanga da?
25
. Bala kame en bin ewaco kede itabu kokosea be ango bino iwongo gi be jona do di gin likame kibedo jona kede dako ariki liame omaro obino lwonge be omare.
26
. Kare bino tuno ikabedo ame obino Waco negi iye be un likame ibedunu jona kanono en kakame obino lwongou iye be wun ibedunu idue ka Rubanga kakuo.
27
. Isaya da bin okok ikom Isirael pi idue mege kame tot bala asinge me dog nam anonok kikom gi en kame bino lakere.
28
. Pien en eyaro tieko tic di, eko mino bedo di cecek ipoore pien Rwot oyaro timo tic acecek ipiny.
29
. Doko bala kame Isaya owaco kede sek be kwanyo di Rwot me yii oweko ne wa ikwae oudo koto odoko cal bala sodoma di oko bedo bala gomara.
30
. Nan do wan owac benyo pien jo alikame ngeo Rubanga kalikame ngeo poore gin kiudo poore kiton poore kame tie iyei.
31
. Do Isirael kame bin lubo iswil me poore gin likame bin kiko udo poore me iswil.
32
. Pinyo? Pien gin likame kimoe kede yei do kede tice me iswil omio gin kiko gete kede engaro kame getaro jo.
33
. Bala kame kowandiko kede be ango aketo engaro kame getaro jo kede kidi me dub isiongat kalikame yei en lewic bino make