¹ . Ango anyuto ne wu amin wa Paibe kame obedo nyatic me kanisa kame tie kenkerea. ² . Tetekeny wek igame nu bala kame etie kede gi ki becakina but jo ka cil, dokon wek ikonyenu kii timo gi moro ni kenekene kame en emito neu tiimo kede; piento en ebedo agang but jo ka tot paka iton ango da noni. ³ . Mot nanu Prisilla kede Akwila kame obedo jo kony nango kii Kurisito Yesu. ⁴ . Pi kuo nango omio gin kiko pielo ngut gi piny: likame ango kenekene en kame amio gi pwoc do paka kanisa dedede me Abilere da. ⁵ . Iye pone acel nono mot Kanisa kame tie i ot gi, mot Epaenetus kame obedo omina me amara, kame obedo anyakini me agege me ka Kurisito i Acaya. ⁶ . Motunu Maria, kame otimo tic atek ikom wa. ⁷ . Motunu Andronika kede Junia kame obedo jo awade na kede mabus karacel keda: kame ongere idiere diere me jo or dokon gin oudo ki tie ii Kurisito sek di pwodi ango. ⁸ . Motunu Ampila kame ango amaro kii Rwot. ⁹ . Motunu Urbane kame obedo ngakony wa ii Kurisito kede Stakas kame ang amaro. ¹⁰ . Motunu Apelles kame obedo me ka Kurisito. Motunu jo dedede kame tie iot ka Aristobulu. ¹¹ . Motunu Erodio kame obedo wadwa. Motunu jo me iot ka Nakisu, kame tie ii Rwot. ¹² . Motunu Tiropena kede Tiroposa, kame caane ki Rwot. Motunu Peresis kame ocaane itek twatwal kii Rwot. ¹³ . Motunu Rupus dano kame oyero kii Rwot kede toto mere kede mera. ¹⁴ . Motunu Asinkurito, Pelegon, Ermas, Patorobas, Ermes kede imiegu kame tie kede gi. ¹⁵ . Motunu Pilologus, kede Julia, Nereus kede amimere, kede Olimpas kede jo kacil dedede kame tie kede gi. ¹⁶ . Motere nu di idotunu leemu kede amot acil. Kanisan ka Kurisito cwao neu amot. ¹⁷ . Ango abako doga butu, imiegu na be, ngicunu jo kame kelo apoku pokun kede aguinikin kame liame upere kede pwony kame wun iwudunu, di ikounu geengo gi. ¹⁸ . Pien jo me epone go likame tio ne Rwot wa Yesu Kurisito, do ne yi gi; dokon kede kope kamit kede kapwot gin ki ngalo cuny jo aming. ¹⁹ . Pien wor wu otieko neeno but jo dedede Ango do nan cunya yom akaka wun, do di amito be ibedunu riek kii tiimo gi ka ber, do di imingunu kii tiimo gi ka rac. ²⁰ . Dokon Rubanga me anapakin musungo sitani piny me tienu ikare iyapi. Kisa ka Rwot wa Yesu Kurisito bed kede wu Amanono. ²¹ . Temeseo ngatic wadwa, kede Lusio kede Yasoni kede Sosipata kame obedo wadwa motowu. ²² . Ango Tertio kame aandiko baluwa ni amotuwu kii Rwot. ²³ . Gaios ngat ko jola kede kanisa dedede, motowu. Erasito kame obedo ngatic kadwong me bomba moto wu, kede kuaruto kame obedo omin. ²⁴ . Kisa ka Rwot wa Yesu Kurisito bed kede wun dedede. Amonono. ²⁵ . Nan do buten ngat kame tie kede twer me Sipakino wu di lubere kede ejiri nango karacel kede tit ka Yesu Kurisito, di lubere kede yabere me mung kame bin kokano geeno me agege me lobo. ²⁶ . Kame nan do oko ngeere di beo kii giawandik me in abino, di lubere kede acora ka Rubanga kame bedo nakanaka, oko miine engeere but atekerin dedede pi wor kame bino pi yei. ²⁷ . Deyo do bed but Rubanga won rieko en kene, di beo ki but Yesu Kurisito mwaka kede mwaka. Amanono.