¹ . War jo kame otek opoore kanyakino upere kede jo kame kuo gi goro, di likame pi yomo cuny wa. ² . Wek dano acelacel ikom wa yom cuny nga kio mere pi gero yei mere. ³ . Pien Kristo da likame oyomo cunye kene, bala kite kame owandiko kede, ayet kame gin iyea kede opoto ikoma, ⁴ . Pien gi kame kowandiko riki sek oudo kowandiko pi wan pwonyere, tetekeny di obeo iye ikanyakin kede nyang cuny kame iwandik kacil mio be amotoko obed kede gen. ⁵ . Nan Lubanga me ikamyakin kede dino cuny emiu ibedunu kede tam acel wun kenu kenu di lubere kede Kristo Yesu. ⁶ . Me wek wun kede tam acel kede dwan acel opakunu Rubanga, en obedo papa me Rwot wa Yesu Kristo. ⁷ . Do pi mano gamunu ngat acel acel, bala kite kame Kristo ogamo wuda kede, pi deyo ka Rubanga. ⁸ . Nan do awaco be Yesu Kristo oudo obedo nga tic amako kokepo pi ateni ka Rubanga, pi nyuto isikan kame otimo kede jo akwari wa. ⁹ . Di be jo kalikame Iyudayan cemego ko pako Rwot Yesu Kristo pi kisa mere, bala kite kame kowandiko kede be, pi mano ango abino pak, idier jo kalikame Iyudayan, di ako wer di apako nyingi. ¹⁰ . Di bobo eko waco be, lelunu wun jo kalikame kokepo karacel kede jo mege. ¹¹ . Di amedo bobon, opakunu Rwot, wun dedede jo kalikame Iyudayan, di okonu tingo nyinge malo, wan jo dedede. ¹² . Di bobo Isaya waco be, oyaro bedo tie alias ka Yesse, di en eyaro bino pi pugo jo kalikame Iyudayan ki bute jo kalikame Iyudayan bino gene. ¹³ . Nan Rubanga me gen pong wu kede yom cuny kede mulem pi yei wu ikome, tetekeny ipedunu kede gen, pi twero kame yai itipo kacil. ¹⁴ . Di ango da kikoma atie kede nyang aber ikomu imiegu kede Amiegu na, Pi uda koto ipongunu kede jame abeco, ipongunu kede rieko dedede, di itweru nu bobo pwonyere nu kenu kenu. ¹⁵ . Akadi mago da tie, imiegu kede Amiegu, ango kawandiko kope mogo kede nywang cung iye pwone moro, di aketo wu itam na, piento kisa kame omiango me ka Rubanga. ¹⁶ . Pi ango apoore bedo ngatic ka Yesu Kristo but jo kalikame Iyudayan, Atimo tic me tuco ejiri ka Rubanga, me wek gi kamia me jo kalikame Iyudayan da kotwer gamo, kame kobedo gi ayala me Tipo kacil. ¹⁷ . Ango do pi amano itiye na apoore pako inying Yesu Kristo ikom kop kame mako tic ka Rubanga. ¹⁸ . Pien ango likame abino waco kop ikom gimoro ace kame Kristo likame omio otimere kibuta, pi mino jo kalikame Iyudayan lup kop, ki yamo kede itice gi. ¹⁹ . Kibeo igianena adongo kede isuur, kede twer me tipo ka Rubanga; en amio kwanyo Iyerusalem di ebero tunno iiuriku, ango kituto atieko tuco ejiri ka Kristo. ²⁰ . Kamano, oko mina abedo kede mit me tuco ejiri, likame ka nying Kristo kolwongo kiye, kwanyo kame ayaro ropo gedo angatamoro ocako gero. ²¹ . Do bala kame kowandiko kede be, jo kalikame ko waco ne gi kop i kome, kibino nene, di jo kalikame owinyo ko bino niang. ²² . Pien kop nogo bobon, omio ango likame ako twero bino butu. ²³ . Do nan bala kite kame ali kede katic ace iye adul ni, di atie kede mit adwong imwakini atot me anyim me bino butu. ²⁴ . Pi mano ango atie ot Sipaula, abino dwogo but wu, pi atie kede gen pi neno wu iot na noni, di ikonu kelo na kony kame yai ki but wu, ingei ango bedo pi kare moro acecek kede wu. ²⁵ . Do nataman ango atie ot Yerusalem pi tero kony ne jokacil. ²⁶ . Pien etieko yomo cuny jo me Makedonia kede Akaya pi mino kony moro but jo can koyei kame tie Yerusalem. ²⁷ . Omito cuny gi obedo yom twatwal, di kikoneno bala kitie kede panya but gi, pien kame jo kalikame Iyudayan otieko mino onywako winyo me jame me cuny, tice gida tie bobo pi pwonyo gi kop amako jame me piny. ²⁸ . Kame ango atieko timo tic nogi, kede kame apito ne gi anyakini, ayaro bino beo butu di aoto Sipania. ²⁹ . Di ango angeo be, kame ango atuno butu, abino kelo winyo kadwong me ejiri ka Kristo. ³⁰ . Nan akwao ne wu, imiegu kede Amiegu na, ki Rwot Yesu Kristo, kede ki amaro me tipo, be riberunu keda itimo teko lega karacel but Rubanga pira. ³¹ . Me wek amotoko elaka icing jo kalikame oyei kame tie Judea, kede pi tic na kame atieko iko pi Yerusalem ki twer gamo bala jo kacil. ³² . Me wek amotoko adwog butu kede yom cuny pi kisa ka Rubanga, di ango kede wu oko udo alakanar. ³³ . Nan Rubanga kame won mulem bed kede wu dedede. Amen.