1
. Gamunu dano kame yei mere goro, do likame ipiemunu iwi kop kame Rubanga.
2
. Pien dano moro yei be etwero camo jame dedede, do dano kame goro camo cam boke kenekene.
3
. Kur ngat kacame donyi nywarari ngat kalika camo, do kur ngat kalika camo ngol kop ne ngat acamo pien Rubanga ogamo ngoto.
4
. In en ngai kame ngolo kop ne ngatic me ngat apat? En etimo iber arabo epoto inyim ngadwong mere. Ateteni, obino mine etimo iber, pien Rubanga twero mine etimo iber.
5
. Dano acel neno bala cengacel pire dwong kalamo ceng apat ka: ngat ace da neno bala bul ceng calacala. Wek dano acelacel yei i tam mere iber.
6
. Ngat aworo ceng wore pi Rwot, do ngat kalika woro ceng, lika eworoe pi Rwot. Ngat kame camo, camo pi Rwot, pien emio Rubanga pwoc: do ngat kalika camo, lika ecamo pi Rwot di emio Rubanga pwoc.
7
. Pien lika tie ngata moro ikom wan akuo pire kene doko da lika tie ngat kame to pire kene.
8
. Pien kame wan okuo, okuo pi Rwot, do kame wan oto, oto pi Rwot. Pi mano ara okuo amoto oto, wan obedo me ka Rwot.
9
. Pi ajikini noni komio Kristo oto, eko yaruno di eko kuo bobo tetekeny ebed Rwot me jo oto kede jo akuo da.
10
. Do pinyo komio in ingolo ne omini kop? Arabo pinyo komio inyuto acae but omini? Pien wan dedede obino cungo inyim koom ka Rwot me ngola kop.
11
. Pien owandiko be: " bala kame ango akuo kede cong dedede bino riondiko buta, di leb dedede ko woro Rubanga."
12
. Pien ngat acelacel ikom wa bino Yamo kop kame but Rubanga.
13
. Pimano kur ongolunu ne jo ocegun kop, do kono ikunu kop nogi, me wek kur iketunu gikame logero arabo mino gimono totolo yet omini.
14
. Ango angeo do cunyo yei iber i Yesu be lika tie gi kalika cil pire kene: do ibut ngat kame neno be gimoro ebedo gi kalika cil pi en won.
15
. Do di kame cuny omini lika yom pi cam nin, in do lika boba itie ot i amara. Kur idudubo ngat kame Kristo oto pire kede cam nin.
16
. Pimano kur imi yam kop arac ikom bero ni.
17
. Pi ajakanut ka Rubanga lika obedo cam kede matere, do ebedo poore kede mulem kede yom cuny i Tipo kacil.
18
. Pien ngat kame tio ne Kristo i kop gi ne ngat kame Rubanga gamo di jo pwoyo bero ni.
19
. Pimano omounu jame kame kelo mulem kede jame kame mio ngat acel pwoyo ngat ocelu.
20
. Kur idubunu tic ka Rubanga pi kop me cam. Jame dedede kom olonyere, do ebedo raco pi dano kame camo kede kelo poto,
21
. Eber do kalikame icamo ringo amoto mato bwini moto timo gimoro kame kelo ne omini gete arabo winyo irac arabo mine ewinyo goro.
22
. In itie kede yei? Bed kede piri inyim Rubanga. Yom cuny tie ne dno kalikame turo ne kome raco i kop kame en eneno be ber.
23
. Do ngat kame tie kede gung i cunye oturo ne raco kame ecamo, piento likame ecamo kede yei; pien gi kalika owok iyei obedo dub.