¹ . Pimano imiegu kede amugu, akwao wa kede kisa ka Rubanga be minunu komu bala giayole akuo kacil kame Rubanga gamo manono en tic kame muru wun hinunu. ² . Ku ilokerenu ikuo me pinyi do bedenu jo olokere itanu wu wek ilweranu moko gira ber ka Rubanga yei. ko pore kede kame emito. ³ . Pien ango ayamo beo ikisa kame omio buta but nggat acel acel idiere wu pi weko paro be pire tiek kalamo kite kame en etano kede do di elubere kede kite kame Rubanga amio kede dano acel acel rom me yei. ⁴ . Pien bala kanu otienu kede adulion kutot ikom acel doko adulion dedede likame tuno tie acel. ⁵ . Aso wada akadi bedo bala atot atie kom acel Ikirisito doko buli dul me kom acel acel bulo adul me ngat acelu. ⁶ . Di bobo otienu kede giamia apapat di lubere kede kisa kame komio but wa kame ebedo imurai wek omura u nu di lubere kede rom me yei. ⁷ . arabo me tic pi jo wek adarimu tic wa amotoko ngat kame pwonyo ki pwony jo. ⁸ . arabo ngat kame supo cuny jo esap cuny jo, ngatame imio mito elimi kede mwolo, nggat kame telo jo elini di eketo ie cunye ngat kame nyuto kisa etini kede yom cuny. ⁹ . Wek amaro wu bul bongo eluke daguni gikame rai di ikoanu maka kin ikoni giku ber. ¹⁰ . Bedunu kede tanu abco idwe wu kenu kede aninra me imiegu beo iworo di imitunu jo kegun. ¹¹ . Kur igulunu imio tic wu di idongu nu icuny acil di itinunu ne Rwot. ¹² . Lelunu igen wu, dire nu ican di imedunu naka naka ilego. ¹³ . Mianu gikame mitere but jokatie di igamunu ju. ¹⁴ . Mianu winyo but jo kame tidito wu manu winyo do ku ilamunu. ¹⁵ . Lelunu kede jo kame lelo, doko koki unu kede jo kame kok. ¹⁶ . Bedinu kede tam acel ngat acel acel kur iparanu pi jame me ruom amalo do ribere nu kede jo kame ruom gi tie piny. kur ibadunu ruk ki wang wu kanu. ¹⁷ . Kur idwokunu ne ngala moro raco kede raco timunu jame audo ki wong jo dedede. ¹⁸ . ka koto di etwerere kibutu, badunu imucam kede jo dedede ¹⁹ . Tona kame amaro, kur kulunu kwor komu do akuku amamono miunu kare ne tilo ku Rubanga pien ko wandiko be culo kwor obedo nura abino culo Rwot en ayamo. ²⁰ . Pimano kame ngatwor ni ke oneko pite kame ario oneke mie gime amata pien kame itimo kamano ibino kito lec atek iwie. ²¹ . Kur imiunu gikarac bwon wu, do bwonunu gika rac kede gika ber.