1
. Ango nan do ayamo aman be Rubanga do otieko dagi jo mege? Rubanga tim kisa pien ango da abedo dano me Israel akwar Aburamu owok iye ateker ka Benjamine.
2
. Rubanga likame odagi jomege kame oudo engeo sek. Ara bo likame ingeuni gikame iwandik kacil yamo ikom Elia? Ekite kame engangao kede Rubanga pijo me Israel.
3
. Rwot gin kineko inabino nin kikukunyo alutarin nin kirereto piny ango nan do adong kena dokanan kitie mono kuo na.
4
. DO Rubanga oko dwoko ne benyo? Ango aweko cuo tutumia kanyaare pira kalikame orondiko piny ical ka baal.
5
. Aso ecal kamanono da ikare katin tie adongini me jo kame Rubanga oyero pi kisa mere.
6
. Do kame pi kisa udo likame pi tice abeco kakoto amano no udo kisa likame kisa. Do kame pitice abeco udo do likame etie pi kisa ciengemogo do udo tice da likametice.
7
. Benyo do nani? Israel likame oko twero udo gikame oudo kimoo; do kame oyero en oudo, do apat oudo wangi oumere.
8
. Bala kame kowandiko kede be, Rubanga omio gi cuny me nino wang kalikame mio gi kineno kede yit kalikame winyo kop, pakatuno tin.
9
. Daudi da yamo be, wek imesai gi dok bala owici kede obek kede gi kame gengo gi kede alola but gi.
10
. Wek wang gi dok col, tetekeny en amio likame ineno di ngei gi ko gomnakanaka.
11
. Aso ango ayamo aman, oudo gin kigete amio gi kipopoto likame kamanono do pi poto gi omio alako okotuno but jo kalikame obedo Iyudayan da pi wek nyeko maki jo me Israel.
12
. Nan do kame poto gi obedo abar me piny kede lore gi okelo abar but jo kalikame obedo Iyudayan nan do bero aram amen agin ibino ekelo irom gi.
13
. Pien en ango atie yamo kede wun jo kalikame ibedo nu Iyudayan bala kame ango abedo kede ngaor but jo kalikame obedo Iyudayan ango amoko tic na.
14
. Kame ango atwero pi mio nyeko mako jo nango acie di ako mino mogo kibuti gi udi alako.
15
. Pien kame adagadaga gi okelo nywak ipiny gamo gi bino kelo nyo? Da kuo kibut jo oto.
16
. Pien kame anyakini me agege obedo cil, udo kome da cil kame aliasin obedo cil.
17
. Do kame oudo kotuturo ajangen acie me yat dodi in, amotoko ajange me olibeti me itela di okorop kede gi pi nywako abar me alia sin mege.
18
. Do kur iwakare ne ajange acie apat. Aso nan ka in itie wakere ngei be in en kalikame itie pito aliasin, do aliasin en kame tie pitin.
19
. In ibino yamo be, kotuturon ajangen apat ka tetekeny wek ropa ango kargi.
20
. Mano tie ateni kotuturo gin tenge pien oudo kidagi yei,doin icungo pi yei pima kur idok ngae waka,do bed ngat alwor.
21
.pien kalikame Rubanga oweko ajange kame oudoecweo, gwokeru nu wuda ciengmogo ebino weko wu.
22
.pimano nenunu bero kede gero karubanga.gero merebutjo opoto, do ibun bero mere ka idongunu di imedenu kede bero mere.
23
.Akadi gida kalikame imoko itam gi mebedo abongo yei,kobino ropogi, pien Rubanga twero pi ropogi dobo
24
.pien ka in kotongi kikom olibeti me itela, di oko ropi ikom olibeti kikome,udo likame eupere kede ekite mecwec, eponemene kame bino ropo kede jangenogi me olibeti kikokome idok yat kame kotutoro giiye.
25
.Ango likame amito be ibedumu kede kwic iye amungini noni imieguna ,wek kur idokumuriek itamu kenu , to me wang onen but jo me isirael tuno ka kare me jo kalikame obedoiyudan oromo.
26
.Dido jo dedede me Israel ko lakere,bala kame kowandiko kede be ngalak binowok ki sion,ebino loko lime woro Rubanga kibut Yakobo.
27
.pimanoni enisikan nango butgi,ikare kame abino kwanyo kede dulo gitenge.
28
.ikom kopanako ejiri, ginkitie jo kwor wan do ikom kopamako ayero,kitie jo kame omaro likame lokere.
29
.pien giamia kede iwongo karubanga likame lokere.
30
. Bala kitie kame oudo wuda likame iyei nu kede Rubanga ikare okoto, do nan ikounu udo kisa pi kitie jo kame omaro pi kite Kagin kidagi kede yei Rubanga.
31
. Kamanono da gida nan kidagi yei tetekeny wek gida kiudi kisa kame omio wun.
32
. Pien Rubanga ocega cung gin dedede dagi yei tetekeny wek ebedi kede cuny me kisa but jo dedede.
33
. Tuto me abar ka Rubanga rieko mere karacel kede nge mere. Mono ekite kame engalo kede kop kede niang yote mege.
34
. Pien ngai kame ngeo tam ka Rubanga? Arabo ngai kobedo ngat kame mie tam?
35
. Arobo ngai omie giamia moro wek eculine.
36
. Pien jame dedede wok kibute bobo da kitie mege doko kidok bute. Deyo bed bute ikar kede ikar. Amen.