1
. Imieguna mit me cunya kede ilega na but Rubanga pi jo me isirairi en be koto gida ki lakere.
2
. Pien ango ajurao be gin ki tie kede akitokin atek ikom Rubanga do akitokin gi likame ocungo ikom ngec.
3
. Pi bedo kede kwic ikom pore ka Rubanga omio gin kiko ot sipakino poore kame mako gin di likame kiko yei turere ken gi ikom poore ka Rubanga.
4
. Piento Kristo en obedo ajikini me iswil pi poore but danoacel acel kame yei.
5
. Pien Musa otatamo epone me poore kame mako iswil di ewaco be dano kame timo gino jo bino kuo di beo kii gi.
6
. Do poore kame bino pi yei koyamo kop mere amane ta . Kur iwacii icunyi be ngai en ko yaro ito malo ipolo? (mano en mito dwoko Kristo piny ii malo).
7
. Amotoko be ngai en ko yaro donyo piny kaka tut? (mano dokon en oot kiarao Kristo ikom jo ko to).
8
. Do kop yamo benyo? Neni kop iyapi kedi kop nono tie idogi kede icunyi manono en kop me yei kame wan otito.
9
. Be, kame di in ibino tuco Rwot Yesu kede dogi di iko yei kii cunyi be Rubanga oyaruno en ikom jo ko to iyaro bino lakere.
10
. Pien kede cunye en kame dano yei kede poore dokon kede doge en kame etuco kede alako.
11
. Pien iwandik waco be nato kame bino yei en likame le wic bino mako.
12
. Pien apokapoka moro liame tie idiere diere me eyudayat kede dano me Gurik: Pien Rwot acel nono opong but jo dedede kame iwonge.
13
. Pien ngata moro ni dedede kame bino lwongo nying Rwot oyaro bino lakere.
14
. Epone mene do en kame gin kibino iwonge kede en dano kame gin me ki yei? dokon epone mene en kame mene en kame gin kibino yei kede dano kame gin likame kiwinyo kop ikome? Dokon gin ki bino winyo benyo abongo atuc jiri.
15
. Dokon epone mene en kame gin kibino tuco kede kame di likame ko oro gi? Bala kame ko wandiko kede be, tien gi tin cil benyo gin jo kame tuco ejiri me anapakin, kede kame kello rwonge me yom cuny me jame kabeco!
16
. Do likame gin dedede ki ture re ne ejiri pien Isaya owaco be Rwot ngai en ko yei kop ka wan okello.
17
. Aso kara yei bino di beo kii winyo, dokon winyo kop ka Rubanga.
18
. Do ango awaco be, Benyo kom likame gin ki winyo ateteni? Ebo ateteni dwan gi ooto ipiny dedede dokon kope gi osarakin paka i ajikini me wi lobo.
19
. Do ango awaco be Benyo jo isirairi likame bin ongeo kope gi? Me agege Musa owaco be ango ayaro duporo mino nyekomako u di beo ibut jo me atati dokon kibut ateker ka miming ango ayaro mino u lilo.
20
. Do Isaya tie kede tek cuny doko en ewaco ne ango audiere ibut jo likame omao ango ayabere but jo alikame oudo moa.
21
. Do but jo isirairi en ewaco be, pi ceng yulu yulango arieo cinga but jo ko jemo kede kame yamo atatai.