1
. Bero nyo do en kame Iyudan tie kede? arabo, ameda nyo en kame tie i akepo?
2
. Gikame do kalamo itek iye pone dedede, twatwal mere, piento komio gi kop ka Rubanga.
3
. Benyo bo do kame bin mogo ikom gi liko yei? Benyo, dagi yei gi no twero miin yei ka Rubanga bedo abongo teko?
4
. Rubanga odagi, Ee, wekunu Rubanga bed iyi ateni, do dano dedede bed ngangalo, bala kame owandiko kede be, wek do marin be kite ni ber ikom kop kame in iyamo dokon wek in ilol kop kame kngolo ni.
5
. Pien kame lime poore wan kelo poore ka Rubanga, oyam do benyo? Rubanga ngat kame culo kwor ikom ikom gi kareco li kede poore?
6
. Rubnaga odagi pien iye pone mene en kame Rubanga oyaro ngolo ne kede lobo kop?
7
. Piento, kame ateni ka Rubanga obwote di tot beo i angalo nango ikom deyo mere; pinyo do bobo kongolo nango ko bala ngadubo?
8
. Dokon bala kite kame kotero kede erupe ikomwa, di mogo moko be wan owaco be; opadenga wan omede nu kede timo bal tete keng wek bero ko bino? Ngolo kop mere tie kakare.
9
. Benyo bo do? Wan obecunu olounu gi? Li, li epone dedede; pien wan otieko ngingico Iyudayan kede abilere oko udo be gin dedede kitie iyi apugan me dub.
10
. Bala kame kowandiko kede be likame tie ngatomoro ko poore, li, akadi acel.
11
. Liame tie ngatomoro acel kame niag; liame tie dano acel moro kame moo Rubanga.
12
. Gin dedede kioto tenge me yongoyo; gin dedede karacel kidoko li kede ameda. Liame tie dano moro kame timo gi kaber, li, akadi ngat acel.
13
. Dwan gi obedo ates ka twoolo, gin kitimo angalo kede leb gi, kwir me twole tie piny me del doggi.
14
. Doggi opong kede ilam kede kecco.
15
. Tien gi dwir pi oonyo remo.
16
. Adudubun kede can opong iyongoyo gi.
17
. Dokon yongoyo me mulem gin likame ki ngeo.
18
. Lworo Rubanga liame tie iwang gi.
19
. Nan do wan ongeo be gi kame iswil yamo, udo eyamo ne jo kame tie piny me iswil, tetekeny wek buli dog jiki, di piny dedede kop ko lono inyim Rubanga.
20
. Pi mano, likame tie dano moro kame omaro be kite mere ber inyim Rubanga pi rikito iswil. Pien beo ki iswil en komiyo bal ongere.
21
. Do nan poore ka Rubanga abongo iswil otieko neeno, kame iswil karacel i kede inabino omoko mujura ikome.
22
. En kame etie poore ka Rubanga kame beo ki yei ka Yesu Krisito but jo dedede kame yei, pien pato li.
23
. Pien jo dedede odubo di kiko dooko bor kede deyo ka Rubanga.
24
. Di oko maro gi nono be kitegi opoore beo kii kisa mere di wok ki alako kame tie iyi Kurisito Yesu.
25
. Kame Rubanga oketo anyim pi lopakino wa beo kii keto yei iremo mere, pi tuco poore mere pi weko gi ka reco ko kato, owok kii ingirkin ka Rubanga.
26
. Pi tatamu, ango atuco poore mere, tetekeny en ebed ber, kede ngat ka maro jo ko yei Yesu be kite gi opoore.
27
. Ewaka do tie tuwai? Kogenge ooko kede iswil mene? me tici? Li, do kede iswil me yei.
28
. Pimano wan otieko be; dano komaro be kite mere ber pi yei abongo tic me iswil.
29
. Benyo, en ebedo Rubanga me Iyudayan kenekene? Likame en ebedo Rubanga me abilere apat ka da? Eebo, en etie Rubanga me abilere g da.
30
. ityekunu neno be, Rubanga acel en oyaro maro jo kame okepo be kite gi ber pi yei.
31
. Benyo, wan do otie gengo iswil beo kii yei? Rubanga odagi, Eebo, wan omoko iswil.