¹ . Dokon ango ako neno kakame atin me oromo oyabo kede acel ikom apuceta di ango ako winyo woo ame winyere bala mor me kot acel ikom leini ongwon di waco be; bia ineni. ² . Nenunu dokon ango ako neno asigira atar di ngat ko bedo ingee tie kede emal: okomine ocoro di eko ot di epugo kede pi puugo. ³ . Dido kame en owudo eyabo kede apucet me are, ango ako winyo di lee me are yamo be, bia ineni. ⁴ . Di asigira akwar oko wok di oto oko mino twer but ngat kame tie bedo ingee pi kwanyo mule tenge kiwi lobo kede be gin kipore nekere kengikengi dokon oko mine epima kadwong twatwal. ⁵ . Dido kakame en eko yabo kede apucet me adek ang ako winyo di leme adek yamo be bia ineni di ango ako neno dokon asigira acol di ngat kame bedo ingie tie kede misani are icinge. ⁶ . Ango ako winyo dwan idiere me leini ongwon di wacobe, ibunu me engano tie pi kapu acel dokon nenbe kur idudubo mo kede bwino ⁷ . Dido kakame en eko yabo kede apucet me ongwon, Ango ako winyo dwan lee me ongwon yamo be bia ineni. ⁸ . Nenunu dokon ango ako neno asigira otal di ngat kame obedo ingee nyinge too giana oko lube dokon oko minogi twer me neko acel me ongwon me wi lobo kede epima kede kec kede too karacel kede leini ager me wilobo. ⁹ . Dokon kakame en eyabo kede apucet me kany, ango ako neno tipere me jo kame bin oneko pikop ka Rubanga kede pi cadengi kame gin ki mio di tie idub alutari. ¹⁰ . Gin kiko kok kede dwan amalo digin kiwacobe, eyaro tero kare arom amene okwe Rwot kame cil kede me ateni di likame in ingolo kop kede nyaango remowa ikom jo kame bedo iwilobo? ¹¹ . Di oko mino ikanisan atar but dano acel acel ikomgi: oko waco negibe; gin miero kongkiwei pi kare moro anonok pakana jotic wadiga kede imiegugi, ame opore neko balagida miero cobere. ¹² . Dokon ango ako neno di en eyabo apucet me kanyap, dido neni ayayangun me piny atek oko bedo tie; di ceng okodokocol bala bongu me yer, dido due oko doko bala Remo: ¹³ . Do acerin me malo oko poto iwilobo balan kitame yat epigi uco kede anyakini mere di pwodi kare mere lika me otuno di yamo atek oyange. ¹⁴ . Dido malo oko yai bala itabu adola kame odolo karacl di buli moru kede cula oko nyikogi tenge ikom kabedogi. ¹⁵ . Dido abakai me lobo kede joka pirgitek kede jokobaro kede jo dongo meyi, jo atek kede jo dedede kame otweo, kede buli dano ame tie agonya oko kano komgi i aba kede ilela me mori. ¹⁶ . Digin kiyamo ne mori kede lelai be pot ikom wa, di iko kanowa tenge inyim en ngat kame obedo ikom me pug kede kii lilo me atin romo. ¹⁷ . Pi ceng adwong me lilo mere otieki tuno dokon ngai oyaro twero cungo?