1
. Di Yesu uko wok oko di eyai itempulo, di Josiai mege oko bino bute pi nyillo ne gedo me tempulo.
2
. Do Yesu oko willo negi be, likame inenunu jigi dedede? Aliteni awaco newu be, Likame kobino weko ikome kidi moro acel di odokakin iwi ocelu kulikame obino reto piny.
3
. Do kukame ebalo kede iwi moru me olibiti, Josiao Oko bino bute imung di kiwalobe, wace wa awene en kame gigi bino limere kule doku nyo en kume bedo anyut me dwogo nin, kede ajikini me piny?
4
. Do Yesu oko dwoko diewaco ne gi be, gwokere nu wek kur demo moro ngalu.
5
. Pien jo atot oyaro bino inyinga di gin kiwaco be ango en Kristo doko kibino ngalo jo atot.
6
. Doko ibinunu winyo yii kule rwonge me yii do nenunu be kur anyu poti pien gigi dedede pure bino di kokato do ajikini udoo pwodi.
7
. Pien pinye bino yii kede pinye doko ajakanuto da bino yii kede ajakanuto doko kel bino bado tie kede tuo doko ayayangun me piny bino bado tie ikabedo apapat.
8
. Magi dedede bino bedo acakini me gwer any.
9
. Bobo gin kibino mino kotidilo wu bobo kobino neko wu, di oko bino dagi wu ipinye dedede pi iyinga.
10
. Bobo jo atot ikomu kobine wango luny gi, di iko cako rupao dano ocelu doko kibino dagere kengi.
11
. Bado inabin atot me angalo oyaro bino, doko di kibino ngalo jo atot.
12
. Do pien dub bino nyai, amara me jo atot bino doko ngic.
13
. Do ngat kame bino canyakino tuno i ajikini, dano acal kamemono kobino lako.
14
. Bado ejiri me ajakanut ni kobino tuco iwi lobo dedede bala ijura but pinye dedede dido ajikini kobino tuno.
15
. Kame ibinunu neno gime kwer kame bin enabi Daniel oyamo iye di tie ango ikabedo kacil jo kame tie somo milo kiniangi.
16
. Di gin jo kame bedo yudaya kiringi imori.
17
. Wek ngat kame tie iwi ot kur bobo wok piny pi Kwanyo gimoro iode.
18
. Amotoko ngat kame tie ipoto bino kwanyo igwen.
19
. Do kitie kican gin jo kame tie kede idwe, kede but gin jo kame doto idwe iceng go.
20
. Do legunu wek kur ringo wu bed ikare me oro amotoko iceng me sabato.
21
. Pien can bino dwong kalikame otimere guno acakini me lobo tuno ikareni, bobo likame ebino bobo timere.
22
. Tuno kede di cengere go odwo dwoko, oudo likame dano kame bino udo alako, do pi jo kame oyero, kobino dwo dwoko cengere cengerer go
23
. Do kame dano moro bino walo newu be, nenunu, Kristo ine amotoko kuno kur iyeunu.
24
. Pien jo pwonye me angalo kede inabin me angalo doko kibino timo gianena kede gime isur adongo me wek tetekeny koto kame twerere ki bin ingal kiton jo kame koyero.
25
. Nenunu ango atieko waco newa di pwodi.
26
. Pimano, kame gin kibino waco newa be, nenunu, en etie i elet, kur iotunu kuno, amotoko be nenunu en etie kabedo me mung, kur iyeunu.
27
. Pien bala kame meny me kot yai kiwok ceng di eko runy paka tuni ipolo ceng bino me wot ka dano da bino bedo cal kamanono.
28
. Pien kakame kele tie ie kunono acut da bino cokere ie karacel.
29
. Cuculo ingei itiecel me cengere go, ceng bino doko col di dwe da likame ko mino lero mere di acerin ko popoto kimalo di iwer me mulo kobino yangere.
30
. Dido wol ka dano kobino neeno imalo, dido leb dedede me wi lobo koko bobo gin kibino neno wot ka dano di tie bino idoun me malo itwer kede dego adwong.
31
. Bobo en ebino iwano imalaikan mege kede dwan me agwara adwaong, di gin kiko bino coko karacel jo mege kame koyero iacakini me lobo tomo kede ialiekini iwi yenuo me ongwon.
32
. Nan pwony agole me yut epigi, kame ajangi mege ogwer di eko ketp boke wun ingeunu be oro do odoko iyapi.
33
. Kamanono da, kame wun ibinunu neno gigi dedede, ngeunu do be edoko iyapi etuno do iekeko.
34
. Atekeni awaco newube, iwak ni likame bino rwenyo kwanyo do gigi dedede ocobere.
35
. Mato kede lobo bino rwenyo do kope nango likame bino rwenyo taige.
36
. Do kop amako ceng no kede esawa likame tie dano kame ngeo li likame paka imalaikan me medo da, kwanyo papa na kenene.
37
. Do bala kite kame ceng ku naa otimere kede ebino bedo cil kumanono idwongo me wol ka dano.
38
. Do bala iceng kame di pwodi alele oudo kitle camedi kimato, kinyomere doko kimio anyira gi me anyoma tuno kede ceng kame nua odonyo kede iye.
39
. Doko udo likame kingeo gimoro tuo alele bino kwanyo gi tenge, kamanono da, dwogo me wot ku dano bino bedo cul kamanono.
40
. Doko jo are bino bedo tie ipoto, ngatacel kobino kwanyo di oweko dano acel.
41
. Jo are obino udo di kitie riego, kobino kwanyo acel di oweko dano ocelu.
42
. Pimano gwokerene, pien likame ingeunu esawa kame rwot wu oyaro bino kede.
43
. Do ngei mane be, kame dano kaber me ot koto ngeo esawa mene en kame nga kuwo oyaro bino kede udo koto di eneno me wek kur eyei ne ode turi.
44
. Pimano, bed ili iilee nu, pien kamanono esawa alikame itamunu en kame wot ka dano bino dwogo kede.
45
. Ngai ini obedo ngalie ka genere di eicek, kame rwot mere amie twero ikom jo me iode, pi mino gi cam iesawa opore.
46
. Etie kede winyo nyatie no kame rwot mere bino dwogo ude di etie timo tie.
47
. Ateteni awalo ne wube, en ebino nuni ngatie nono bedo ngatpug me jamini mege dedede.
48
. Do kame ngatie arac bino waco icunye be Rwot na ogal kede dwogo.
49
. Di eko cako guno bungo jotic wud gi ocelu di eko cako cani di emato kede jo amera.
50
. Rwot ka ngatic no oyaro dwogo iceng kame dano no likame tie nene kede doko i esawa kame en likame engeo.
51
. Di en oko bino mine itillel katek di oko nyuto ne kabedo karacel kede jo ecuke kuno en kame bino bedo ka koko kede mwodo lak.