1
. Kakame otieko kede nywalo Yesu i Betelekemu ipiny me tetu kide oko bino Yerusalem,
2
. di kiwaco be, "Ngat kame onyalo pi bedo Abaka me Iyudayan tie tuai? Pien wan oneno acer mere i tetu kide en omio wan obino wore.
3
. Kakame Erode owinyo kede ko[ noni, en eko udo par icunye, kede Yerusalem dedede karacel kede en.
4
. Do kakame ecoko kede jodongo me josaseredoti kede jopwany me iswil dedede karacel, en eko penyo gi be tuai kame oudo opoore nywalo iye Kristo.
5
. Gin do iko waco ne be, i Betelekem me Yudea, pien enabi bin owandiko amanono.
6
. Do wun, Betekem, i piny me Yuda in lika ibedo ngatel abino kwano jo na me Isirael oyaro wok ikom wun?
7
. Dido kame Erode dwongo kede jorieko i mung, eko udo ngec kibut gi ikom esawa kame acer oneeno kede.
8
. Di eko cwano gi Betelekem di eyamo be "Otunu imounu atin atitidi no iber, do kame iudenu banu iyamanu, tetekeny ango da abin di ako wore.
9
. Kakame kiwinyo kop ka abaka kiko yai do acer kame oudo gin ineno i tetu kide oko ot di telo gi i anyim paka en tuno di eko cungo malo iwi kabedo audo atin tie iye.
10
. Kakame ineno kede acer, kiko lelo kede yom cuny adwong adikinicel.
11
. Do kame iwok kede i ot, kiko neno Atin kede Maria toto mere, kiko buto piny di kiko wore, Do kakame iyabo kede jame gi, kiko mine giamia, sabu bubani, kede mura.
12
. Dido kakame Rubanga okwenyaro kede gi i ilek be lika gi ipoore dok but Erode, gin iko dok i piny gi di kibeo iyongayo apat.
13
. Nan do kakame gin itieko kede yai neni, Malaika ka Rwot oko nyutere but Yosepu i ilek, di ewaco be, "Yai, ten atin kede toto mere, ikonu ringo i piny me Misiri, ikonu bedo kuno paka kame ango akelo ne kede kop: Pien Erode oyaro mono atino pi neke.
14
. Kakame ecei kede eko kwanyo atin kede toto mere kiko yai ot Misiri.
15
. Di eko bedo kuno paka Erode to, tetekeny wek kope kame Rwot oyamo di ebeo but enabi cobebere be: "Alwongo Woda i Misiri"
16
. Do Erode, nek me idwe ali kede bal kame eneno kede jorieko oko ngale, cunye oko wang adikinicel; di eko cwano kop pi neko idwe awobe dedede me mwakini are dwogo piny audo tie i Betelekem kede i adulio mege dedede, di lubere kede kare kame en eudo ibut jorieko.
17
. Dido kope kame enabi Yeremia owaco oko cobere.
18
. Dwan oudo winyere i Rama koko, kok koko me to, Lakeri oudo tie koko pi idwe mege, di likame eyei dio cunye pien gin do idoko li.
19
V 19. Nan do kakame Erode oto kede, neni, Malaika ka Rwot oko nyutere but Yosepu i lek i Misiri.
20
. Di ewaco be, "Yai kwany atin kede toto mere, di iko ot i lobo me Isirael, piento jo audo tie mono kuome atin nono otieko to.
21
. Di do en eko Yai, ekwanyo atin kede toto mere, di eko ot i lobo me Isirael.
22
. Do kame en ewinyo kede be Arekelau oudo tie pugo Yudea kawang papa me Erode, en eko udo luoro me ot kuno. Do kame Rubanga okwenyaro kede en i wang ilek, en do eko parao ot i piny me Galilaya.
23
. Di do en eko bino di eko bedo i bomba kame olwongo be Nasaret, tetekeny kop kame inabin oyamo ko cobere be, "Kobino iwonge be dano me Nasaret.