1
. Di en eko lwongo joor mege tomon kiwie are karacel, di eko mino gi twer kede akarunikin me riamo jogwi dedede kede cango tuwere.
2
. Di en eko oro gi pi ot tuco kop ikom jago ka Rubanga, kede cango jo tuo.
3
. Di en eko yamo negi be, kur imakunu gimoro ka itienu ot kur imakunu ebela, amoto ikapu, amotoko mugati arabo sente amoto ikotin aare.
4
. Do paco ame idonyunu iye bedunu iye tuno yai.
5
. Do kalikame obino gamo wu iye kame itienu yai kibomba nono tetengunu adae me tienu iye pi bedo ijura but gi.
6
. Di gin iko yai ot di ibeo ibomban di kitico jiri kede cango jo tuo ikabedo dedede.
7
. Kame Erode ngagero owinyo kede giame etie timo dedede, di eko doko iwor pien oudo jomogo yamo be Yokana en oyaruno kibut jo oto.
8
. Do mogo oudo yamo be Eliya en oneno do jo icegun oudo yamo be ngat acel kikom inabin asek en kame oyaruno.
9
. Di Erode oko yamo be Yokana bin ango angolo wie, do ngai bobo ine kame ango atie winyo kop ikome ni? Di en eko bedo kede mit me nene.
10
. Do joor kame idwong kede, di kiko tatame ne Yesu gi dedede kame gin itimo. Di en eko tero gi, kar gi ken gi ibomba me Betesaida.
11
. Kakame jo ongeo kede be en etie ot gin kiko lube, di en eko gamo gi, di eko donyo tuco ejiri me jago kaRubanga doko di ecango jo atie kede mit me cange.
12
. Kakame oudo piny do tie yuto kede joor mege tomon kiwie are oko bino bute di kiko yamo ne be, Peruno do jo wek kioti ibomban kede icalere iyapi wek amoto iudi kabuto kede giacama pien wan otie nu iwii tim.
13
. Do en eko dwoko ne gi be, wun miunu gi icam. Di gin kiko dwoko ne be wan otie kede mugati kanyi kede aporogon are kenekene kwanyo nan miero ot owil cam aromo jo dedede.
14
. Pi cuo oudo tie kuno buco tuno tutumia kany. Di en eko yamo ne joor mege be miuni gi kibed piny iye ekodet me jo oot kany, oot kany.
15
. Di gin kiko timo amanono iko mino jo dedede obedo piny.
16
. Di en eko kwanyu mugatin kany nogo kede aporogon are di eko neno malo di eko mino winyo iye di eko tuturo gi eko mino but joor mege pi gabo but ekodet me jo.
17
. Di jo dedede oko cam, di kiko yeng. Di oko coko cam odong pong ibukito tomon kiwie are.
18
. Ikare moro oudo etie ilega en kene joor mege da oudo tie kede, Di en eko penyo gi be kara jo yamo be ango en ngai?
19
. Do gin kiko dwokone be, mogo yamo be in en Yokana ngai batis mogo be Eliya mogo yamo be in ibedo ngataciel kikom inabin asek oyaruno.
20
. Di en eko yamo ne gi be, do wun iyamunu be ango en ngai? Petero di oko dwokone be in en Kristo ka Rubanga.
21
. Di en eko coro gi be kur kiyami ne ngatamoro kopnoi.
22
. Di en eko yamone gi be wot adano bino beo ican atot di jo tel adongo me piny kede isaseredotin adongo kede jo pwony me iswil bino dage di kiko neke do ingei ceng adek ebino yaruno.
23
. Di en eko yamo negi dedede be, ka dano moro ni mito bino buta poore ber kong en edagere kene di eko riongo musalaba mere ceng dedede di eko luba.
24
. Pien ngat kame mito lako kuo mere ebinoke do ngat ame bino kei kuo mere pira en abio lakere.
25
. Pien bero nyo kame dano bino udo kame eudo jame dedede me pinyi kan di eko kei kuo mere? amoto di oko uce tenge?
26
. Pien ngat kame ieuc bino mako pira kede pi kop na. Wot kadano da ieuc bino mako pire ikare me ebino dwogo kede ideyu mere kede me apapa mere kede imalaikan acil.
27
. Do ateteni ango ayamo ne wu be tie jomogo atie cungo kan, kalikame bino bilo to tuno di kineno jogo ka Rubanga.
28
. Ingei ceng aromo bala kanyauni eyamo kede kope nogi di eko kwanyo Petero kede Yokana kede Yakobo di kiko ot yito malo iwii moru pi lego.
29
. Kakame oudo etie kede ilega, cal me nyime okolokere di igoen mege oko doko tar di rieng arienya.
30
. Kikame dido cuo are oko donyo yamo kede jonogi en Musa kede Elia.
31
. Gin kineno kideyo, di kiyamo ne kop amako to mere ame miero ecobi i Yerusalem.
32
. Do Petero karaciel kede joo oudo etie kede oudo nino obwono, Do kame icei kede kiko neno deyo mere kede cuo are kame tie cungo kede.
33
. Kakame jonogo oyai kede ibute, Petero di oko yamo ne Yesu be, ngadwong eber pi wan bedo kan, wek do wan oger ude adek kan, aceli ne in cel ne Musa acel ne Elia. Oudo liame engeo gi giame etie yamo.
34
. Di pwodi oudo etie yamo polo oko bino di oko umogi lworo di oko mako gi kame polo oumo gi kede.
35
. Dwan di oko wok ipolo di eyamo be, man en woda ame amaro winyenu.
36
Kakame dwan oling kede Yesu oko dong kene Gin kiko ling kede kop noni, likame iyamo nengatamoro ikare nono giame oudo kineno.
37
. Oru mere, kame iwok kede piny iwii moru eko riamo kede ekodet me jo atot.
38
. Icuo acel iye ekodet oko lelemo kitek di eyamo be ngadwong akwai ipar pi woda pien en inono acel kenekene.
39
. Pien Tipo arac make diko mine donyo koko kitek, di korete piny, di eko donyo agwegweun du buo wok kidoge di eko tieko teko kibute pi kare alaci.
40
. Ango ako kwano jo pwony ni riame tenge do likame kiko twero.
41
. Yesu oko dwoko ne gi be, wun lwak alii kede yei, oparao ikareni tuno awene di atie kede wu, di akanya kino kede wu? Keli wodi kan.
42
. Do kame oudo etie bino kede jwogi di bobu okorete piny di oko mine donyo agwengweun di Yesu oko coko tipo arac nono di atin awobi nono oko cango di eko dwoko but papa mere.
43
. Jo dedede oko urotwer ka Rubanga. Di jo dedede tie uro giame Yesu otimo en, eko yamo ne jo pwony mege be,
44
. Miunu kope gi donyi iyitu pien wot adano obino mino icing jo.
45
. Do gin likame iko niang yamo noni pien oudo okano kibut gi wek kur ingei di doko iworoda oko mako gi penyo Yesu kop noni.
46
. Pien oko cakere kibut gi kengi di kimito ngeno ngai en apore bedo ngadwong kibut gi?
47
. Kakame Yesu oniang kede tam me cuny gi, di en eko kelo atin di eko mino ocungo ingete.
48
. Di en eko yamo ne gi be ngat kame gamo atini inyinga udo egama do ngat kame gama udo egamo ngat oora pien ngat atididi ibutu dedede en abino doko ngadwong.
49
. Yokana oko dwoko ne di eyamo be nga dwong wan oneno ngatamoru di riamo jwogi inyingi do wan oko genge pien likame ebedo ngat acel ibut wan jo me alubi.
50
. Yesu di oko yamo ne be kur igenge nu pien nggat aliame dagi wa udo etie mer wa.
51
. Dido kare onoko ame opore game kede malo en eko loko nyime ot Yerusalem.
52
. En eko cwano jo ter kop anyim mere gin kiko donyo iye adul me Samaria pi li ko.
53
. Do jonogo likame oko game, pi ento oudo eloko nyime dok tu Yerusalem.
54
. Do kame jo pwony mege Yakobo kede Yokana oneno ginogi kiko yamo be Rwot iyei ne wan iwongu mac imalo bin piny kan wangi jonogi bala kame Elia otimo kede?
55
. Di en eko lokere but gi di eko coko gi di eyamonegi be. wun likame ingeunu cuny ame itienu kede.
56
. Pien wot adano liame obino pi du dubo kuo me jo do pi lako gi dido kiko yai ot icalo apat.
57
. Kakame oudo tie ot kede iyanguyo icuo moro di oko yamo ne be Rwot ango abino lubi ka dedede ame ioto iye.
58
. Do Yesu oko yamo ne be, ikween tie kede buge ame ibuto iye wing apor iyamo da tie kede ude gi. Do wot adano li kede ka pielo wie.
59
. Di en eko yamo ne dano acie be luba. Do danono oko yamo ne be, Rwot weka ber aoti aiki papa na.
60
. Yesu di oko yamo ne be wek jo to en aiki jo gi oto do in oti itit kop me jago ka Rubanga.
61
. Ngat acel da di bobo oko yamo ne be Rwot ango amito lubi do yei ber kong adoki amot jo me tura.
62
. Yesu di oko yamo ne be likame tie ngat ame mako keru me twonin aulo ame poore kede jago ka Rubanga.