1
. Dido jorar esolo kede jodubo dedede oko nyiko ingete pi winye.
2
. Di Iparisayon kede jo awandiko oko donyo ngur, di kiyamo be, "Icuo ni gamo jodubo di ecamo kede gi."
3
. En do eko yamo negi agole ni di ewaco be:
4
. Ngai ikom wu, kame itie kede romini tol acel, di acel ko rwenyo, likame iweko ot kanyangon go i itela, di iko ot mono acel orwenyo ca di eko ot mono acel orwenyo di ikome acel ca paka ude.
5
. Do kame eudo, enonge i epepet mere, kede i lel.
6
. Do kame edwogo i paco elwongo jowote kede jokio mege karacel di eko waco negi be, "Lelunu keda, piento audo orono na oudo orwenyo.
7
. Awaco ne wu be amanono da ilel atot oyaro bedo i malo pi ngadub acel kame swilaro akaka jo akalamo ot kanyangon iwie kanyangon kali kede mit me swilaro. Agole me nusu korwenyo.
8
. Arabo, dako mene ino atie kede abolai tomon, di likame eko cwinyo etala, di eko weno ot, kede mono iber paka udo abola acel audo orwenyo?
9
. Do kame eudo, elwongo jowote kede jokio mege karacel, di ewaco be, "Lelunu keda, pien audo abola audo arwenyo!"
10
. Amanono da, awaco ne we be, ilel tie inyim imalaikan ka Rubanga pi ngadubo acel kame swilaro." Agole me awobi orwenyo.
11
. Di eko yamo be: Icuo moro oudo tie kede awobe are,
12
. Do awobi atidi oko waco ne papa mere be, "Papa mia jame kame maka. "Aso en do eko popoko negi jame mege.
13
. Di pwodi ceng atot lika okato, awobi atidi noni oko coko jame mege dedede karacel, di eko yai ot i piny atie kabor itek, di eko dudubo jame mege iwi kuo aber.
14
. Do kakame etieko tic kede jame dedede kec oko poto i lobo no, di eko donyo mito kony.
15
. Di eko ot bedo kede lo moro me piny no, di lono oko oore i itela pito ipegei mege.
16
. Do oudo komo cunye odoko yom pi pongo yiye kede ngor audo ipegei camo, do lika tie ngatamoro oko mine gimoro.
17
. "Do kakame ngec mere odwogo kede, eko yamo be, "Adi ikom jotic kame papa nango pango atie kede cam aromo gi di bobo dong da, di ango atie to kec!
18
. Ayaro yai di ako ot but papa na, di ako waco ne be, "Papa, ango adubo inyim malo kede inyim da.
19
. Do lika bobo opoore iwonga be wodi. Mia do abed bala acel ikom jotic nin kame oculo.
20
. Di eko yai di eko bino but papa mere. Do kakame pwodi etie kede kabor, papa mere oko nene di eko udo kisa, di eko ringo di eko poto ingute di eko note.
21
. Di wode oko waco ne be, "papa, ango adubo inyim malo kede inyim da, lika bobo opoore iwonga be wodi.
22
. Do papa mere oko waco ne jotic mege be, kelunu ekansu abr ikonu ngapone, di ikonu rwako epeta i cinge, kede amuka i tiene.
23
. Di ikonu kelo etobcut amio kane, nekenu di okonu cam kede ilel.
24
. Pien oudo wodani oto do eyaruno bobo; oudo erwenyo do, eudere." Di gin iko geno ilel.
25
. Nan wode adwong oudo tie ipotu. Di eko bino pako tuno inget ot, eko winyo wer kede miel.
26
. En do eko acel ikom jotic di eko penyo dwong me kop nogi.
27
. Di eko waco ne be, "Omini obino, do piento papawu ogame di etie iber di kame yot, eneko etobait amio.
28
. "Do oudo cunye owang di likame eko donyo iiye. Pimano papa mere oko wok oko pi ngangao en.
29
. En do eko dwoko di ewaco ne papa mere be, "Neni i mwakini atot gi kame ango lem atimo ni kede tic lkatie esawa moro kame ango aturo kede cik: do di in likame ibilo kede minango atin dyel, pi bey ango da lelo kede jowota.
30
. Do kakame wodi ni obino kede, di etieko dududbo abar nin dedede kede amalayan, in iko neko etobait amio.
31
. Di eko waco ne wode be, "woda in nakanaka itie keda do bobo da gikame ango atie kede dedede abedo meri.
32
. Oudo epoore be wan ber ocamunu ebaga ni di okenu ilel, pien omini oudo oto do eyaruno bobo, oudo erwenyo do eudere.