1
. Nenunu epone me amara kame papa onyuto but wa ko mio olwongo wa be idwe ka Rubanga. Pimano omio piny likame ngeo wan bala kitekame piny li ogeo ngene en kede sek.
2
. Jo na kame amaro nataman wan otienu idwe ka Rubanga do pwodi liame ongeunu epone ame oyaro bedo cal kede do wan ongeo be kame en eneno wan obino bedo cal bala, en pien wan obino neno cal kame en etie kede.
3
. Do damo acel ame tie kede epone me gen nono lonyere en kikome bala kame en ecil kede.
4
. Ngat kame timo dub udo eturo iswil pien dub en turo iswil
5
. Pien un ingeunu be Kuristo bin oneno di kwanyo dub wan pien dub li nen.
6
. Pien ngat kame tie ien likame timo dub do dano kame timo dub udo pwodi liame onene amoto ngene.
7
. Idwe na atino kur ngatamoro ngalwu ngat kame timo gi opoore udo en epoore bala kame Kuristo opoore kede.
8
. Ngat kame timo dub udo en ebedo atin ka Sitani. Pien Sitani ocako dubo cako iagege ko noni en komio wot ka Rubanga oneno tetekeny edudubo tice ka Sitani.
9
. Dano ko bedo anywali ka Rubanga liame timo dub pien kodi ka Rubanga dong ien likame etwero timo dub pien udo en ebedo anywali ka Rubanga.
10
. Manoni en epone kame idwe ka Rubanga oko neeno kede, kede idwe ka Sitani dano kame liatimo gi opoore udo en likame ebedo me ka Rubanga akadi ngat kalikame maro omimere.
11
. Pien man en kop kame un iwinyunu cako iagege be wan oporenu marere kenwa kenwa.
12
. Likame bala kain kame bin tie kede cuny karac komio en engolo omimere. Pinyo komio bin en engole? Pien tice mege en oudo reco, do tice komimere oudo opoore.
13
. Imiegu kede amiegunu kur ibedunu kede par moro kame jo lobo dagiu.
14
. Pien wan ongeo be wan otieko do yai itoo otuno ikuo pien wan omaro imiegu kede amieguwa dano kalikame maro omimere udo pwodi en etie itoo.
15
. Dano kame dagi omimere udo en ebedo nganek, pien wan ongeunu be liame tie nganek kame bino udo kuo aliatiek.
16
. Epone noni en kame wan ongeo kede amara ka Rubanga pien en ejaso kuo mere pirwan pi mano wada pore ojalunu kuo wa pi imiegu kede amiegu wa.
17
. Ngat kame tie kede jamini abeco me lobo ni di eko neno omimere di tie kede mit iye do di en eko cego cuny me kisa ki but en epone mene kame amara ka Rubanga bedo kede bute??
18
. Do idue na atino kur oketunu amara me yamo kope kede lebwa, do itic kede iateni.
19
. Manoni en komio wan ongeo be wan obedo jo me ateni di omoko cuny wa inyim en.
20
. Pien kame di cuny wan ngolo ne wa kop Rubanga dwong kato cuny wadoko en engeo gigi dedede.
21
. Jo na kame amaro kame di cuny wan likame ngolo ne wa kop udo do wan otie kede gen ikom Rubanga.
22
. Doko gikame wan openyo wan oudo kibute en pien wan ogwoko iswiliaka mege doko otimo jamini kabeco kiwangen.
23
. Doko man en iswil mere be wan opore yei nying wode en Yesu Kuristo di oko marere kenwa kenwa bala kame en emio wa kede iswil.
24
. Do ngat kame gwoko iswiliaka mege en ngat nono bedo ien doko eda ebedo ongeo be en ebedo iwan pi cuny kacil ame en emio wan.
25
Piem oko gere i dierediere me josiao ka Yokana kede Ngayudaya acel i kom kop kame mako lonyere.
26
Gin kiko bino but Yokana di kiko waco ne be, “Apwony, ngat kame oudo in itie kede loka tetuca me Yorodan, kame in bin imio ijura i kome nono, en ine etie batiso jo; doko jo dedede tie ot bute.”
27
Yokana oko dwoko ne gi be, “Likame tie dano kame twero udo gimoro kwanyo di komie ki malo.
28
Uda kikomu ijuraonu ango be awaco be, ango likame Kirisito, do kocwao ango pi telo ne en yongayo.
29
Icuo eteran en kame won ateran; do adieru me eteran, kame cungo i ngete di ewinyo yamo mere lelo twatwal pi winyo dwan eteran. Pi mano, ango nan atie kede yomcuny adwong.
30
En miero emeede, do ango miero adok piny.”
31
”Ngat kame obino ki malo kalamo jo dedede. Ngat kame tie i piny udo en me piny, doko da eyamo kope kame mako jamini me piny; ngat kame obino ki malo kalamo jo dedede.
32
En ejurao gikame eneno kede kame ewinyo, do likame tie ngatamoro kame yei ijura kame en emio.
33
Ngat kame yei kop me ijura mere, udo ngat nono otieko moko be Rubanga en ateni.
34
Pien ngat kame Rubanga ocwao, en eyamo kop ka Rubanga, pien likame Rubanga mio Tipo Kacil di epimo apima;
35
Papa maro Wod, doko etieko mino jame dedede i cinge.
36
Ngat kame yei Wod tie kede kuo kame bedo nakanaka; ngat kalikame yei Wod likame ebino udo kuo, do lilo ka Rubanga bino poto i kome.”