1
. Ingei gigi Yesu di bobon oko neno but jo siao mege inge me Tiberia ka mane.
2
. Di gi tie karace, Simoni Petero kede Tomasi ame olwongo be didi mo, Nathanael me cana ame tie Galilaya, kede awobe ka Sebedayo kede jo siao mege are ace.
3
. Simoni Petero oko yamo negi be, ango atie ot cik di gi ko waco nebe wada omito ot kedi cutocuto nono digi ko donyo iiye, iwor noni lika gi ko mako gimoro.
4
. Dido piny oru, Yesu oko cungo idog nam di jo siao mege likame oko ngene.
5
. Yesu di ko penyo gi be, idwe, itienu kede gime acama moro? Gin giko dwoko ne be li.
6
. Eko yamo negi be, wicunu bwoini wu ibad tetu cam me yec ibinunu udo. Di gin giko timo amanono di gin likame giko twero peno bwoini pien oudo gi mako aporogon atot.
7
. Pi mano nga siao ame Yesu maro oko yamo ne Petero be, kara en ebedo Rwot. Esa me Simoni Petero owinyo kede be oudo en ebedo Rwot eko rwano kome kede ekoti me cik (pien oudo etie nono) di eko somo inam.
8
. Jo siao ace di oko kwang kede ye atididi (pien oudo gi tie iyapi kede mwalo bala make romo yadi 100) di gi peo bwoni gi kede aporogon.
9
. Digi tuno imwalo gi ko neno mac kaliel kede aporogon otie bulo iye kede mugati.
10
. Di Yesu oko yamo negi be kelunu aporogon mogo ame imakunu.
11
. Simoni Petero oko yai eko pen bwoini opong kede aporogon bala nat tol acel iyot kany iwie adek, oudo gi tot do likame gi ko nyilo bwoni.
12
. Di Yesu oko lwongo gi be, bia ocamunu, ikom gi likatie ngat oko twero penye be in ebedo ngai? Pien oudo gi tieko ngeno be en ebedo Rwot.
13
. Di Yesu oko bino, di eko kwanyo mugati di eko mino gi. Di eko timo kamanonoda kede aporogon.
14
. Oudo nan do ebedo tien me adek me Yesu Yesu yutere ne jo siao mege di etieko yaruno ki too.
15
. Digi tieko cam, Yesu oko penyo Simonni Petero be, Simoni wot ka Yona, imara lono gigi? EKo dookone be, Ebo Rwot yin ingeo be ango amari. Yesu oko wco me be pit idwe romini na.
16
. Di bobon Yesu oko penye me are be Simoni, wot aYona, imara? Eko yamone be, Ebo Rwot yin ingeo be amari. Eko yamo ne be pit romoni na.
17
. Eko bobon penye me idek, Simoni wot a Yona imara? Petero oudo do cunye owang pien epenye me tien adek, be imara? Di eko yamo ne be Rwot in ingeo di duc, ingeo bobon da be amari. Yesu oko waco ne be pit oromini na.
18
. Ateteni ateteni awaco newa be, di ngoce pwodi in itie atin oudo ingapere iko oot kara moro kene kene ame in dimito. Do kame inibino ti ibino rieno badi di ngat ace bino ngaponi egwe eko tali kame cunyi likamito ot iye.
19
. Yesu oyamo koman di etie nyuto ne too aen epore mino kede deyo but Rubanga. Di etieko yamo kaman eko yamo ne be luba.
20
. Petero oko neno nga siao abin Yesu maro di tie lubo gi abin oteno wie iko Yesu esawa me cam me otieno eko yamo be, Rwot ngai en eyaro rupao in?
21
. di Petero onene eko yamo ne Yesu Rwot do nyo kame icuo no oyaro timo?
22
. Yesu di oko waco be, kame amito ebed kuo paka ango dwogo, nyo ame makin iye? ili luba.
23
. Kop noni di oko sarakin but imiegu be nga siao noni lika pore to. Do di Yesu li oudo oyamo amano be likame epore to do be kame amito ebed kuo paka ango dwogo nyo ame makin iye?
24
. Man en obedo nga siao ame omio caden me gino gi eko cono gi ame wan ongeo be caden mere tie me ateni.
25
. Do bobon da tie jamini atot ace kame Yesu otimo kame owac be owandiko acelacel ango atamo be lika twero gwoko itabin kame oudo pore wandikikin Amano.