¹ Iye ateni cikere me agege da oudo tie kede kope me aluba kame otimo bala itok me malo kede me wi lobo kane. ² Piento oudo tie alutari kame otimo. Me agege iye, acoget me mac kede emesa kame oketo kacil pi mugati kame omio Rubanga. ³ Me are mere iye alutari oudo tie kame olwongo be kabedo kacil aloaloa. ⁴ Kame tie kede lilime me ssabu kame makere kede sanduku me cikere kame kotimo rimaro kede ssabu kame da iye oudo tie agulu me ssabu kame tie iye emanu kede abela ka Aroni kame oudo opong kede imesai me cikere. v 5 Itetung ca tie iye imalaikan atie ibwom gi me deyo di mio Tipo ikom me kisa kame nan wan likame otwero yamo i tuto. ⁶ Nan kame gigi otieko wiro, ngasaseredoti do ko cako ot nakanaka iye esenge me oko me alutari pi cobo tic ka Rubanga. ⁷ Do i senge me are ngasaseredoti adwong kene en kame donyo iye i cel bul mwaka kede remo kame en obedo gi ayala mere kede me bal me jo dedede. ⁸ Tipo kacil man cungo akaka yongayo kame donyo kabedo acil lono kame pwodi likame neeno di alutari me agege cungo akaka en. ⁹ Kame oudo calo bala gi kame neno kame oudo omio mic kede gi ayala kame oudo likame mio en ngat kame tio tie cilo amako omung me iye. ¹⁰ Kame cungo kenekene pi ringo kede gi amata kede itok apapat me lonyere magi obedo iswilia mogo kame makere kede kom kame omio i komgi paka tuno gin yikere. ¹¹ Do Kristo obino bala ngasaseredoti adwong amako jamini abeco atie bino kede jame apirgi tek kede alutari kacil kame likame ocweo kede cing, kame dwong mere be likame etie me gedo me piny kan. ¹² Likame pi remo me diegi kede roce do pi remo meren ikome en edonyo icel i kabedo kacil ingei udo kuo me alako pirwa. ¹³ Do koto oudo remo me twonin kede diegi kede buru me doke atakito okikiro but jo kalikame cil lonyo gi tuno icilo me kuo. ¹⁴ Tie nadi bobon kame remo ka Kristo ikom Tipo kacil me kuo, omio en emio kuo mere kene abongo akemer moro but Rubanga kwany kuo ni tenge iye omung me tice akelo too pi tic ne Rubanga akuo. ¹⁵ Pi magi en ebedo nga irucakin me isikan kanyen kame beo ikom tam me to pi lako gi kareco wa kame oudo tie piny me isikan kacon kame jo kame kolwongo cenge mogo bino udo acika kame ociko kede jo kame bino leeno kabedo me kuo kalikame tiek. ¹⁶ Pien ikaka me omio iye ijura pi ngat oto poore di ber tie to otimere but ngat kame okwanyo ijura pire. ¹⁷ Pien ijura tie adiamoro kame otimo pi jo ko too pien jo likame tie keda twero moro me kwanyo ijura pi jo kalikame oto. ¹⁸ Pimano isikan kacon da bino moko abongo remo. ¹⁹ Pien kakame Musa otieko waco ne kede jo dedede cik me iswil, eko kwanyo me itobai kede me diegi, kede pii, kede ausi akwar me yer, kede yat acal bala emompim, di eko kiiro i tabu me cikere kede ikom jo dedede. ²⁰ Di eyamo be, "man en remo me isikan kame Rubanga oribakino wu iye." ²¹ I epone nono da en ekikiro remo no iye alutari karacel kede jame dedede kame otio kede pi tic ne Rubanga. ²² Kede iya teni gi dedede kame iswil mito abongo remo ony likame tie pi sasiro dub. ²³ Oudo poore jamini kame tie malo da lonyere iye epone nono do pi jame me malo otieko lonyere kede gi ayala aber lono mago nogi. ²⁴ Pien Yesu likame odonyo ikabedere kacil gi kame otimo kede cing kame da tie gi anena moro me ateni, do imalo ikome pi en neeno inyim Rubanga pirwa. ²⁵ Likame be pien epoore miino kuo mere bala kame ngasaseredoti ka dwong donyo kede ika bedo kacil buli mwaka icel kede remo kalikame mere. ²⁶ Pi weko be pi en epoore mio kuo mere bala gi ayala geeno ki ya cakini me piny, do nan icel iye ajikini me piny en eneeno pi kwanyo bal iyore me mino kuo mere bala gi ayala. ²⁷ Do bala kame ko ciko ne kede buli dano pi to icel dido i cen mere ngolo kop. ²⁸ Kamanono, Kristo obedo gi ayala acel pi dub me jo katot, kede pi jo kame bino moole ebino neeno me are abongo bal i yei.