¹ Nan ikom gi kame wan oyamo kede wu iyei, wan otie kede ngasaseredot adwong, kame oketo ibad tetucam me ajakanut, ki kiara i malo, ² Nya tic ikabedo kacil i tempulo kame Rwot en kogero, kalikame dano. ³ Pien buli ngasaseredoti owiro pi mino gi ayala kede gi amia awanga. Kakame do poore ne dano me mino gimoro me ayala pire. ⁴ pi ka koto oudo etie ilobo, koto likame ebedo ngasaseredoti bala kitekame en eneno kede be tie jo Saserodoti kame mio gi amia di kilubo iswil. ⁵ Kame tie kede anen kitipo me jamini me malo, bala kite kame Rubanga okwenyaro kede Musa di oudo emito gero ewema me iriam; neni en ewaco be tim gi dedede di upere kede gikame onyutoni i moru. ⁶ Do nan en eudo bobo tic kaber kame kalamo, di lubo kitekame en edoko kede nga rib me isikan kaber kame cungo icikere kabeco. ⁷ Pien akadi koto isikan me agege raco moro li oudo koto kabedo me isikan me are likame komoo tien me are. ⁸ Pi udo raco iigi, ewaco be, "neni ceng tie bino, Rwot en owaco kame abino keto kede isikan kanyen kede ot me Isiraili kede ot ka Yuda. ⁹ Likame isikan kacalacala kede isikan kame ango aketo kede jo ka Papi gi ikare kame oudo akwanyo gi kede cinga di atelo gi oko me lobo me Misiri; Pien gin likame kiko mede lubo isikan na, likame kiko gwoko gi Rwot en owaco. ¹⁰ Pien man en isikan kame ango ayaro keto kede ot me Isiraeli, icen ngei kare go Rwot en owaco, abino keto iswilia na i tam gi, ako bino wandiko gi i cuny gi; di ango ako bino bedo but gi Rubanga, gi da kiko bino bedo buta Jo na. ¹¹ Bul dano likame bobo bino pwonyo nga kio mere, akadi dano acel acel omimere, di ewaco be ngei Rwot; pien gin dedede kibino ngena, geno iye atitino tuno kede iye adongo. ¹² Pi ango abino timo kisa ikom lia poore gi, likame abino yutuno tim gi kareco kede lii me poore gi. ¹³ Man en ewaco be isikan "kanyen" en etimo, gikame me agege kacon kame likame twero lubere di etie mito rwenyo tenge