1
. Medunu marere bala imiegu
2
. Kur wiru wu kede gamo jokumbor, pi timo kamanono otieko mino jo mogo ogwoko imalaikan abonyo ngeno.
3
. Yutunonu jo atie i otkol di ineno bala itienu i otkol kede gin, kede jo kame kotero kirac pien wuda kikomu itienu ikom.
4
. Mito jo dedede wor nyom kede mito apyen me jo onyomere kur kopwoki pi Rubanga bino ngolokop ne jocaro kede joadote.
5
. Gwok kuo ni ki ingobel di iko mino gikame itie kede romi pi en etieko waco be, “Ango likame abino weki akadi jail.”
6
. Pimano wan otwero waco abongo lworo be, “Rwot en Ngadwong na; li abino bedo lwor; nyo kame dano twero timo n?”
7
. Yutunonu jotel u, jo eyamo newu kop ka Rubanga. Tamunu ikom adwokuni me elute me kuo gi di ikeunu lubo yei gi.
8
. Yesu Kuristo likame elobere nyoro kede tin kede nakanaka.
9
. Kur pwony mogo apapat di kingen ter wu tenge pi eber ne cuny udo teko pi kisa likame cam gi kalikame oko konyo jo koudo oketo cuny gi ikom gi.
10
. Wan otienu kede alutari kame jo kame timo tic me taberenako kikame tie kede twero me camo cam mere.
11
. Ngatel me josaseredoti tero remo me teinu kabedo kacil kalamo bala giayala pi dub, do kom leini nogo kowanyo ooko me kimere.
12
. Kamanono Yesu da oneno can ooko me erute me mamba tetekeny elong jo kede remo mere.
13
. Mito wanunu do ootunu bute ooko me kimere kede lewic kame en engirkino.
14
. Pien kame wan likame otienu kede bomba kame bedo nakanaka, do wan otienu mono bomba kame oyaro bino.
15
. Pi mano mito wan obedunu mino giayala me pak but Rubanga di obeo kibut Yesu manono en obedo anyakini me dog wa di omio pwoc i nyinge nakanaka.
16
. Kur wiwu wil kede timo bero kede nywak kede joilegun, pi giayala kacal kamagonogo yomo cuny Rubanga.
17
. Lubunu gikame jotel wu waco newu di ikounu yei bedo i loc gi pien gin ki gwoko cunyu bala jo kame miero mi adwokuni me tic gi Lubunu gikame kiwaco tetekeny kitim tic gi kede kicel do weko kede lito pien likame tie bero moro kame iudunu iye.
18
. Legunu pirwa. Wan ongeo kiber be otie kede tam aler doko cuny wa mito bedo kede ateni i gi dedede.
19
. Do ango akwao wu pu lego tetekeny amoto ko dwoko but wu awakawaka.
20
. Wataman akwao Rubanga me mulem ngat kame pi remo me isikan kame bedo nakanaka eyamino Rwot wa Yesu kikom jo oto en ngakwat adwong me romini.
21
. emi wu gi dedede abeco me timo mit mere doko akwao ini wa otim gikame yimo cunye, di beo kibut Yesu Kuristo en ngat kame deyo miero bed bute nakanaka.
22
. Imiegu ango akwao wu pi ngirkino kope na me acora pi ango awandiko newu baluwa acecek.
23
. Ango amito inyeunu be omin wa Temeseo kotieko gonyo. Ka esusunyo tuno, ango abino bino kede pi neno wu.
24
. Motunu jotel wu dedede kede jo kacil dedede. Jo kame yai i itali cwao newu amot.
25
. Kisa bed kede wun dedede.